Հա

Հասարակական

Երեքշաբթի, 27 Դեկտեմբերի 2016 10:10

Վիրահայոց թեմում նշել են հայերէն տպագիր Աստւածաշնչի 350-ամեակը

Ինչպէս «Արմէնպրես»-ին տեղեկացրին Վիրահայոց թեմի մամուլի դիւանից, միջոցառումը սկսւել է Թբիլիսիի Սուրբ Գէորգ առաջնորդանիստ եկեղեցու երգչախմբի կատարմամբ Տէրունական աղօթքով, ապա «Հրաշափառ»-ի հնչիւնների ներքոյ հանդիսաւորութեամբ դահլիճ է բերւել Ն.Ս.Օ.Տ.Տ. Գարեգին Բ Ամենայն հայոց կաթողիկոսի Սրբատառ կոնդակը՝ Աստւածաշնչի հայերէն տպագրութեան 350-ամեակի առիթով:

«armenpress.am» - Վիրահայոց թեմի «Հայարտուն» կենտրոնի Գալուստ Գիւլբէնգեան սրահում ոգեկոչւել է հայերէն տպագիր Աստւածաշնչի 350-ամեակը:
Ինչպէս «Արմէնպրես»-ին տեղեկացրին Վիրահայոց թեմի մամուլի դիւանից, միջոցառումը սկսւել է Թբիլիսիի Սուրբ Գէորգ առաջնորդանիստ եկեղեցու երգչախմբի կատարմամբ Տէրունական աղօթքով, ապա «Հրաշափառ»-ի հնչիւնների ներքոյ հանդիսաւորութեամբ դահլիճ է բերւել Ն.Ս.Օ.Տ.Տ. Գարեգին Բ Ամենայն հայոց կաթողիկոսի Սրբատառ կոնդակը՝ Աստւածաշնչի հայերէն տպագրութեան 350-ամեակի առիթով: Կոնդակն ընթերցել է Վիրահայոց թեմի առաջնորդի օգնական հոգեշնորհ Տ. Խորէն վարդապետ Յովհաննիսեանը:
Ցուցադրւել է տեսաֆիլմ՝ նւիրւած Ամստերդամում Ոսկան Երեւանցու ազգանւէր գործունէութեանը, որի արդիւնքում 1666 թւականին 5 հազար օրինակ տպաքանակով առաջին անգամ հայերէն Աստւածաշունչ տպագրւեց:
161227e01aՄիջոցառումն ամփոփել է Վիրահայոց թեմի առաջնորդ Տ. Վազգէն եպս. Միրզախանեանը: Իր օրհնութիւնը յղելով ներկաներին՝ թեմակալ առաջնորդը արժեւորել է հայերէն Աստւածաշնչի տպագրութեան դերն ու նշանակութիւնը, գնահատելով այն որպէս ազգայինի պահպանութեան, գրի ու մշակոյթի զարգացման եւ քրիստոնէական հաւատքի ամրապնդման եզակի միջոց:
Սրբազան Հայրն իր որդիական երախտագիտութիւնն է յայտնել Ն.Ս.Օ.Տ.Տ. Գարեգին Բ Ամենայն հայոց կաթողիկոսին, որ Սրբատառ կոնդակով ամենուրեք, այդ թւում նաեւ Վիրահայոց թեմում, արժեւորւել եւ անմահացւել է Աստւածաշնչի հայերէն տպագրութեան 350-ամեակը:
Վիրահայոց թեմի Սուրբ Գէորգ առաջնորդանիստ եկեղեցու Մակար Եկմալեան (խմբավար Սւետլանա Տատոյեւա) երգչախմբի կատարմամբ հնչել են «Հայր մեր»-ը, «Հրաշափառ» «Վարանիմք», «Ով զարմանալի» եւ «Հրաշացան» շարականները, իսկ «Հայարտուն» կենտրոնի «Ներսէս Շնորհալի» երգչախումբը (խմբավար Մարի Աբուլեան, դաշնակահար՝ Կարէն Միրզոյեան) կատարեց Ներսէս Շնորհալու «Նոր ծաղիկ», Մեսրոպ Մաշտոցի «Հայոց գրեր» եւ Ռաֆայէլ Պատկանեանի «Օրօրոցային» երգերը:
161227e01bՀանդիսութեան ընթացքում ցուցադրւել են 1733 թւականին Վենետիկում Մխիթար Սեբաստացի աբբահօր կողմից հայերէն Աստւածաշնչի վերահրատարակութեան, 1786 եւ 1842 թւականներին Տփխիսի, 1857 եւ 1895 թւականներին Կոստանդնուպոլսի եւ այլ տարիներին հրատարակւած տպագիր օրինակները:
Միջոցառմանը ներկայ էին Վիրահայոց թեմի հոգեւոր դասը, Վրաստանում ՀՀ դեսպանութեան դիւանագէտներ, համայնքային կառոյցների ղեկավարներ, թբիլիսահայ մտաւորականներ, հասարակայնութեան ներկայացուցիչներ: Միջոցառման իրականացմանը մասնակցել էին թեմի հոգեւոր դասը, «Հայարտուն» կենտրոնը, առաջնորդարանի պաշտօնէութիւնը:
Միջոցառումն աւարտւել է առաջնորդ Սրբազանի Պահպանիչ աղօթքով:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։