Հա

Հասարակական

Երկուշաբթի, 30 Դեկտեմբերի 2013 12:40

Ամանորեայ սովորական մի հեքիաթ

Տարեվերջի եւ տարեմուտի այս օրերին, դժւար է նոր բան ասել կամ գրել: Միշտ նոյնն է, նոյն բարի խօսքերը, նոյն սպասումները, յոյսերն ու ակնկալիքները: Մանաւանդ, որ ինձ պէս տարօրինակների համար, որ հանգամանքներից ելնելով տարին 12 ամիս, 365 օր (միգուցէ մի քիչ պակաս) ստիպւած են նոր բան արարել, նորութիւն հրամցնել, Նոր տարին չի ընկալւում որպէս իւրայատուկ մի բան: Քանի որ մեզ համար ամէն օրը, ամէն պահը նոր է:

(Այս անգամ՝ բացառապէս 4-րդ էջի համար)

ԱՐԱՄ ՇԱՀՆԱԶԱՐԵԱՆ

Տարեվերջի եւ տարեմուտի այս օրերին, դժւար է նոր բան ասել կամ գրել: Միշտ նոյնն է, նոյն բարի խօսքերը, նոյն սպասումները, յոյսերն ու ակնկալիքները: Մանաւանդ, որ ինձ պէս տարօրինակների համար, որ հանգամանքներից ելնելով տարին 12 ամիս, 365 օր (միգուցէ մի քիչ պակաս) ստիպւած են նոր բան արարել, նորութիւն հրամցնել, Նոր տարին չի ընկալւում որպէս իւրայատուկ մի բան: Քանի որ մեզ համար ամէն օրը, ամէն պահը նոր է: Քանի որ մենք ստիպւած ենք գնահատել իւրաքնչիւր վայրկեանը, ինչպիսին էլ այն լինի:
Այնուամենայնիւ կարծում եմ, որ Ամանորի տօնը ստեղծւել է մի քիչ թեթեւանալու, մի քիչ երազելու եւ մի քիչ էլ ուրախանալու համար: Վերջիվերջոյ ինչու չպէտք է ուրախանալ, չէ՞ որ մեր կեանքի փորձն աւելացաւ եւս մէկ տարով: Չէ՞ որ մենք դարձանք աւելի իմաստուն, քան նախորդ տարում էինք (երեւի, միգուցէ): Չէ՞ որ այդ իմաստութիւնը, փորձը կարող ենք օգտագործել աւելի լաւը, աւելի կատարեալը, եւ ամենակարեւորը՝ աւելի բարին ստեղծելու համար:
Բարին ստեղծելու համար մեզ անհրաժեշտ է լինել աւելի մաքուր, աւելի համբերատար, աւելի ներողամիտ եւ աւելի դրական, հին տարւայ հետ անցեալում թողնելով նաեւ վատն ու բացասականը, չկամութիւնն ու ատելութիւնը:
Եւ այս բարին արարելու համար հաւատացէք մեզ շատ բան անհրաժեշտ չէ: Ընդամէնը սէր, մի կաթիլ սէր, որն այս աշխարհում այնքա՜ն շատ է ... Բայց մենք դրա մասին մոռանում ենք: Երբեմն մէկ րոպէով, մէկ ժամով կամ մէկ օրով... կամ տարիով... կամ էլ մէկ ամբողջ կեանք: Իսկ յետոյ մեզ թւում է, թէ այս աշխարհում սիրոյ պակաս կայ:
Այո՛, դա այդպէս է, իսկ մենք յաճախ մոռանում ենք մեր մէջ ապրող սիրոյ մասին, մոռանում ենք արտայայտել այն, փակւած ենք պահում հազար փակի տակ, չհասկանալով, որ այդպիսով մեր կեանքը պարպում ենք ջերմութիւնից, գոյնից, ժպիտից ու երջանկութիւնից:

