Հա

Քաղաքական

19/01/2017 - 11:00

Աղւան Վարդանեան.- «Այսօր ամենամոդայիկ բառը «դաշինք»-ն է դարձել, բայց ՀՅԴ-ն մոդայիկ չէ, ՀՅԴ-ն մոդան թելադրողն է»

ՀՅԴ-ի նախընտրական ցուցակը դեռ վերջնական պատրաստ չէ: «tert.am»-ի հետ զրոյցում ասաց ՀՅԴ հայաստանի ԳՄ-ի ներկայացուցիչ, ՀՀ ԱԺ-ի ՀՅԴ խմբակցութեան քարտուղար Աղւան Վարդանեանը՝ նշելով, որ համապատասխան ժամկէտներում կը ներկայացնեն այն:

ՀՅԴ-ի նախընտրական ցուցակը դեռ վերջնական պատրաստ չէ: «tert.am»-ի հետ զրոյցում ասաց ՀՅԴ հայաստանի ԳՄ-ի ներկայացուցիչ, ՀՀ ԱԺ-ի ՀՅԴ խմբակցութեան քարտուղար Աղւան Վարդանեանը՝ նշելով, որ համապատասխան ժամկէտներում կը ներկայացնեն այն: Պատգամաւորն ասաց, որ համամասնական ցուցակի եռեակը շատ չի տարբերւի իրենց նախորդ ցուցակներից: Աղվան Վարդանեանն ասաց, որ Դաշնակցութիւնն այսօր «մոդայ թելադրող» քաղաքական ուժ է, ոչ թէ մոդայիկ, ինչպիսին են այն ուժերը, ովքեր փորձում են դաշինքներ կազմել:

 

- Քաղաքական ուժերն այսօր զբաղւած են նախընտրական ցուցակների կազմմամբ: 2017 թւականի խորհրդարանական ընտրութիւնների ՀՅԴ նախընտրական ցուցակները ե՞րբ պատրաստ կը լինե՞ն:

- Ցուցակները դեռ վերջնական պատրաստ չեն: Համապատասխան ժամկէտներում այն կնը երկայացնենք: Մեր ընտրատարածքային շտաբներն այսօր ինտենսիւ աշխատում են ռէյտինգային ցուցակների ցանկի ձեւաւորման վրայ: Ճիշտ ժամկէտներում մեր բոլոր փաստաթղթերը, կուսակցութեան համամասնական ու ռէյտինգային ցուցակները պատրաստ կը լինեն:

 

- Մամուլը գրեց այն մասին, որ ՀՅԴ-ն օգնութիւն է խնդրել ՀՀԿ-ից ռէյտինգային ցուցակներում «մարդկանց ընդգրկելու» համար: Այդպէ՞ս է:

- Ուշադրութիւն մի դարձրէք նման լուրերին, շան տեղ մի դրէք: ՀՅԴ-ի մարդկային ռեսուրսները լի ու լի բաւարարում են: ՀՅԴ-ն այսօր այն կազմակերպւած ուժն է, որը Հանրապետութեան բոլոր տարածքներում ունի իր կառոյցները, քաղաքական մեծ թիմը: Մենք ընտրութիւնների ենք գնալու ոչ միայն ՀՅԴ-ական կուսակցականներով, այլեւ մեր արժէքները կիսող համակիրներով: Մեր ռեսուրսները լի ու լի բաւարար են:

 

- Ո՞ւմ էք ձեզ մրցակից համարում:

- Բոլորին: Այսօր ընդհանուր փնտրտուք է ընթանում՝ դաշինքներ կազմելու, միաւորումներ ստեղծելու ուղղութեամբ: Բոլորն էլ մրցակիցներ են: Բայց ի տարբերութիւն շատերի մենք ունենք մեր առաւելութիւնները: Վստահ եմ, որ նաեւ մեր շնորհիւ բարեփոխւած նոր կառավարման համակարգը, այնպիսի քաղաքական ուժերի տեղն է, ինչպիսին է Դաշնակցութիւնը, այսինքն՝ կայուն, հետեւողական, սկզբունքները մշտապէս պահպանած:

Երկրի արտաքին ու ներքին խնդիրներն այսուհետ լուծւելու են խորհրդարանում, ուստի ԱԺ-ում որքան շատ լինեն սկզբունքային քաղաքական ուժերն, այնքան պետութիւնն ամուր դիրքեր կունենայ:

