Հա

Քաղաքական

08/06/2019 - 08:50

Զարիֆը պատասխանել է ԱՄՆ-ի եւ նրա դաշնակիցենրի՝ Իրանի հրթիռային ծրագրի վերաբերեալ նոր յայտարարութեանը

ԱԳ նախարար Մոհամմադ Ջաւադ Զարիֆը պատասխանել է ԱՄՆ-ի եւ նրա որոշ դաշնակիցների՝ Իրանի հրթիռային ծրագրի վերեաբերեալ նոր յայտարարութեանը:

«alikonline.ir» - ԱԳ նախարար Մոհամմադ Ջաւադ Զարիֆը պատասխանել է ԱՄՆ-ի եւ նրա որոշ դաշնակիցների՝ Իրանի հրթիռային ծրագրի վերեաբերեալ նոր յայտարարութեանը:

«ԱՄն-ն, որը դուրս գալով Միջուկային համապարփակ համաձայնագրից խախտել է ՄԱԿ-ի Անվտանգութեան խորհրդի 2231 բանաձեւը, կամ նրա դաշնակիցները, որոնք խախտում են Իրանի հետ տնտեսական յարաբերութիւնների կարգաւորման բանաձեւի դրոյթները, այնպիսի դիրքերում չեն, որ եմէնցիներին սպանդի ենթարկողներին զէնք մատակարարելուն զուգահեռ, պնդեն բանաձեւի՝ հրթիռային խնդրին վերաբերող բովանդակութեան իրենց կամայական մեկնաբանութիւնները»,- «Twitter»-ի իր միկրոբլոգում գրել է Իրանի արտաքին քաղաքական գերատեսչութեան ղեկավարը: Մէկ այլ՝ նոյն հարթակի գրութեան մէջ, Զարիֆը նշել է. «Ի տարբերութիւն Պոմպէոյի պնդումների՝ 2231 բանաձեւը՝ ա. Իրանին կոչ է անում, այլ ոչ թէ պարտադրում է, բ. չծաւալել որեւէ գործունէութիւն բալիստիկ հրթիռների նախագծման հետ կապւած, որոնք կարող են կրել միջուկային գլխիկներ: Մեր հրթիռներ չեն նախագծւած միջուկային գլխիկներ /որոնց երբեւէ մենք չենք ձգտել/ կրելու համար»: Նշենք, որ նախօրէին ԱՄՆ նախագահ Դոնալդ Թրամփի հետ հանդիպման ժամանակ, Ֆրանսիայի նախագահ Էմանուէլ Մակրոնը յայտարարել էր, որ Փարիզը եւ Վաշինգտոնը մէկ նպատակ ունեն Իրանի հանդէպ՝ խանգարել նրան ստանալ միջուկային զէնք, իջեցնել Իրանի բալիստիկ ակտիւութիւնը, զսպել Իրանի տարածաշրջանային ակտիւութիւնը եւ խաղաղություն հաստատել տարածաշրջանում։ Նա Իրանին կոչ էր արել նոր բանակցութիւններ սկսել: Ֆրանսիայի նախագահի յայտարարութիւնը մեկնաբանել էր Իրանի ԱԳՆ պաշտօնական ներկայացուցիչ Սէյէդ Աբբաս Մուսաւին՝ նշելով, որ Ֆրանսիան, նոր թեմաներ առաջադրելով, ոչ միայն որեւէ օգնութիւն չի ցուցաբերում Միջուկային համապարփակ համաձայնագրի իրագործմանը, այլեւ հետագայ անվստահութեան ճանապարհ է հարթում համաձայնագրի մնացած կողմերի միջեւ։

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։