* * *

Յիշում էք չէ մեր այս սիւնեակի աղջկան ու տղային, որոնք մի պահ վրիպեցին, իսկ յետոյ ստիպւած երկար, շա՜տ երկար թափառում էին երազից երազ, փորձելով գտնել իրենց կորած ու մոռացւած սիրոյ եւ երջանկութեան մասին յիշողութեան պատառիկները: Հիմա տեսնենք թէ ինչպէս դասաւորւեց նրանց ճակատագիրը:
Ութերորդ էպիզոդ.
Մտաբերէք պատմութիւնը, երազից երազ թափառելիս նրանք միշտ գտնում էին նոյն բանը՝ ԿՈՐԱԾ ԺԱՄԱՆԱԿՆԵՐ անւանումով հնամաշ մի գիրք: Աղջիկը շատ շուտ յոգնեց, տեղի տւեց, եւ որոշեց, որ իր ճակատագիրը մենութիւնն է: Նա որոշեց իրեն ուղեկից ու խորհրդատու ընտրել ՆՈՐԻՆ ՄԵԾՈՒԹԻՒՆ, ԱՄԵՆԱԶՕՐ ԵՒ ՍԱՌՆԱՍԻՐՏ «ՏՐԱՄԱԲԱՆՈՒԹԵԱՆ»-ը: Նա նոյնիսկ ուրախ էր, որ չէր զգում սէր, կապւածութիւն... Ոչինչ չէր զգում, ապրում էր առանց գլխացաւանքի, ազատ ու անկաշկանդ...
Իսկ տղան՝ ընդհակառակը, յամառում էր: Նա զգում էր իր հոգու ունայնութիւնը, իր միջի ցուրտը: Նա շարունակում էր իր երազային ճամբորդութիւնը, փորձելով վերադարձնել ժամանակը, անցած ու գնացած ժամանակը:
Իններորդ էպիզոդ.
Ամանորն էր մօտենում, ձիւն էր տեղում, քամի էր, ծակող քամի, բայց տղան յամառօրէն շարժւում էր դէպի քաղաքի կենտրոնի խանութները, որոնց ցուցափեղկերում փայլում էին զարդարւած եղեւնիները: Երեւի թէ պատահականօրէն, ցուցափեղկային եղեւնիներից ամենամեծ ու գեղեցիկի մօտ դէմ-դիմաց դուրս եկան մեր պատմութեան հերոսները՝ երազկոտ տղան եւ սառնասիրտ աղջիկը: Աղջիկը կանգ առաւ զարդարանքներն ուսումնասիրելու, իսկ տղան գաղտնի երազանքները ամենակարող ճակատագրին պատմելու համար:
Տասերորդ էպիզոդ.
- Մի կո՛ղմ գնացէք, խնդրում եմ,- ասաց տղան,- ես կարեւոր գործ ունեմ:
Նրանց հայեացքները խաչւեցին: Աղջիկը վերեւից ներքեւ չափեց տղային, մի պահ նրա յիշողութեան մէջ ինչ-որ բան առկայծեց, սակայն անտարբեր թողեց ու հեռացաւ: Իսկ տղան կարծես թէ շանթահարւեց, նրա յիշողութիւնը սկսեց փայլատակել, եւ մի անգամից յիշեց, վերականգնեց, յետ վերադարձրեց կորած ժամանակները:
Տասնմէկերորդ էպիզոդ.
Նա ամուր ճակատին քաշեց գլխարկը, աչքերը յառեց եղեւնուն ու շշնջաց. «Ամենազօր ճակատագիր, ուզում էի խնդրել, որ ինչ-որ կերպ լցնես հոգուս ունայնութիւնը, որպէսզի այլեւս չմրսեմ: Բայց հէնց նոր հանդիպեցի մի աղջկայ, որը նման էր սառցէ ցօղունի: Նա վաղուց է, ինչ չգիտի թէ ինչ բան է սէրը, երջանկութիւնը, ջերմութիւնը, եւ շուտով սառցէ մարդու կը վերածւի... Նրան զգայուն՝ սիրող սիրտ նւիրիր, թէ չէ նա երբեք երջանիկ չի լինի: Չգիտեմ՝ էլ նրան ինչպէս օգնեմ»:
Տասներկուերորդ էպիզոդ.
Րոպէներ անց սառնասիրտ աղջիկը վերադարձաւ ցուցափեղկի եղեւնու մօտ՝ կրծքում սիրող սրտով: Ճակատագիրը կատարեց տղայի խնդրանքը: Անշուշտ չփոխեց աղջկայ սիրտը, այլ պարզապէս այնտեղ թողեց մի թանկագին զգացմունք՝ սէր... Բայց չկար տղան ...
Տասներեքերորդ էպիզոդ.
Տղան հեռացել էր, գլուխը կախ, գլխարկը ճակատին քաշած, ձեռքերը տաքուկ գրպաններում սեղմած, ժպիտը դէմքին, հոգին ջերմացած: Չէ՞ որ նա գտել էր կորած ժամանակները, չէ՞ որ նա աղջկան նւիրել էր այն, ինչ ցանկանում էր: Իսկ կարեւոր չէր թէ այդ սիրող սիրտն ում կը պատկանէր, դա արդէն երկրորդական էր: Կարեւոր էր այն, որ տղան կատարել էր իր գործը, աղջկան էր նւիրել ամենաթանկը...
Լաւ մնացէ՛ք, կը հանդիպենք ...

