Հա

Հասարակական

11/03/2019 - 10:50

Հայաստան-Իրան երրորդ ԷՀԳ-ի շինարարութիւնը մինչեւ աշուն կաւարտի

Էներգետիկ ենթակառուցւածքների եւ բնական պաշարների նախարարութիւնը մեկնաբանել է Հայաստան-Իրան երրորդ էլեկտրահաղորդման գծի շինարարութիւնը։

«alikonline.ir» - Էներգետիկ ենթակառուցւածքների եւ բնական պաշարների նախարարութիւնը մեկնաբանել է Հայաստան-Իրան երրորդ էլեկտրահաղորդման գծի շինարարութիւնը։

Իրան-Հայաստան 400 կՎ լարման էլեկտրահաղորդման գծի (ԷՀԳ) եւ համապատասխան ենթակայանի կառուցման աշխատանքների աւարտի ժամկէտ է սահմանւել է 2019 թւականի սեպտեմբերի 1-ը։ Այս մասին յայտնում է ՀՀ էներգետիկ ենթակառուցւածքների եւ բնական պաշարների նախարարութիւնը` ի պատասխան «Sputnik» Արմենիայի՝ հարցմանը։

«Փետրւարի 2-ին ծրագրի գլխաւոր կապալառու իրանական «Sunir» ընկերութեան, պատւիրատու «Բարձրավոլտ էլեկտրացանցեր» ՓԲԸ-ի ներկայացուցիչների մասնակցութեամբ տեղի է ունեցել Իրան-Հայաստան 400 կՎ լարման էլեկտրահաղորդման օդային գծի եւ համապատասխան ենթակայանի կառուցման ծրագրի խնդիրների քննարկում, որի արդիւնքում ստորագրւել է աշխատանքների իրականացման նոր ժամանակացոյց` աշխատանքների աւարտի ժամկէտ սահմանելով 2019 թ.-ի սեպտեմբերի 1-ը»,- գրւած է հաղորդագրութեան մէջ։

Նախարարութիւնից յայտնել են նաեւ, որ այժմ իրականացւում են սարքերի եւ սարքաւորումների ներկրման աշխատանքներ, իսկ շինարարութիւնը կը վերսկսւի` կախւած եղանակային պայմաններից։

ԷՀԳ-ի հետ նախատեսւում էր նաեւ կառուցել Նորաւան եւ Դդմաշէն ենթակայանները։

«Դդմաշէնի ենթակայանը դեռ չի կառուցւել։ Այն նախատեսւած է իրականացնել Կովկասեան էլեկտրահաղորդման ցանց (Հայաստան-Վրաստան հաղորդիչ գիծ/ենթակայաններ) ծրագրի շրջանակում։ Դդմաշէնի կայանի կառուցման նպատակայարմարութիւնը կորոշւի ծրագրի տեխնիկական լուծումների արդիւնքում։ Նորաւան ենթակայանի կառուցման աշխատանքներն ընթացքի մէջ են, դրանք իրականացւում են Իրան-Հայաստան 400 կՎ էլեկտրահաղորդման օդային գծի ծրագրի շրջանակում»,- գրւած է հաղորդագրութեան մէջ։

Հարցին, թէ նախատեսւո՞ւմ է այնպիսի ենթակայան կառուցել, որը կը միաւորի Իրան եւ Վրաստան գնացող բարձրավոլտ գծերը, նախարարութիւնից յայտնեցին, Իրան-Հայաստան եւ Հայաստան-Վրաստան 400 կՎ օդային գծերի միացման տեխնիկական հարցերը քննարկման փուլում են։

«Նախկին նախագծերով որպէս միացման կէտ նախատեսւած էր ԴԴՄաշէնի ենթակայանը»,- նշւած է հաղորդագրութեան մէջ։

Ինչպէս աւելի վաղ յայտարարել էին Էներգետիկայի նախարարութեան ներկայացուցիչները, Հայաստան-Իրան 400 Կվ լարւածութեամբ ԷՀԳ-ի կառուցումը պէտք է աւարտւէր 2018 թւականին։ Սակայն գործընթացը ձգձգւեց։

Յիշեցնենք, որ դէպի Իրան գնացող գիծը կառուցւում է Իրանի միջոցներով։ Նախագծի համար նախատեսւած 107.9 մլն. եւրոյի 77%-ը տրամադրել է Իրանի արտահանման եւ զարգացման բանկը, 23%-ը` հիմնական կապալառու «Sunir» ընկերութիւնը։

Նոր գիծը թոյլ կը տայ եռակի (ներկայիս 350 ՄՎտ) մեծացնել թողունակութիւնը Հայաստանի եւ Իրանի միջեւ էլեկտրաէներգիայի սնուցման համար:

Յարակից լուրեր

  • Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը
    Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը

    Եմէնի ճկնաժամի կապակցութեամբ, Իրանի եւ Եւրոմիթեան միջեւ կայացած բանակցութիւնների 5-րդ փուլի աւարտին, ԵՄ-ն հանդէս է եկել հաղորդագրութեամբ, որում կողմերի անունից, կարեւորւել է Եմէնի ճգնաժամաի կարգաւրման կապակցութեամբ, Ստոկհոլմի համաձայնագրի, մասնաւորապէս Ալ Հոդայդէ նաւահանգստում կրակի դադերացման մասին պայմանաւորւածութեան ամբողջական իրագործումը:

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ
    «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ

    Մարտի 18-ին, Սիրիայի նախագահ Բաշշար Ասադը հանդիպել է Իրանի եւ Իրաքի զինւորական պատւիրակութիւնների հետ, որոնք Դամասկոսում էին, մասնակցելու տարածաշրջանում ահաբեկչութեան դէմ պայքարի կապակցութեամբ Սիրիայի, Իրանի եւ Իրաքի եռակողմ խորհրդակցութեանը:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։