Հա
Երկուշաբթի, 03 Հոկտեմբերի 2016 12:00

Օրակարգի հարց

Իրան այցելութենէս ստացած տպաւորութիւններս եւ իրանահայ համայնքին ու Իրանի պետական շրջանակներուն մեզի ընծայած ուշադրութիւնը ամբողջականօրէն արտացոլացնելու համար, ծաւալուն գրութիւն մը պէտք էր պատրաստել: Բարեբախտաբար, մեր խումբին մաս կազմող խմբագիր ընկերներս առաւել ձեռնհասօրէն կը կատարեն այդ աշխատանքը, որմէ մենք ալ պիտի օգտւինք՝ հետագայ օրերու մեր թիւերուն մէջ տեղ տալով անոնց:

ԱԲՕ ՊՕՂԻԿԵԱՆ


Իրան այցելութենէս ստացած տպաւորութիւններս եւ իրանահայ համայնքին ու Իրանի պետական շրջանակներուն մեզի ընծայած ուշադրութիւնը ամբողջականօրէն արտացոլացնելու համար, ծաւալուն գրութիւն մը պէտք էր պատրաստել: Բարեբախտաբար, մեր խումբին մաս կազմող խմբագիր ընկերներս առաւել ձեռնհասօրէն կը կատարեն այդ աշխատանքը, որմէ մենք ալ պիտի օգտւինք՝ հետագայ օրերու մեր թիւերուն մէջ տեղ տալով անոնց:
Մեզի համար այս այցելութիւնը զգաստութեան հրաւէր էր, որպէսզի անդրադառնայինք մեր թերացումներուն՝ Հայաստանի համար Իրանի ռազմավարական կարեւորութեան ամբողջական գիտակցումին մէջ: Եթէ նոյնիսկ գիտակից եղած ենք այդ կարեւորութեան, ապա ամերիկահայերս այդ կարեւորութիւնը գնահատելու ուղղութեամբ կրաւորական կեցւածք որդեգրած ենք: Այդ կեցւածքը ինքնին հետեւանք է այն բացասական մթնոլորտին, որ մեր ապրած երկրին՝ Միացեալ Նահանգներու, զանգւածային լրատու կենտրոններուն կողմէ ստեղծւած է Իրանի կառավարութեան հանդէպ մասնաւորապէս եւ Իրանի հանդէպ՝ ընդհանրապէս:
Յստակ է, որ Իրանը՝ իբրեւ պետութիւն, ահագին ընելիք ունի իր իսկական դիմագիծը ծանօթացնելու համար միջազգային հանրութեան:
Մեր պարագային, մենք կրնանք վկայել, կամ աւելի ճիշտը՝ իբրեւ միջնորդ ծառայել, որպէսզի իրանահայ մեր համայնքին՝ Իրանի կառավարութեան կողմէ արժանացած լայնախոհ վերաբերմունքին մասին վկայութիւնը հասնի միջազգային հանրութեան: Այս տեսակէտէն, մեր գործունէութեան շրջանակը կը յստականայ՝ ընդգրկելով տեղական մամուլը, ակադեմական ու համալսարանական կենտրոնները, վերլուծական կենտրոններն ու գործակալութիւնները, նոյնիսկ՝ զբօսաշրջային կազմակերպութիւնները:
Կը մնայ, որ այս օրակարգին աւելի լուրջ մօտենանք, մշակենք ամբողջական ծրագիր ու արդէն իսկ ձեռնարկենք աշխատանքներու: Այսքանը մեր նւազագոյն պարտաւորութիւնն է:

«Ասպարէզ»

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։