Հա

Քաղաքական

11/06/2019 - 10:50

«ԵՄ-ն ձգտում է նւազեցնել լարւածութիւնը տարածաշրջանում». Մաասը՝ նախագահի հետ հանդիպման ժամանակ

Գերմանիան եւ Եւրոմիութիւնը ձգտում են նւազեցնել լարւածութիւնը տարածաշրջանում: Այս մասին, երէկ՝ յունիսի 10-ին, Հանրապետութեան նախագահ դոկտ. Հասան Ռոհանիի հետ հանդիպման ժամանակ ասել է Գերմանիայի ԱԳ նախարար Հայկօ Մաասը:

«alikonline.ir» - Գերմանիան եւ Եւրոմիութիւնը ձգտում են նւազեցնել լարւածութիւնը տարածաշրջանում: Այս մասին, երէկ՝ յունիսի 10-ին, Հանրապետութեան նախագահ դոկտ. Հասան Ռոհանիի հետ հանդիպման ժամանակ ասել է Գերմանիայի ԱԳ նախարար Հայկօ Մաասը:

Անդրադառնալով երկու երկրների երկարատեւ եւ բարեկամական յարաբերութիւններին, Մաասը կարեւորել է դրանց առաւել ամրապնդման նպատակով յաւելեալ ջանքերի գործադրումը:

Գերմանիայի արտաքին քաղաքական գերատեսչութեան ղեկավարը մտահոգութիւն է յայտնել արատքին միջամտութեան արդիւնքում, տարածաշրջանում լարւածութեան սրման առնչութեամբ. «Գերմանիան եւ Եւրոմիութիւնը ձգտում են նւազեցնել լարւածութիւնը տարածաշրջանում: Այս առումով մենք չենք խնայի որեւէ ջանք գործադրել»,- ասել է նա:

Հայկօ Մաասը Միջուկային համապարփակ համաձայնագրից ԱՄՆ-ի միակողմանի դուրս գալը համարել է սխալ, եւ ասել է, որ Գերմանիան որոշակի տարաձայնութիւններ ունի ԱՄՆ-ի հետ՝ Իրանի դէմ այդ երկրի քաղաքականութեան հետ կապւած: Նա նշել է, որ Բեռլինը, Փարիզի եւ Լոնդոնի հետ համատեղ փորձում է պահպանել Միջուկային համաձայնագիրն եւ իրագործել յանձնառութիւնները:

«ԱՄՆ-ի դուրս գալուց մէկ տարի անց, Իրանի հաւատարմութիւնը Միջուկային համապարփակ համաձայնագրին, հաւաստում է միջազգային ասպարէզում երկրի որդեգրած խելամիտ քաղաքականութեան մասին»,- ասել է Գերմանիայի ԱԳՆ ղեկավարը՝ յաւելելով, որ եթէ որեւէ մէկը ծանօթ լինի Իրանի պատմութեանը, ապա կիմանայ, որ Իրանի ժողովրդի դէմ առաւելագոյն ճնշման ռազմավարութիւնն արդիւնք չի ունենայ:

«Կարծում ենք, որ Միջուկային համապարփակ համաձայնագրի չեղարկման դէպքում, դրանից կօգտւեն նրանք, ովքեր ձգտում են մեծացնել լարաւածութիւնը տարածաշրջանում: Եւ այս հիման վրայ, ես վստահեցնում եմ, որ Գերմանիան, իր եւրոպական գործընկերների հետ սերտ համագործակցութեամբ, ձգտում է լուծել խնդիրները եւ պահպանել համաձայնագիրը»,- եզրափակել է Մաասը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։