Հա

Քաղաքական

18/01/2017 - 10:50

Գիտակցելով ապագայի հանդէպ մեր պատասխանատւութիւնը

Յունւարի 17-ին կայացած ԼՂՀ Ազգային Ժողովի արտահերթ նիստում նախքան քւէարկութիւնը Աժ բոլոր խմբակցութիւնները ներակայցրին Արցախի նոր Սահմաանադրութեան նախագծի վերաբերեալ իրենց տեսակէտները:

«arfd.am» - Յունւարի 17-ին կայացած ԼՂՀ Ազգային Ժողովի արտահերթ նիստում նախքան քւէարկութիւնը Աժ բոլոր խմբակցութիւնները ներակայցրին Արցախի նոր Սահմաանադրութեան նախագծի վերաբերեալ իրենց տեսակէտները:

Ստորեւ ամբողջութեամբ ներկայացնում ենք ՀՅԴ խմբակցութեան տեսակէտը Արցախի նոր Սահմանադրութեան նախագծի վերաբերեալ.

«Յարգելի գործընկերներ,

ՀՅԴ-ն նորանկախ մեր զոյգ Հանրապետութիւններում պարբերաբար հանդէս է եկել նախաձեռնութիւններով կառավարման համակարգը կիսանախագահական կամ նախագահական համակարգից խորհրդարանականի վերածելու: ՀՀ-ում դա յաջողւեց 2015 թւականին, որը խթան հանդիսացավ Արցախի Հանրապետութիւնում եւս նմանատիպ գործընթաց սկսելու:

ՀՅԴ Արցախի կառոյցը 2016 թ. փետրւարին ԼՂՀ-ում մեկնարկած սահմանադրական բարեփոխումների նախաձեռնողներից մէկն էր: ԼՂՀ-ի նախագահի կողմից ստեղծւած մասնագիտական յանձնաժողովի կողմից 2016 թ. օգոստոսին հրապարակւեց նոր Սահմանադրութեան նախ հայեցակարգը, իսկ նոյեմբերին՝ նաեւ նախագիծը:

Անցած մէկ տարւայ ընթացքում բազմաթիւ քննարկումների ու խորհրդակցութիւնների արդիւնքում ի յայտ եկաւ քաղաքական դաշտի կարեւոր դերակատարների մօտեցումներն ու սկզբունքները նախ հայեցակարգի, ապա բուն սահմանադրութեան նախագծի վերաբերեալ:

Սահմանադրութեան թէ՛ հայեցակարգի եւ թէ՛ նախագծի վերաբերեալ ՀՅԴ-ն հրապարակաւ ներկայացրել է իր տեսակէտները՝ յոյս ունենալով ներազդելու ընթացող գործընթացներին:

ՀՅԴ համոզմամբ, կառավարման համակարգի փոփոխութիւնները պէտք է գործեն ի նպաստ իրաւական, ժողովրդավարական, ինքնիշխան պետութեան նոր փուլի կայացման, եւ ընկալելի ու ընդունելի լինեն ԼՂՀ-ի միջազգային ճանաչման գործին աջակցող ուժերի եւ միջազգային կառոյցների համար: Նկատենք նաեւ, որ մէկ միասնական հայրենիք ունենալու հայութեան տեսլականը իրագործելու նպատակով այսօր կարիք ունենք ստեղծելու իրաւական, քաղաքական, տնտեսական նոյնօրինակ դաշտ: Դա հայութեան ուժերը մէկտեղելու նոր հեռանկարներ է ուրւագծում:

Սահմանադրութեան նախագիծը, որ ներկայացւած է քննարկման, չի համապատասխանում այդ հրամայականներին: Մեզ անհրաժեշտ է երկիրն օժտել կառավարման այնպիսի համակարգով, որը համապատասխան լինի մեր երկրի ու ժողովրդի առջեւ ծառացած մարտահրաւէրների դիմակայմանը եւ քաղաքակիրթ աշխարհին ինտերգրմանը:

Այդպիսի համակարգը ՀՅԴ պատկերացմամբ, համամասնական ընտրութիւններով կառավարման խորհրդարանական համակարգն է: Սահմանադրութեան նախագծով առաջարկւում է գերկենտրոնացւած նախագահական համակարգ:

Քննարկման ենթակայ Սահմանադրութեան նախագծով նախատեսւող կառավարման համակարգը, որեւէ երկրում գործող կառավարման համակարգի հետ աղերսներ չունի, որն աւելի է խորացնում թերահաւատութիւնը տւեալ փաստաթղթի նկատմամբ:

ԱԺ-ի «Դաշնակցութիւն» խմբակցութիւնը անկախ իր դիրքորոշումից եւ ունեցած վերաբերմունքից մասնակցել է Սահմանադրական բարեփոխումների բոլոր հանգրւաններին, մասնագիտական յանձնաժողովին ներկայացնելով իր առաջարկների գրաւոր փաթեթը: Յանձնաժողովի կողմից ընդունւել են որոշակի առաջարկներ, սակայն առանցքային քաղաքական նշանակութեան առաջարկութիւններն այդպէս էլ մնացին թղթի վրայ:

