Հա

Քաղաքական

01/06/2019 - 14:30

Նախագահը Տաջիկստանի ԱԳՆ-ի հետ հանդիպմանը. «Մշակութային ընդհանրութիւնների հետ զուգահեռաբար զարգացնել երկու երկրների յարաբերութիւնները»

Այսօր, յունիսի 1-ին՝ Թեհրանում կայացաւ Նախագահ Ռոհանիի եւ Տաջիկստանի ԱԳ նախարար Սերաջէդդին Մեհրէդդինի հանդիպումը:

«alikonline.ir» - Այսօր, յունիսի 1-ին՝ Թեհրանում կայացաւ Նախագահ Ռոհանիի եւ Տաջիկստանի ԱԳ նախարար Սերաջէդդին Մեհրէդդինի հանդիպումը: Հաղորդում է ԻՍՆԱ-ն:

Հանդիպման ընթացքում կողմերը անդրադարձել են երկու երկրների միջեւ առկայ համագործակցութեանը եւ դրա զարգացման հեռանկարներին:

Նախգահ Ռոհանին իր հերթին ողջունել է Տաջիկստանի ԱԳ նախարարի Իրան այցը նշելով, որ Իրանի եւ Տաջիկստանի ժողովուրդը ունեն մշակութային, գրական, պատմական, եւ լեզւաբանական ընդհանրութիւններ, ինչն անհրաժեշտ է ծառայեցնել յանուն երկու երկրների փոխյարաբերութիւնների զարգացմանը:

«Իրանի Իսլամական Հանրապետութիւնը, մշտապէս ցանկանում է Տաջիկստանի կայունութիւնը, անվտանգութիւնը, եւ զարգացումը»,- նշել է Նախագահ Ռոհանին իր պատրաստակամութիւնը յայտնելով օժանդակել Տաջիկստանի ամենատարբեր ոլորտների զարգացմանը:

Հանդիպման ընթացքում կողմերը շահագրգռւածութիւն յայտնեցին տնտեսական համագործակցութեան հետագայ ընդլայնման եւ տւեալ ոլորտում առկայ ներուժի իրացման հարցում։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։