Հա

Քաղաքական

Երեքշաբթի, 27 Յունւարի 2015 14:41

Իրանում կրօնական փոքրամասնութիւնները ներկայացրել են յեղափոխութեան յաղթանակի տարեդարձի ծրագրերը

Իսլ. յեղափոխութեան յաղթանակի 36-րդ տարեդարձը մեծարելու նպատակով, երկրի մասշտաբում կազմակերպւել է միջոցառումներ եւ կեանքի կոչւել յանձնախմբեր: Ինչպէս միշտ, այս տարի եւս Թ. Հ. Թ. Թեմական խորհուրդը կեանքի է կոչել յանձնախումբ, որը համագործակցում է Իսլ. մշակոյթի ու առաջնորդութեան նախարարութեան կրօնական փոքրամասնութիւնների գրասենեակի կողմից կեանքի կոչւած յանձնախմբի հետ:

«ԱԼԻՔ», Կ. Դ. - Իսլ. յեղափոխութեան յաղթանակի 36-րդ տարեդարձը մեծարելու նպատակով, երկրի մասշտաբում կազմակերպւել է միջոցառումներ եւ կեանքի կոչւել յանձնախմբեր: Ինչպէս միշտ, այս տարի եւս Թ. Հ. Թ. Թեմական խորհուրդը կեանքի է կոչել յանձնախումբ, որը համագործակցում է Իսլ. մշակոյթի ու առաջնորդութեան նախարարութեան կրօնական փոքրամասնութիւնների գրասենեակի կողմից կեանքի կոչւած յանձնախմբի հետ:
Իրանում կրօնական փոքրամասնութիւնների կողմից մշակւած ծրագրերը հանրութեան սեփականութիւնը դարձնելու նպատակով, երէկ՝ յունւարի 26-ի առաւօտեան, կազմակերպւել էր մամլոյ ասուլիս, որի սկզբում լրագրողներին ծրագրերի մասին ընդհանուր գծերով զեկոյց ներկայացրեց կրօնական փոքրամասնութիւնների գրասենեակի պատասխանատու Սաիդ Թաղաւին, նշելով որ կիրակի փետր. 1-ին (բահմանի 12-ին) եկեղեցիների զանգերի ղօղանջով եւ դպրոցների զանգերը հնչելով մեկնարկելու են ծրագրերը եւ կրօնական փոքրամասնութիւնների հոգեւոր ու աշխարհիկ ներկայացուցիչները հանգուցեալ Էմամ Խոմէյնիի դամբարանում յարգանքի տուրք են մատուցելու Իսլ. յեղափոխութեան հիմնադիր առաջնորդ՝ Էմամ Խոմէյնիի յիշատակին, իսկ փետր. 7-ին (բահմանի 18-ին) տեղի է ունենալու միջոցառում, ներկայութեամբ մշակոյթի նախարարի եւ պետական բարձրաստիճան մարմինների:
Ապա իւրաքանչիւր կրօնական փոքրամասնութեան ներկայացուցիչ համապարփակ զեկոյց ներկայացրեց իրականացւելիք աշխատանքների մասին: Թ. Հ. Թ. Թեմական խորհրդի կողմից կեանքի կոչւած յանձնախմբի պատասխանատու Արթին Բաբայեանցը ներկայացնելով թեհրանահայ հասարակական կառոյցների եւ մարզա-մշակութային միութիւնների ծրագրերը՝ ասաց, որ ընկալեալ սովորութեան համաձայն՝ բահմանի 22-ին՝ (փետր. 11-ին) «Ա. Աւետիսեան» ազգային բուժարանում հասարակութեանը մատուցւելու է անվճար սպասարկութիւններ:

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։