 

- Ինչպէ՞ս էք մրցակցելու իշխող ՀՀԿ-ի հետ, երբ քաղաքական համագործակցութեան յուշագիր ունէք, իշխանութեան մաս էք կազմում, բայց միեւնոյն ցուցակով կամ դաշինքով չէք մասնակցում ընտրութիւններին:

-  Ամէն ինչ շատ պարզ է: Հիմա քաղաքական դաշտում ձեւաւորւում են դաշինքներ, ուժեր, որոնք այսօր իշխանութեան մաս չեն, բայց նրանք էլ չէ՞ միմեանց հետ մրցակցելու են: Երէկ (յունւարի 17-ին-ԽՄԲ.) կարդացի, որ նոր դաշինք է ձեւաւորւում, որը համագործակցութեան մասին համաձայնագիր է պատրաստւում ստորագրել, ինչպէս ՀՅԴ-ն ու ՀՀԿ-ն: Տերմիններն էլ նոյնն են…

Մենք տարբեր քաղաքական ուժեր ենք, ՀՅԴ-ն երբեք չի կորցրել իր անկախութիւնը, ինքնուրոյնութիւնը: Մենք կարողացել ենք այս տարիների ընթացքում երկրի առջեւ ծառացած առաջնահերթութիւնները պետական քաղաքականութեան ուղղութիւն դարձնել: Վստահ ենք, որ ճիշտ ճանապարհ ենք ընտրել, վստահ ենք, որ սկսւած փոփոխութիւններն առաւել արդիւնաւետ կը լինեն, եթէ ՀՅԴ-ն մեծամասնութիւն լինի, նաեւ իշխանութիւնը չունենայ բացարձակ մեծամասնութիւն, որպեէսզի հարցերը միմեանց համոզելով լուծւեն: Վստահ եմ, որ հասարակութեան գերակշիռ մասը գիտակցում է, որ այսօր օրակարգում են ՀՅԴ առաջադրած հիմնական խնդիրները, որոնց լուծման ուղղութեամբ դրական փոքր տեղաշարժեր՝ առաջին սաղմերը կան: Դրանք աւելի արագ ու արդիւնաւետ կը լինեն, երբ ՀՅԴ-ն աւելի մեծ տեղ ունենայ ապագայ պառլամենտում:

Բոլորն աջ ու ձախ ընկած դաշինքներ են ստեղծում: Այսօր ամենամոդայիկ բառը «դաշինք»-ն է դարձել: Բայց ՀՅԴ-ն մոդայիկ չէ, ՀՅԴ-ն մոդան թելադրողն է: Այդ նաեւ մենք ենք ստեղծել այս պայմանները՝ խորհրդարանական կառավարման համակարգը, որ միւսներն ակտիւօրէն դաշինքներ են կազմում, փորձում են ներգրաււել յաջորդ խորհրդարան: Բոլորն այսօր գնում են ընտրութիւնների՝ մոռանալով, որ սա նաեւ մեր վաստակն է, որ իրենք վստահութիւն ունեն ընտրութիւններով բան փոխելու վերաբերեալ: Մենք հանգիստ, խաղաղ մեր գործը անում ենք:

Կամ, խօսում են՝ իշխանափոխութիւնից, համակարգափոխութիւնից: Բոլորը տարիներ շարունակ խօսում էին, թէ նախագահին փոխենք, իշխանութիւնը փոխենք: Մենք դա արդէն արել ենք, փոխել ենք համակարգը: Այդ ի՞նչ պէտք է այսօր անէք, որ մենք չենք արել: Սեւացնելով, փնովելով, որեւէ բան չես փոխի: Հարցերը լուծւում են աշխատանքով:

 

- Գուցէ ՀՀԿ-ի ու ՀՅԴ-ի ամբիցիաները միմեանց խանգարում են դաշինքով հանդէս գալու համար, քանի որ դուք մեծամասնութիւն կազմելու ակնկալիք ունէ՞ք:

- Համաձայն չեմ ձեր մեկնաբանութեան հետ: Իւրաքանչիւր քաղաքական ուժ, երբ մտնում է ընտրարշաւի մէջ, ամէն ինչ անում է, որ առաւելագոյն ձայներ ստանայ: Ես չեմ կարող ասել՝ ՀՀԿ, դու ամէն ինչ մի արա, որ ձայն չստանաս: Ո՛չ: Ամէն մէկն անելու է իր հնարաւորութիւնների համատեքստում:

