Հա

Քաղաքական

Երկուշաբթի, 26 Դեկտեմբերի 2016 11:30

ԴԱՇՆԱԿՑԱԿԱՆ ՄԱՄՈՒԼ - Խմբագրական «Գանձասար»-ի - Հալէպի ազատագրումը՝ անկիւնադարձ

Սիրիացի սկաուտներ, համալսարանականներ եւ երիտասարդներ այցելեցին Հալէպի բերդ ու սիրիական դրօշը բարձրացնելով տօնեցին Հալէպի յաղթանակը:
Հալէպ 2012-ի օգոստոս ամիսէն սկսեալ, 5 տարի շարունակ, ապրեցաւ դժոխային օրեր: Կրեց բազմատեսակ զրկանքներ, բայց համբերեց: Ականատեսը եղաւ ահարկու բարբարոսութիւններու, բայց արշալոյսին ոտնաձայնը առաւ ու սպասեց, դիմադրեց:

Սիրիացի սկաուտներ, համալսարանականներ եւ երիտասարդներ այցելեցին Հալէպի բերդ ու սիրիական դրօշը բարձրացնելով տօնեցին Հալէպի յաղթանակը:
Հալէպ 2012-ի օգոստոս ամիսէն սկսեալ, 5 տարի շարունակ, ապրեցաւ դժոխային օրեր: Կրեց բազմատեսակ զրկանքներ, բայց համբերեց: Ականատեսը եղաւ ահարկու բարբարոսութիւններու, բայց արշալոյսին ոտնաձայնը առաւ ու սպասեց, դիմադրեց: Ատելութեամբ սնանած ահաբեկիչներ, որոնք երբեմն քաղաքի թաղամասերուն անգամ ծանօթ չէին, քանդեցին՝ դպրոցներ, եկեղեցիներ, մզկիթներ, մշակութային կենտրոններ: Թալանեցին՝ գործարաններ, բարեսիրական կենտրոններ, հիւանդանոցներ, գրադարաններ, անկելանոցներ, գործատեղիներ, բնակարաններ: Բայց հալէպցին շարունակեց իր կրթական, մշակութային, բարեսիրական գործունէութիւնը: Շարունակեց աշխատիլ ու դժւարութեամբ վաստակիլ իր ապրուստը:
Հալէպի բնակչութեան մեծամասնութիւնը տնազուրկ դարձաւ, ունեցաւ նահատակներ, զոհեր եւ վիրաւորներ: Հայ համայնքը եւս ապրեցաւ այս բոլոր դժւարութիւնները, ունեցաւ տնտեսական, մարդկային կորուստներ: Քանդւեցան հայ բնակիչներու աւելի քան 1000 բնակարաններ, ազգային, միութենական կառոյցներ: Անցնող հինգ տարւան ընթացքին համայնքը ունեցաւ 102 զոհ, 379 վիրաւոր, 32 նահատակ: Նման դժւարութիւններու լոյսին տակ ոմանք գաղթեցին, ուրիշներ տեղափոխւեցան Սիրիոյ այլ նահանգներ՝ գէթ իրենց կեանքերը փրկելու:
Ազատութեան պիտակին տակ խաւարամիտ ահաբեկիչներ ոչ միայն քաղաքը քանդեցին, այլեւ իրենց ատելավառ կոչերով, այլամերժութեամբ փորձեցին ատելութիւն սերմանել բնակչութեան տարբեր բաղադրիչներուն միջեւ, արտաքին ուժերու թելադրութեամբ եւ ուղղորդումով Հալէպը բաժնել արեւելեան ու արեւմտեան մասերու:
Հալէպի բնակչութեան տառապանքին վրայ աւելնալու եկաւ արեւմտեան եւ հարեւան կարգ մը երկիրներու կողմէ ի գործ դրւած ապատեղեկատւական հսկայածաւալ արշաւը՝ արդարացնելու ի գործ դրւած անմարդկայնութիւնն ու ահաբեկիչներու հոսքը:
Հալէպի բնակչութեան հիւսւածքը, սակայն, չքայքայւեցաւ, իւրաքանչիւրը լուռ տարաւ իր տառապանքը ու հաւատաց, որ Սիրիան պիտի մնայ քաղաքակրթութիւններու ու կրօններու գոյակցութեան այն հաւասարակշռւած երկիրը, որուն ժողովուրդը իր միասնութեամբ պիտի վանէ ահաբեկչութեան սպառնալիքը:
2016-ի դեկտեմբերի 12-ը պատմական օր մը եղաւ Հալէպի բնակչութեան համար: Սիրիական բանակը ազատագրեց Հալէպ քաղաքի տարածքին 99 առ հարիւրը:
12 դեկտեմբերին յայտարարւած Հալէպի ազատագրումը թէեւ պատերազմին աւարտը չէր աւետեր, սակայն անկիւնադարձ մըն էր սիրիական պատերազմին մէջ, նկատի ունենալով, որ Հալէպը Սիրիոյ երկրորդ մեծագոյն քաղաքն է, տնտեսութեան մայրաքաղաքը:
Հալէպի ազատագրման մէջ, սիրիական բանակին ու անոր դաշնակիցներուն մարտնչումներուն կողքին, նշանակալի դերակատարութիւն ունեցան քանի մը տւեալներ.
Ա- Նախագահին համաներման հրամանագիրը, որուն շնորհիւ շատ մը զինեալներ վար առին իրենց զէնքերն ու յանձնւեցան սիրիական բանակին:
Բ- Ռուս-թուրքական մերձեցումը, որուն շնորհիւ ռուսական կողմը յաջողեցաւ ճնշում բանեցնել Թուրքիոյ վրայ՝ փակելու իր սահմաններն ու դադրեցնելու զինեալներուն շարունակւող մատակարարումը:
Գ- Սիրիական եւ ռուսական բանակներուն կողմէ մարդասիրական անցքերու հաստատումն ու Հալէպի արեւելեան թաղամասերէն բնակչութեան դուրս բերելու համակարգւած ծրագիրը:
Դ- Հալէպի ժողովուրդին, նոյնիսկ՝ արեւելեան շրջաններու բնակչութեան, բողոքի լայն ալիքը՝ ընդդէմ զինեալ խմբաւորումներու անմարդկային արարքներուն:
Ե- Զինեալ խմբաւորումներու շարքերէն ներս տեղի ունեցող պառակտումները:
Հալէպի ազատագրումով բնակչութիւնը խանդավառւեցաւ յատկապէս խաղաղութեան վերատիրանալու յոյսով ու իր կեանքը աստիճանաբար վերակազմակերպելու հեռանկարով:
Կը մնայ յուսալ, որ քաղաքի ազատագրման ամրագրումով, առաջիկայ տարւան մէջ ընթացք առնեն վերականգնումի ծրագիրներու մշակումն ու սիրիական տագնապի լուծման բանակցային փուլի մեկնարկը:
Հալէպի ամբողջական ազատագրումը անկիւնադարձ մը պիտի ըլլայ՝ ուղենշելով սիրիական տագնապի քաղաքական լուծման ողջ ընթացքը:

Related items

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