Հա

Հասարակական

02/11/2014 - 10:40

Երուսաղէմի հայկական թաղամասի պահպանութեան համար աճուրդի են հանւել Էլիա Գահվեջեանի աշխատանքները

Երուսաղէմի հայկական թաղամասի պահպանութեանը նւիրւած «Save the ArQ» նախաձեռնութեան կողմից Չիկագոյում կազմակերպւած դրամահաւաք-միջոցառմանը աճուրդի են հանւել երուսաղէմցի լուսանկարիչ, Հայոց Ցեղասպանութիւնը վերապրած Էլիա Գահվեջեանի աշխատանքները: «Արմէնպրես»-ի հաղորդմամբ՝ աճուրդին ներկայացւած լուսանկարները եղել են յայտնի լուսանկարչի երեք հազար աշխատանքներից բաղկացած հաւաքածուից:

«armenpress.am» - Երուսաղէմի հայկական թաղամասի պահպանութեանը նւիրւած «Save the ArQ» նախաձեռնութեան կողմից Չիկագոյում կազմակերպւած դրամահաւաք-միջոցառմանը աճուրդի են հանւել երուսաղէմցի լուսանկարիչ, Հայոց Ցեղասպանութիւնը վերապրած Էլիա Գահվեջեանի աշխատանքները: «Արմէնպրես»-ի հաղորդմամբ՝ աճուրդին ներկայացւած լուսանկարները եղել են յայտնի լուսանկարչի երեք հազար աշխատանքներից բաղկացած հաւաքածուից: Դրանց մի մասը նւիրաբերւել էր մեծանուն լուսանկարչի որդու՝ Գէորդ Գահվեջեանի կողմից:
«Այս միջոցառումը մեզ յիշեցրեց, որ հայկական ինքնութիւնը կապւած չէ միայն մեր համայնքի կամ Հայաստանի հետ, այն նշանակում է լինել վերազգային մշակութային միութեան մի մասը: Եւ Երուսաղէմի հայկական համայնքը դրա մի մասնիկն է, իրականում՝ շատ կարեւոր մասնիկը: Հայերը Երուսաղէմում ապրել են 1500 տարուց աւելի եւ շարունակում են կարեւոր դեր խաղալ քաղաքում: Բոլոր հայերը պէտք է հպարտ լինեն այդ ժառանգութեան համար: Եւ որպէս հայեր, որպէս քրիստոնեաներ՝ մենք պէտք է ուղիներ գտնենք այս կամ այն կերպ մեզ նւիրելու Երուսաղէմի հայկական թաղամասի պահպանման եւ վերականգման գործին»,- նշել է միջոցառման մասնակիցներից պրոֆեսոր Ռէյչէլ Գոշգարեանը:
Երուսաղէմցի հայազգի յայտնի լուսանկարիչ Էլիա Գահվեջեանը ծնւել է 1910 թւականին, Ուրֆա քաղաքում: Հայոց Ցեղասպանութեան ժամանակ սպանւել են փոքրիկ Էլիայի ծնողները եւ որբուկին փրկել է Մերձաւոր Արեւելքի նպաստամատոյցը եւ տեղաւորել Նազարէթի հայկական որբանոցում: Երուսաղէմի որբանոց ուղարկւելուց յետոյ Գահվեջեանը խորը հետաքրքրութիւն է ցուցաբերում լուսանկարչութեան հանդէպ: Տարիների ընթացքում իւրօրինակ արւեստագիտական ոճ է զարգացնում, որի շնորհիւ էլ դառնում է անգլիական մանդատի տակ գտնւող Պաղեստինի ամենակարեւոր լուսանկարիչը:
Գահվեջեանի առանձնայատկութիւնը կայանում է Պաղեստինի առօրեայ կեանքի սրտառուչ պահերն որսալու կարողութեան մէջ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։