Հա

Քաղաքական

12/05/2019 - 10:00

«Իսլամական յեղափոխութեան պատմութեան մէջ, թշնամու գործադրած ճնշումներն աննախադէպ պատերազմ է». նախագահը՝ քաղաքական ակտիւիստների հետ հանդիպման ժամանակ

Հանրապետութեան նախագահ դոկտ. Հասան Ռոհանին, թշնամու գործադրած քաղաքական եւ տնտեսական ճնշումներն Իսլամական յեղափոխութեան պատմութեան մէջ լիակատար եւ աննախադէպ պատերազմ է համարել, եւ շեշտել է, որ նման պայմաններում յեղափոխութեան բոլոր ուժերը պէտք է միաւորւեն:

«alikonline.ir» - Հանրապետութեան նախագահ դոկտ. Հասան Ռոհանին, թշնամու գործադրած քաղաքական եւ տնտեսական ճնշումներն Իսլամական յեղափոխութեան պատմութեան մէջ լիակատար եւ աննախադէպ պատերազմ է համարել, եւ շեշտել է, որ նման պայմաններում յեղափոխութեան բոլոր ուժերը պէտք է միաւորւեն: Այս մասին նա յայտարարել է, երէկ՝ մայիսի 11-ին, քաղաքական մի խումբ ակտիւիստների հետ հանդիպման ժամանակ: Հաղորդում է ԻՌՆԱ-ն:

«Այսօր չի կարելի ասել, թէ ներկայ պարտադրեալ պատերազմի ժամանակաշրջանի համեմատութեամբ, ներկայ պայմաններն աւելի լաւը կամ վատն են: Բայց պատերազմի շրջանում, բանկային յարաբերութիւնների, նաւթի արտահանման, ներմուծումների կամ արտահանումների հետ կապւած խնդիրներ չունէինք: Մեր դէմ գործադրւող միակ պատժամիջոցը, զէնքի գնման սահմանափակումն էր»,- ասել է նախագահը՝ յաւելելով. «Պարտադրեալ պատերզմի օրերին, գրեթէ ողջ հասարակութիւնը համաձայն էր, որ կառավարութիւնը մեղաւոր չէ առկայ դժւարութիւնների համար: Նրանք գիտէին, որ Սադդամն է սկսել պատերազմը: Իրավիճակն իդէալական չէր, բայց բաւականին լաւ էր, եւ մարդիկ օգնում էին լուծել խնդիրները: Այսօր եւս մենք պէտք է նոյն կոնսենսուսը պահպանենք, եւ համբերութեամբ ու միակամութեամբ ղեկավարենք իրավիճակն ու չյանձնւենք»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։