 

Յ. Գ. -
...Ես գիտեմ երջանկութիւնը մէկ անգամ է այցելում,
Իսկ յետոյ երբ հեռանում է այցետոմսն է իր թողնում,
Ու յետոյ ամբողջ կեանքում մեր,
Մենք նրան ենք որոնում,
Այն հասցէն, որ նա թողնում է
Երբեք ոչ ոք չի գտնում ...

ՌՈՒԲԷՆ ՀԱԽՎԵՐԴԵԱՆ

Յարակից Հրապարակումներ

  • Այսօր Գերմանիայում նոր խորհրդարան են ընտրում
    Այսօր Գերմանիայում նոր խորհրդարան են ընտրում

    Այսօր՝ սեպտեմբերի 24-ին Գերմանիայում կայանալու են Բունդեսթագի ընտրութիւնները:

    Վերջին բոլոր սոցհարցումները վկայում են այն մասին, թէ գործող կանցլեր Անգելլա Մերկէլի գլխաւորած «Քրիստոնեայ-դեմոկրատական միութիւն»-«Քրիստոնեայ-սոցիալիստական միութիւն» դաշինքը (ՔԴՄ/ՔՍՄ) առաջատարն է: Սակայն գլխաւոր ինտրիգը կայանում է նրանում, թէ ինչպէս կը բաշխւեն ընտրողների ձայները միւս կուսակցութիւնների միջեւ, ինչն էլ կարող է ճակատագրական նշանակութիւն ունենալ ապագայ կառավարութեան ձեւաւորման գործընթացի համար:

  • Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը
    Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը

    Երէկ` օգոստոսի 15-ին, Թեհրանի Հայ Դատի յանձնախմբի նախաձեռնութեամբ տեղի ունեցաւ Սեւրի պայմանագիրը եւ Վիլսոնեան իրաւարար վճիռի խորագրով դասախօսութիւն: Օրւայ  դասախօսներն էին Իրանի իսլամական խորհրդարանում հիւսիսային իրանահայութեան պատգամաւոր դոկտ. Կարէն Խանլարեանը եւ Հայ Դատի յանձնախմբի նախկին նախագահ Արամ Շահնազարեանը:

  • Թերեզա Մէյի ճակատագրական սխալը
    Թերեզա Մէյի ճակատագրական սխալը

    Յունիսի 7-ին Մեծ Բրիտանիայում կայացած արտահերթ խորհրդարանական ընտրութիւնները միանշանակօրէն ծանր պարտութիւն էին իշխող՝ «Պահպանողական» կուսակցութեան, եւ նրա առաջնորդ, գործող վարչապետ Թերեզա Մէյի համար: 

  • Համախմբւելու եւ ամբոխային տրամաբանութեանը տուրք չտալու պահը
    Համախմբւելու եւ ամբոխային տրամաբանութեանը տուրք չտալու պահը

    Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

  • Երրորդ հեռուստաբանավէճին սպասելիս
    Երրորդ հեռուստաբանավէճին սպասելիս

    Չսպասելով երրորդ հեռուստաբանավէճին Ռոհանին անցել է գործի, յստակօրէն թիրախաւորելով սոցիալ-տնտեսական եւ քաղաքական այն խնդիրները, որոնք հասարակութեան կողմից կարող են ընկալւել որպէս իր մրցակիցների, իսկ աւելի որոշակի՝ հիմնական ախոյեանի՝ Էբրահիմ Ռէյիսիի այսպէս կոչւած «աքիլեսեան գարշապար»-ը: Նրա նշանակէտում յայտնւել են հէնց այդ թոյլ կէտերը:

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։