Հ. Յ. Դաշնակցութեան Արցախի կառոյցին այդպէս էլ չյաջողւեց սեփական համոզմումքներն ու ընկալումները դարձնել ինչպէս մասնագիտական յանձնաժողովի, այնպէս էլ քաղաքական գործընկեր կուսակցութիւնների դիրքորոշում:

Ընկալելով ստեղծւած իրավիճակը եւ գիտակցելով երկրի ապագայի հանդէպ մեր պատասխանատւութիւնը «Դաշնակցութիւն» խմբակցութիւնը ներկայացւած Սահմանադրութեան նախագծին քւէարկելու է դէմ»:

Յարակից լուրեր

  • Դաշնակցութեան գերագոյն ընկերական զրոյցը
    Դաշնակցութեան գերագոյն ընկերական զրոյցը

    Արցախի Հանրապետութեան մայրաքաղաք Ստեփանակերտի մէջ իր աշխատանքները աւարտեց ՀՅԴ 33-րդ Ընդհանուր ժողովը: Շատեր այս ժողովը անկիւնադարձային կը նկատէին՝ անկէ ակնկալուած սպասելիքներով, գումարման վայրով եւ նկատի ունենալով հայ քաղաքական տիրող իրականութիւնը, որուն ընթացքին կը գումարուէր անիկա: Յառաջիկայ տարիները եւ պատմութիւնը կու տան այս ժողովին արժանի գնահատականը, եւ շատ վաղ է ամբողջական գնահատական տալը ժողովի մը, որ դեռ նոր աւարտած է իր աշխատանքները:

  • «Սա մի հարց է, որը ական է պետութեան տակ». Կիրօ Մանոյեան
    «Սա մի հարց է, որը ական է պետութեան տակ». Կիրօ Մանոյեան

    «Առաջին լրատւական»-ի հետ զրոյցում ՀՅԴ Բիւրոյի անդամ, Բիւրոյի Հայ Դատի եւ քաղաքական հարցերի գրասենեակի ղեկավար Կիրօ Մանոյեանը նշեց. «Իրեն էլ կարելի է հասկանալ, Ռ. Քոչարեանը այս շարժման ակունքներում կանգնած մարդ է, եւ հիմա բանտում է, իր կարծիքով՝ ամէն ինչը քաղաքական նպատակներով է կատարւում, ինչ-որ իմաստով հասկանալի է, իհարկէ առանց կիսելու նրա տեսակէտը»:

  • Արայիկ Յարութիւնեանն ազատւել է Արցախի նախագահի խորհրդական-յատուկ յանձնարարութիւնների գծով ներկայացուցչի պաշտօնից
    Արայիկ Յարութիւնեանն ազատւել է Արցախի նախագահի խորհրդական-յատուկ յանձնարարութիւնների գծով ներկայացուցչի պաշտօնից

    Արցախի Հանրապետութեան նախագահ Բակօ Սահակեանն ստորագրել է հրամանագիր, համաձայն որի` Արայիկ Յարութիւնեանն ազատւել է Արցախի Հանրապետութեան նախագահի խորհրդական-Արցախի Հանրապետութեան նախագահի յատուկ յանձնարարութիւնների գծով ներկայացուցչի պաշտօնից՝ իր դիմումի համաձայն: 

  • Լարիսա Ալավերդեան. «Նա, ով կարագացնի Արցախի նախագահական ընտրութիւնների գործընթացը, կը նշանակի՝ ցանկութիւն ունի տապալել ամբողջ խնդիրը, պատմութիւնը»
    Լարիսա Ալավերդեան. «Նա, ով կարագացնի Արցախի նախագահական ընտրութիւնների գործընթացը, կը նշանակի՝ ցանկութիւն ունի տապալել ամբողջ խնդիրը, պատմութիւնը»

    Եթէ որեւէ մէկը թոյլ տայ իրեն արագացնել Արցախի նախագահական ընտրութիւնների գործընթացը, դա կը լինի այն ուժը, որը փորձում է տապալել Արցախի ամբողջ խնդիրը, պատմութիւնը: Այս մասին լրագրողների հետ զրոյցում ասաց «Ընդդէմ իրաւական կամայականութիւնների» հասարակական կազմակերպութեան գործադիր տնօրէն, ՀՀ մարդու իրաւունքների նախկին պաշտպան Լարիսա Ալավերդեանը:

  • Արցախեան շարժման 30-ամեակին նւիրւած խորհրդաժողով Իրանում
    Արցախեան շարժման 30-ամեակին նւիրւած խորհրդաժողով Իրանում

    Իրանի Նոր Ջուղայի Հայ Դատի «Արձագանք» քարոզչական յանձնախմբի նախաձեռնութեամբ 2019 թւականի փետրւարի 1-ին  Նոր Ջուղայում տեղի է ունեցել «Արցախեան շարժման 30-ամեակ. պատմութիւն, իրավիճակ եւ հեռանկարներ» խորագրով խորհրդաժողովը, որտեղ հանդէս են եկել զեկուցողներ Արցախից, Թեհրանից եւ Նոր Ջուղայից։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։