Հա

Քաղաքական

Հինգշաբթի, 16 Փետրւարի 2017 13:11

Թրամփ-Նեթանեահու. պոպուլիստների հակաիրանական «մեծ դաշինք»

Թրամփ-Նեթանեահու. պոպուլիստների հակաիրանական «մեծ դաշինք»

Թրամփ-Նեթանեահու. պոպուլիստների հակաիրանական «մեծ դաշինք»

ԱՐԱՄ ՇԱՀՆԱԶԱՐԵԱՆ

 Դոնալդ Թրամփը ցանկանում է վերաբանաձեւել Միացեալ Նհանգների մերձաւորարեւելեան քաղաքականութիւնը:

Նախօրէին Վաշինգտոնում կայացած Թրամփ- Նեթանեահու հանդիպման արդիւնքները յուշում են այդ մասին:

Այդ մասին առաջին նախանշաններն ի յայտ եկան դեռեւս Իսրայէլի վարչապետի վաշինգտոնեան այցի նախօրէին, երբ Սպիտակ տունը հանդէս եկաւ աղմկոտ յայտարարութեամբ՝ նշելով, որ պաշտօնական Վաշինգտոնն այլեւս «երկու պետություն» սկզբունքը չի դիտարկում որպէս պաղեստինա-իսրայէլական կոնֆլիկտի կարգաւորման նախապայման:

Սա հէնց այն էր՝ ինչին տեւական ժամանակ համառօրէն ձգտում էր Նեթանեահուն, որը նշանակում է, որ Իսրայէլի գործող կառավարութիւնն այսուհետ աւելի համարձակօրէն  է կարող առաջ տանել պաղեստինեան տարածքներում նոր բնակավայրերի կառուցման իր քաղաքականութիւնը, որը կոչւած է առաւել ամրապնդելու Իսրայէլի դիրքերը Յորդանան գետի արեւմտեան ափի բռնագրաււած տարածքներում:

Նեթանեահուիի վաշինգտոնեան այցի երկրորդ՝ ոչ պակաս կարեւորութիւն ներկայացնող նպատակն Իրանի դէմ Սպիտակ տան դիրքերի առաւել կոշտացումն էր:

Գաղտնիք չէ, որ Միջուկային գործարքից ի վեր, պաշտօնական Թել Աւիւը բազմիցս իր դժգոհութիւնն ու մտավախութիւնն էր յայտնել այդ կապակցութեամբ: Միջուկային գործարքի կայացումը Իսրայէլի վարչակարգի համար ռազմավարական լրջագոյն ձախողում էր, որի վիժեցման համար վարչապետ Նեթանեահուհուն անձամբ, որեւէ ջանք չէր խնայել:

Թրամփի համար, Նեթանեահուի այցի երկրորդ փորձութիւնը իրանական թեստն էր, որը, նա նոյնպէս «պատւով» յաղթահարեց:

Այցի արդիւնքում, Վաշինգտոնն ու Թել Աւիւը պայմանաւորւեցին տարբեր բնագաւառներում ձեւաւորել աշխատանքային համատեղ խմբեր, որոնց հիմնական նպատակներից է լինելու այսպէս կոչւած «Իրանին զսպելը»:

Նեթանեահուի հետ հանդիպման ժամանակ Թրամփը կրկին նշեց, թէ Իրանի հետ միջուկային գործարքը «երբեւէ կայացած վատագոյն գործարքներից մէկն է» եւ, որ Վաշինգտոնը երբեւէ թոյլ չի տայ, որպէսզի Իրանը ձեռք բերի միջուկային զէնք:

Հանրագումարում կարելի է եզրակացնել, որ Նեթանեահուի ամերիկեան ուղեւորութիւնը միանշանակօրէն ստացւել է: Նա հասել է առաւելագոյն այն ինչին, որ թիրախւորել էր այցի նախօրէին:

Փաստօրէն նրան յաջողւել է գոնէ նախագահի մակարդակով կազմաքանդել ԱՄՆ-ի նախորդ վարչակարգի ձեւաւորած մերձաւորարեւելեան քաղաքականութիւնը: Թրամփի հետ միասին, նա ձեւաւորել է պոպուլիստների հակաիրանական «մեծ դաշինք»:

