Հա

Քաղաքական

07/07/2019 - 13:40

Իրանն այսօրւանից անցնելու է ուրանի հարստացման համար սահմանւած 3.67%-ի սահմանը

Միջուկային համապարփակ համաձայնագրով ստանձնած պարտաւորութիւնների իրականացման նպատակով, եւրոպական երկրների համար սահմանւած 60-օրեայ ժամկէտի աւարտին, Իրանը պաշտօնապէս յայտարարել է Միջուկային համապարփակ համաձայանգրով իր ստանձնած պարտաւորութիւնների նւազեցման երկրորդ փուլի մասին:

«alikonline.ir» - Միջուկային համապարփակ համաձայնագրով ստանձնած պարտաւորութիւնների իրականացման նպատակով, եւրոպական երկրների համար սահմանւած 60-օրեայ ժամկէտի աւարտին, Իրանը պաշտօնապէս յայտարարել է Միջուկային համապարփակ համաձայանգրով իր ստանձնած պարտաւորութիւնների նւազեցման երկրորդ փուլի մասին: Այս մասին այսօր՝ յուլիսի 7-ին կայացած մամուլի ասուլիսի ընթացքում յայտարարել են կառավարութեան խօսնակ Ալի Ռաբիին, քաղաքական հարցերով ԱԳ նախարարի տեղակալ Աբբաս Արաղչին եւ Իրանի ատոմային էներգիայի կազմակերպութեան խօսնակ Բեհրուզ Քամալւանդին:

«Այսօր պաշտօնապէս անցնելու ենք ուրանի հարստացման համար սահմանւած 3.67%-ի սահմանը եւ ուրանը հարստացնելու ենք ըստ մեր պահանջների»,- յայտարարել է Ալի Ռաբիին՝ յաւելելով, որ Իրանը չի պատրաստւում ցանկացած գնով մնալ Միջուկային համապարփակ համաձայնագրում:

«Մենք չենք պատրաստւում ցանկացած գնով մնալ Միջուկային համապարփակ համաձայանգրում: Ուրանի հարստացման տոկոսի բարձրացումը կոչւած է հէնց գործարքի պահպանմանը, դա կառավարութեան յստակ կարիծքն է»,- ասել է նա՝ յաւելելով, որ վստահ է, որ Իրանին կը յաջողւի յաղթահարել այս ուղին, եւ կառավարութիւնն Իսլ. յեղափոխութեան առաջնորդի ցուցմունքներով, ամէն ինչ կանի ժողովրդի շահերն ապահովելու համար:

Քաղաքական հարցերով ԱԳ նախարարի տեղակալ Աբբաս Արաղչին էլ իր հերթին յայտարարել է, որ Իրանի քայլը կոչւած է պահպանելու Միջուկային համապարփակ համաձայնագիրը:

«Մեր կարծիքով, Միջուկային համապարփակ համաձայնագիրը հեղինակաւոր եւ կարեւոր մի փաստաթուղթ է, եւ մենք ցանկանում ենք պահպանել այն: Բայց փաստաթղթի հետ կապւած մեր պահանջները եւս պէտք է իրականացւեն: Քանի որ դա տեղի չի ունեցել, մենք վերանայում ենք մեր ստանձնած պարտաւորութիւնները»,- ասել է Արաղչին՝ յաւելելով, որ եթէ առաջիկայ 60 օրերի ընթացքում եւրոպական կողմի քայլերը չարդիւնաւորւեն, ապա Իրանը կը յայտարարի համաձայնագրով իր ստանձնած պարտաւորութիւնների նւազեցման երրորդ փուլի մասին:

Բեհրուզ Քամալւանդին էլ յայտնել է, որ Իրանն Ատոմային էներգիայի միջազգային գործակալութեանը տեղեկացրել է իր գործողութիւնների նոր փուլի մասին, եւ առաջիկայ ժամերի ընթացքում կանցնի ուրանի հարստացման համար սահմանւած 3.67%-ի սահմանը:

Յարակից լուրեր

  • Ակնարկ. Եռակողմ անհամաձայնութիւններ
    Ակնարկ. Եռակողմ անհամաձայնութիւններ

    Անգարայի մէջ կայացած Թուրքիա-Ռուսիա-Իրան միջնախագահական ձեւաչափով եռակողմ հանդիպման պաշտօնական յայտարարութիւնը ո՛չ միայն հակիրճ է, այլ նոյնիսկ անբովանդակ: Նման ամփոփ եւ որեւէ հիմնական շեշտադրում չպարփակող յայտարարութիւն կա՛մ կ՛ուզէ թաքցնել հիմնական բաժինը եւ ուշադրութիւն ցրուել, կա՛մ ալ ընդհանուր յայտարարներու չգալու պարագային կը շրջանցէ տարակարծութիւններու գոյութեան փաստը:

  • Իրանը 10-15 տարւայ ընթացքում կը գնի Մեղրի ՀԷԿ-ի արտադրած էլեկտրաէներգիայի ամբողջ ծաւալը
    Իրանը 10-15 տարւայ ընթացքում կը գնի Մեղրի ՀԷԿ-ի արտադրած էլեկտրաէներգիայի ամբողջ ծաւալը

    Երեւանն ու Թեհրանը պարբերաբար միջկառավարական յանձնաժողովի նիստեր են անցկացնում, որոնց ընթացքում քննարկւում է էլեկտրակայանի շինարարութեան հարցը, բայց նախագծի ապագան առայժմ մշուշոտ է։

  • Դեսպան Սաջջադին հանդիպել է ՀՀ սոցնախարարի հետ
    Դեսպան Սաջջադին հանդիպել է ՀՀ սոցնախարարի հետ

    ՀՀ աշխատանքի եւ սոցիալական հարցերի նախարար Զարուհի Բաթոյեանը հրաժեշտի հանդիպում է ունեցել Հայաստանում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիի հետ:

  • Թեհրանը Վաշինգտոնին նախազգուշացնում է
    Թեհրանը Վաշինգտոնին նախազգուշացնում է

    Իրանի արտաքին գործերի նախարարութիւնը Saudi Aramco-ի կառոյցների վրայ յարձակման պատճառով, Իրանի հասցէին հնչեցրած անհիմն մեղադրանքների վերաբերեալ բողոքի նոտա է յղել Իրանում Շւէյցարիայի դեսպանութեանը, որը Թեհրանում պաշտպանում է ԱՄՆ-ի շահերը:

  • «ԱՄՆ-ի առաւելագոյն ճնշման քաղաքականութիւնը արդիւնքներ չի արձանագրել». Զարիֆ
    «ԱՄՆ-ի առաւելագոյն ճնշման քաղաքականութիւնը արդիւնքներ չի արձանագրել». Զարիֆ

    ԱՄՆ-ն շարունակում է Իրանի դէմ իրականացնել առաւելագոյն ճնշման քաղաքականութիւնը, ինչի գործադրումը, ԱԳ նախարարի համոզմամբ, այդ երկրի համար լուրջ արդիւնքներ չի արձանագրել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։