 

- ՀՀԿ-ի հետ ստորագրած քաղաքական համագործակցութեան մասին յուշագիրն անժամկէտ է: Միշտ խօսւել է այն մասին, որ ընտրութիւններից յետոյ պարզ կը դառնայ՝ կը շարունակւի՞ արդեօք այդ համագործակցութիւնը, թէ՝ ոչ: Ի՞նչ արդիւնքներ էք ակնկալում՝ համագործակցութիւնը շարունակելու համար:

- Ամէն ինչ կախւած է ընտրութիւնների արդիւնքներից: Որեւէ մէկը չի կարող երաշխաւորել, թէ ապրիլի 3-ին մենք ինչ խճանկար կունենանք, ինչ պատկեր, ուժերի ինչ դասաւորւածութիւն եւ դրանից յետոյ ինչ քննարկումներ կընթանան:

 

- Ի՞նչ արդիւնք պէտք է գրանցէք, որ շարունակէք համագործակցութիւնը:

- Բարձր արդիւնք, շատ բարձր արդիւնք:

Յարակից լուրեր

  • Յայտնի է ՀՅԴ համապետական ընտրական ցուցակը
    Յայտնի է ՀՅԴ համապետական ընտրական ցուցակը

    Նոյեմբերի 14-ին Հայ Յեղափոխական Դաշնակցութիւնը ՀՀ Կենտրոնական ընտրական յանձնաժողովին է ներկայացրել դեկտեմբերի 9-ին կայանալիք արտահերթ խորհրդարանական ընտրութիւններին մասնակցելու համար գրանցւելու անհրաժեշտ փաստաթղթերն ու համամասնական եւ տարածքային ցուցակները:

  • Հ.Յ. Դաշնակցութեան համամասնական ցուցակը հաստատւել է
    Հ.Յ. Դաշնակցութեան համամասնական ցուցակը հաստատւել է

    Երէկ՝ նոյեմբերի 13-ին ՀՅԴ Հայաստանի Գերագոյն մարմինը հաստատել է ՀՅԴ համամասնական ցուցակը: 

  • ՀՅԴ Բիւրոյի անդամ. «Չկա՛յ «ներսի» ու «դրսի», Դաշնակցութիւնը մէկն է»
    ՀՅԴ Բիւրոյի անդամ. «Չկա՛յ «ներսի» ու «դրսի», Դաշնակցութիւնը մէկն է»

    Արդէն 128 տարի Հայ Յեղափոխական Դաշնսկցութիւնը հայ քաղաքական կյանքի կարեւոր դերակատարն է: Քիչ է ասել, թէ այն միայն կուսակցութիւն է. Դաշնակցութիւնը նաեւ հայապահպան մեծ առաքելութիւն է կատարում Սփիւռքում:

  • Արթուր Խաչատրեան. «Մենք հողի եւ հայի համար կռւող կուսակցութիւն ենք` արդէն 128 տարի»
    Արթուր Խաչատրեան. «Մենք հողի եւ հայի համար կռւող կուսակցութիւն ենք` արդէն 128 տարի»

    Ինչո՞ւ քաղաքացին պէտք է քւէարկի Դաշնակցութեան օգտին: Այս հարցին «Երկիր մեդիա» հեռուստաընկերութեան «Հարցեր` դաշնակցականներին» հաղորդաշարի ընթացքում պատասխանել է Շիրակի նախկին մարզպետ, գիւղատնտեսութեան նախկին նախարար Արթուր Խաչատրեանը: 

  • Դուք էք որոշում
    Դուք էք որոշում

    Գնում ենք ԱԺ արտահերթ ընտրութիւնների: Այս ընտրութիւններով է ձեւաւորւելու ՀՀ առաջիկայ 5 տարիների իշխանութիւնը, որ պատասխանատւութիւն է կրելու երկրի արտաքին քաղաքականութեան, տնտեսական առաջընթացի մարդկանց սոցիալական խնդիրների լուծման, սերունդների համերաշխութեան ամրապնդման, ժողովրդավարութեան խորացման, օրէնքների գերակայութեան եւ, իհարկէ, պետութեան եւ ժողովրդի անվտանգութեան համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։