Այս համատեքստում, մեզ մնում է սպասել՝ տեսնելու համար, թէ ԱՄՆ-ի իշխանական այլ օղակներին, այդ թւում՝ Կոնգրեսին կը յաջողւի՞ արդեօք կասեցնել Միացեալ Նահանգների մերձաւորարեւելեան քաղաքականութեան կտրուկ փոփոխութիւնը, թէ՝ ոչ: Տեսանելի ապագայում, հիմնականում դրանով է պայմանաւորւելու Մերձաւոր Արեւելքի տարածաշրջանային եւ արտատարածաշրջանային գլխաւոր խաղացողների դիրքային վերադասաւորումները, տարածաշրջանում ուժային յարաբերակցութեան փոփոխութիւնն ու ծաւալւող հնարաւոր իրադարձութիւնները:

 

Յարակից Հրապարակումներ

  • Երիտասարդական համագումար
    Երիտասարդական համագումար

    Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ 

  • Վաշինգտոնում կայացել է Ցեղասպանութեան մասին «Ժխտման ճարտարապետները» փաստավաւերագրական ֆիլմի պրեմիերան 
    Վաշինգտոնում կայացել է Ցեղասպանութեան մասին «Ժխտման ճարտարապետները» փաստավաւերագրական ֆիլմի պրեմիերան 

    Վաշինգտոնում կայացել է «Ժխտման ճարտարապետները» փաստաւաւերագրական ֆիլմի պրեմիերան՝ բարձրացնելով Հայոց Ցեղասպանութեան մասին իրազեկութիւնը քաղաքական գործիչների շրջանում եւ այս յանցագործութեան մերժումն ուղղակիօրէն կապելով Թուրքիայի եւ Ադրբեջանի կողմից շարունակական հակահայկական խտրականութեան եւ բռնութեան հետ:

  • Այսօր Գերմանիայում նոր խորհրդարան են ընտրում
    Այսօր Գերմանիայում նոր խորհրդարան են ընտրում

    Այսօր՝ սեպտեմբերի 24-ին Գերմանիայում կայանալու են Բունդեսթագի ընտրութիւնները:

    Վերջին բոլոր սոցհարցումները վկայում են այն մասին, թէ գործող կանցլեր Անգելլա Մերկէլի գլխաւորած «Քրիստոնեայ-դեմոկրատական միութիւն»-«Քրիստոնեայ-սոցիալիստական միութիւն» դաշինքը (ՔԴՄ/ՔՍՄ) առաջատարն է: Սակայն գլխաւոր ինտրիգը կայանում է նրանում, թէ ինչպէս կը բաշխւեն ընտրողների ձայները միւս կուսակցութիւնների միջեւ, ինչն էլ կարող է ճակատագրական նշանակութիւն ունենալ ապագայ կառավարութեան ձեւաւորման գործընթացի համար:

  • Մոսկւան Վաշինգտոնին բողոքի նոտա է յղել նախապատրաստւող խուզարկումների առնչութեամբ
    Մոսկւան Վաշինգտոնին բողոքի նոտա է յղել նախապատրաստւող խուզարկումների առնչութեամբ

    ՌԴ ԱԳՆ-ն բողոքի նոտա է յղել Մոսկւայում ԱՄՆ դեսպանատանը Վաշինգտոնում Ռուսաստանի առեւտրային ներկայացուցչութիւնում խուզարկումներ իրականացնելու՝ Վաշինգտոնի ծրագրերի առնչութեամբ:

  • Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը
    Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը

    Երէկ` օգոստոսի 15-ին, Թեհրանի Հայ Դատի յանձնախմբի նախաձեռնութեամբ տեղի ունեցաւ Սեւրի պայմանագիրը եւ Վիլսոնեան իրաւարար վճիռի խորագրով դասախօսութիւն: Օրւայ  դասախօսներն էին Իրանի իսլամական խորհրդարանում հիւսիսային իրանահայութեան պատգամաւոր դոկտ. Կարէն Խանլարեանը եւ Հայ Դատի յանձնախմբի նախկին նախագահ Արամ Շահնազարեանը:

Ամենաշատ ընթերցւած

Քւէարկութիւն

Ինչպէ՞ս էք վերաբերւում ՀՀ նախագահի պաշտօնում Արմէն Սարգսեանի առաջադրմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։