Հա

Քաղաքական

19/02/2017 - 14:32

Վիգէն Սարգսեան. «Ազգային անվտանգութեան ռազմավարութիւնում եւ ռազմական դոկտրինում ՀՀ-ն կարեւորում է Իրանի հետ յարաբերութիւնները»

ՀՀ պաշտպանութեան նախարար Վիգէն Սարգսեանը ելոյթով հանդէս է եկել Միւնխէնի Երիտասարդ առաջնորդների ֆորումի մասնակիցների հետ հանդիպման ընթացքում։ Այս մասին տեղեկացնում է «panorama.am»-ը`վկայակոչելով ՀՀ ՊՆ-ի լրատւական ծառայութեան:

«alikonline.ir»- ՀՀ պաշտպանութեան նախարար Վիգէն Սարգսեանը ելոյթով հանդէս է եկել Միւնխէնի Երիտասարդ առաջնորդների ֆորումի մասնակիցների հետ հանդիպման ընթացքում։ Այս մասին տեղեկացնում է «panorama.am»-ը`վկայակոչելով ՀՀ ՊՆ-ի լրատւական ծառայութեան:

Իր ելոյթի ընթացքում խօսելով Հայաստանի համար ռազմավարական եւ օրակարգային նշանակութեան հարցերի մասին, Վիգէն Սարգսեանն անդրադարձել է հարեւան երկրների հետ Հայաստանի յարաբերութիւններին՝ յատուկ կարեւորելով Իրանի հետ յարաբերութիւնները: Նա ընդգծել է, որ Ազգային անվտանգութեան ռազմավարութիւնում եւ ռազմական դոկտրինում, ինչպէս նաեւ գործնական մօտեցումներում Հայաստանն առանձնակի նշանակութիւն է տալիս հարեւան Իրանի հետ յարաբերութիւնների կառուցմանն ու խորացմանը:

«Իրանի հետ ունենք հազարամեակների ընդհանուր պատմութիւն: Այդ պատմութիւնն ունեցել է իր վերելքներն ու վայրէջքները. դաւանափոխութեան պատերազմներ, հայկական նախկին պետականութիւնների կլանում ու կորուստ, հայերի՝ մօտակայ այլ երկրներից Իրան գաղթելու քաջալերումներ եւ միջին դարերում Իրանի հետ հայկական առանձին համայնքների ստեղծում, ռուս-պարսկական պատերազմների արդիւնքում հայկական տարածքների երբեմնակի փոխանակումներ Իրանի եւ Ռուսաստանի միջեւ:

Այն պահից ի վեր, երբ 1991 թւականին Հայաստանը վերականգնեց իր երկար կորսւած պետականութիւնը, Իրանը մշտապէս յստակօրէն ցուցադրել է իրական բարեկամութեան իր պատրաստակամութիւնը, եւ մենք կարողացել ենք զարգացնել փոխադարձ յարգանքի վրայ հիմնւած բարիդրացիական յարաբերութիւններ: Իրանը Լեռնային Ղարաբաղի հակամարտութեան հարցով ցուցաբերում է հաւասարակշռւած դիրքորոշում եւ շարունակում է ներդնել անհրաժեշտ բոլոր ջանքերը՝ արդար լուծման որոնմանը սատարելու համար: Իրանը ցուցադրել է խորին յարգանք իր տարածքում գտնւող հայկական մշակութային ժառանգութեան նկատմամբ եւ Հայ Առաքելական Եկեղեցու հետ ծաւալուն աշխատանք է իրականացրել չորս հնադարեան եկեղեցիներ ԻՒՆԵՍԿՕ-ի համաշխարհային ժառանգութեան ցանկում ընդգրկելու համար: Մեր երկու երկրների միջեւ յարաբերութիւնները իսկապէս օրինակելի են քաղաքակրթութիւնների երկխօսութեան, կրօնական հանդուրժողականութեան եւ փոխադարձ յարգանքի տեսանկիւնից»,- նշել է ՀՀ պաշտպանութեան նախարարը:

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

  • Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»
    Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»

    ՀՀ վարչապետ Ն. Փաշինեանը՝ Արցախում տեղի ունեցած ՀՀ եւ ԱՀ անվտանգութեան խորհուրդների համատեղ նիստում, իսկ ՀՀ ԱԽ քարտուղար Ա. Գրիգորեանը՝ Հանրային հեռուստատեսութեան եթերում, պետական ամենաբարձր մակարդակով յայտարարեցին, որ հայկական կողմը մեծապէս կարեւորում է ժողովուրդներին խաղաղութեան նախապատրաստելը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։