Հա

Քաղաքական

21/01/2017 - 09:25

Հալէպը պատերազմից յետոյ վերականգնւում է

Սիրիայի հայաշատ Հալէպ քաղաքն ազատագրումից յետոյ հետզհետէ վերադառնում է իր բնականոն կեանքին: Ճիշտ է, այն գրեթէ ամբողջովին աւերւած է ու վերացած իր նախկին վիճակից, կան ջրի, հոսանքի հետ կապւած դժւարութիւններ, սակայն Հալէպի վերաշինութեան ծրագրերն արդէն պատրաստ են:

«armenpress.am» - Սիրիայի հայաշատ Հալէպ քաղաքն ազատագրումից յետոյ հետզհետէ վերադառնում է իր բնականոն կեանքին: Ճիշտ է, այն գրեթէ ամբողջովին աւերւած է ու վերացած իր նախկին վիճակից, կան ջրի, հոսանքի հետ կապւած դժւարութիւններ, սակայն Հալէպի վերաշինութեան ծրագրերն արդէն պատրաստ են: 

«Արմէնպրես»-ի հետ զրոյցում Սիրիայի խորհրդարանի՝ Հալէպից ընտրւած պատգամաւոր Ժիրայր Ռէյիսեանը նշել է, որ քաղաքի վերաշինութեան համար նախ եւ առաջ պէտք է լաւ պատրաստւել: 

«Հալէպի վերաշինութիւնն արդէն իսկ սկսւած է, սակայն դա օրերի եւ շաբաթների հարց չէ»,- ընդգծել է Ռէյիսեանը: 

Անդրադառնալով քաղաքի օդանաւակայանի վերագործարկմանը, պատգամաւորը յայտնել է, որ այն գրեթէ պատրաստ կարելի է համարել, սակայն պետութիւնն ամէն ինչ անում է օդանաւակայանի վերագործարկման անվտանգութիւնը երաշխաւորող պայմանների ստեղծման ուղղութեամբ: Աշխատանքներն ընթացքի մէջ են: 

Ժիրայր Ռէյիսեանը վստահ է, որ քաղաքի ազատագրումից յետոյ աշխարհով մէկ սփռւած հալէպահայերն անպայման յետ են վերադառնալու: 

Սիրիայի կառավարական զօրքերը դեկտեմբերի 22-ին պաշտօնապէս յայտարարել են, որ Հալէպն ամբողջութեամբ գտնւում է իրենց հսկողութեան ներքոյ: Ահաբեկչական խմբաւորումները, որոնք իրենց վերահսկողութեան տակ էին վերցրել Հալէպի զգալի մասը, հիմնայատակ աւերել էին այն, այդ թւում՝ հայաբնակ թաղամասերը՝ թիրախաւորելով խաղաղ բնակչութեանը, հասարակական, մշակութային ու հոգևոր օջախները:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։