Հա

Քաղաքական

18/02/2017 - 10:23

ԵԱՀԿ ՄԽ-ի համանախագահների յայտարարութիւնը. «Հանրութեանը խաղաղութեան, այլ ոչ թէ պատերազմի նախապատրաստել»

ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին եւ Ռիչարդ Հոգլանդը յայտարարութիւն են տարածել Միւնխէնում Հայաստանիեւ Ադրբեջանի ԱԳ նախարարների հետ հանդիպման արդիւնքների մասին: Այս մասին տեղեկացնում է «yerkir.am»-ը:

«alikonline.ir»- ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին եւ Ռիչարդ Հոգլանդը յայտարարութիւն են տարածել Միւնխէնում Հայաստանիեւ Ադրբեջանի ԱԳ նախարարների հետ հանդիպման արդիւնքների մասին: Այս մասին տեղեկացնում է «yerkir.am»-ը:

Մինսկի խմբի պաշտօնական կայքի տեղեկացմամբ՝ հանդիպումը Նալբանդեանի եւ Մամեդեարովի հետ կայացել է ե՛ւ առանձին, ե՛ւ երկուսի հետ միասին: Հանդիպմանը մասնակցել է նաեւ ԵԱՀԿ գործող նախագահի անձնական ներկայացուցիչ Անջէյ Կասպրշիկը:

Համանախագահները նախարարների հետ քննարկել են շփման գծում և հայ-ադրբեջանական սահմանին ստեղծւած իրավիճակը: Նրանք վերահաստատել են, որ հակամարտութեան խաղաղ լուծմանն այլընտրանք չկայ, եւ պատերազմը ճանապարհ չէ՝ կողմերին զսպւածութիւն ցուցաբերելու, ինչպէս նաեւ իրենց հանրային ելոյթներում հանրութեանը խաղաղութեան, այլ ոչ թէ պատերազմի նախապատրաստելու կոչ անելով:

Համանախագահները կողմերին կոչ են արել նաեւ խստագոյնս պահպանել 1994-1995 թւականների հրադադարի ռեժիմի հաստատման մասին համաձայնագիրը, որը ռազմական գործողութիւնները դադարեցնելու հիմքն է: Նրանք յիշեցրել են նաեւ 2011 թւականի մայիսին Դովիլում իրենց երկրների նախագահների համատեղ յայտարարութիւնը՝ ընդգծելով, որ ուժի կիրառումը միայն նոր տառապանքներ ու աւերածութիւններ կը բերի եւ կը դատապարտւի միջազգային հանրությեան կողմից: Համանախագահները նաեւ մտքեր են փոխանցել 2016 թւականին Վիեննայի, Սանկտ Պետերբուրգի հանդիպումների ժամանակ ձեռք բերւած պայմանաւորւածութիւնների կատարման ուղղութեամբ, որի նպատակն է  կայունացնել իրավիճակը շփման գծում։

Համանախագահներն ընդգծել են, որ անհրաժեշտ է մեծ ճկունութիւն ցուցաբերել ու վերականգնել ընդգրկուն բանակցութիւնները՝ հակամարտութեան երկարատեւ լուծմանը հնարաւորինս շուտ հասնելու համար։

Համանախագահները ընդունել են, որ Հայաստանի իշխանութիւնների կողմից ադրբեջանցի զինծառայողի դին վերադարձնելու վերջին որոշումը «օգտակար եւ մարդասիրական ժեստ էր»:

Երկու նախարարները վերահաստատել են իրենց յանձնառութիւնը՝ խստօրէն հետեւել իրենց միջազգային հումանիտար պարտաւորութիւններին:

Համանախագահներն անդրադարձել են նաեւ Արցախում կայանալիք սահմանադրական հանրաքւէին: «Համանախագահները տեղեակ են, որ, այսպէս կոչւած, սահմանադրական հանրաքւէն նախատեսւում է Լեռնային Ղարաբաղում անցկացնել 2017 թւականի փետրւարի 20-ին: Թէեւ համանախագահները նշում են, որ Լեռնային Ղարաբաղի դէ ֆակտօ իշխանութիւնները սահմանադրական հանրաքւէն դիտարկում են որպէս հանրային կեանքի կազմակերպման ձեւ, նրանք կրկին ընդգծում են, որ ոչ մի երկիր, այդ թւում` Հայաստանն ու Ադրբեջանը, չեն ճանաչել Լեռնային Ղարաբաղը որպէս անկախ, ինքնիշխան պետութիւն»,- նշւել է յայտարարութիւնում:

ԵԱՀԿ Մինսկի խմբի համանախագահները նշել են, որ չեն ընդունում հանրաքւէի արդիւնքները՝ որպէս ԼՂ իրաւական կարգավիճակի վրայ ազդող՝ ընդգծելով, որ այդ արդիւնքները չեն կարող կանխորոշել Լեռնային Ղարաբաղի վերջնական կարգավիճակը կամ ընթացող բանակցութիւնների արդիւնքը, ինչը կարող է հանգեցնել հակամարտութեան տեւական եւ խաղաղ կարգաւորման:

Ի դէպ, համանախագահները ծրագրում են մարտին այցելել տարածաշրջան։

Յարակից լուրեր

  • Արցախում հակառակորդը դիւերսիոն փորձ է կատարել եւ յետ շպրտւել՝ թողնելով մէկ դիակ
    Արցախում հակառակորդը դիւերսիոն փորձ է կատարել եւ յետ շպրտւել՝ թողնելով մէկ դիակ

    Սեպտեմբերի 22-ին՝ ժամը 16:15-ի սահմաններում, արցախա-ադրբեջանական հակամարտ զօրքերի շփման գծի հարաւ-արեւելեան հատւածում տեղակայւած մարտական դիրքերից մէկի ուղղութեամբ հակառակորդը ձեռնարկել է դիւերսիոն ներթափանցման փորձ: Այս մասին տեղեկացնում է  Արցախի ՊԲ մամուլի ծառայութիւնը:

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։