Հա

Հասարակական

Երեքշաբթի, 27 Դեկտեմբերի 2016 10:40

Արամ Ա կաթողիկոս.- «Սիսի կաթողիկոսարանի վերադարձի հարցով ՄԻԵԴ դիմելն ազգային պահանջատիրութեան իրաւական առաջին քայլն է»

Ն.Ս.Օ.Տ.Տ. Արամ Ա կաթողիկոսը Թեհրանի հայոց թեմ կատարած իր հովւապետական այցի աւարտէն ետք դեկտեմբերի 21-ի երեկոյեան ժամանած է Արաբական Միացեալ Էմիրութիւններ՝ Դուբայ:
Թեհրանի հայոց թեմ կատարած իր հովւապետական այցելութեան աւարտին, չորեքշաբթի, 21 դեկտեմբերի երեկոյեան Վեհափառ Հայրապետը ժամանեց Դուբայ, Արաբական Միացեալ Էմիրութիւնները:

«yerkir.am» - Ն.Ս.Օ.Տ.Տ. Արամ Ա կաթողիկոսը Թեհրանի հայոց թեմ կատարած իր հովւապետական այցի աւարտէն ետք դեկտեմբերի 21-ի երեկոյեան ժամանած է Արաբական Միացեալ Էմիրութիւններ՝ Դուբայ:
Թեհրանի հայոց թեմ կատարած իր հովւապետական այցելութեան աւարտին, չորեքշաբթի, 21 դեկտեմբերի երեկոյեան Վեհափառ Հայրապետը ժամանեց Դուբայ, Արաբական Միացեալ Էմիրութիւնները: Օդանաւակայանի պատւոյ սրահին մէջ Վեհափառ Հայրապետը ողջունելու եկած էին թեմի կաթողիկոսական փոխանորդ Տ. Մեսրոպ ծ. վրդ. Սարգսեան, ընկերակցութեամբ Պատգամաւորական ժողովի ատենապետ Տիար Հրայր Սողոմոնեանի ու ազգայիններու:
Վեհափառ Հայրապետը օդանաւակայանին մէջ ունեցած կարճատեւ հանդիպումէն ետք կաթողիկոսական փոխանորդ Հայր Սուրբին հետ ուղղւեցաւ դէպի Աբու Դաբի: Աբու Դաբիի մէջ ազգային վարչութեան եւ Պատգամաւորական ժողովի անդամներուն եւ բարերարներուն հետ Վեհափառ Հայրապետը աշխատանքային ընթրիք մը ունեցաւ որուն ընթացքին արժեւորումի ենթարկւեցաւ ազգային իշխանութեան աշխատանքները, ինչպէս նաեւ եկեղեցի, դպրոց ու ժողովուրդ փոխյարաբերութիւնը զարգացնելու կարելիութիւնները: Վեհափառ Հայրապետը շեշտեց զանազան ծրագիրներու ու աշխատանքներու ճամբով երիտասարդութիւնը եկեղեցւոյ շուրջ հաւաքելու կարեւորութիւնը: «Ազգային առաջնորդարանով, եկեղեցիով, ազգային վարժարանով ու յարակից լայն կարելիութիւններով օժտւած ազգային-եկեղեցական համալիրը պէտք է լեցնել ու իմաստաւորել մեր ժողովուրդի ներկայութեամբ ու գործօն մասնակցութեամբ»,- շեշտեց Վեհափառ Հայրապետը, ու նոյն գիշեր վերադարձաւ Դուպայ:
Յայտնենք, որ 12 դեկտեմբերի 2014-ին Աբու Դաբիի մէջ Սուրբ Նահատակաց նորաշէն եկեղեցւոյ օծումը կատարած էր Վեհափառ Հայրապետը եւ 16 մայիսի 2016-ին եկեղեցւոյ կողքին Արա Խանոյեան ազգային վարժարանի բացումը կատարած:
Հինգշաբթի եւ ուրբաթ օրերը Վեհափառ Հայրապետը հանդիպումներ ունեցաւ կաթողիկոսական փոխանորդ Հայր Սուրբին, ազգային Պատգամաւորական ժողովի ատենապետին եւ այլ պատասխանատուներու հետ ընդհանրապէս թեմը յուզող հարցերու ու ծրագրւած աշխատանքներու ու յատկապէս Դուբայի, Շարժայի եւ Կատարի հայութեան առնչւած աշխատանքներու ու ծրագիրներու մասին:
Ուրբաթ առաւօտ Վեհափառ Հայրապետը հանդիսապետեց ս. եւ անմահ պատարագին եւ իր պատգամը ուղղեց ներկայ հոծ բազմութեան: Առաջին հերթին Վեհափառ Հայրապետը իր բարձր գնահատանքը յայտնեց կաթողիկոսական փոխանորդ Տ. Մեսրոպ ծ. վրդ. Սարգսեանին, որ նւիրումով լծւած է թեմի ծառայութեան: Ապա Վեհափառ Հայրապետը անդրադառնալով Նոր տարւան ու Ս. Ծննդեան խորհուրդով լեցուն ներկայ օրերուն, շեշտեց Աստուծոյ դառնալու եւ Անոր ներկայութիւնը ապրելու, Քրիստոսի ճամբով Աստուծոյ պատւէրներուն հաւատարիմ մնալու հրամայականը: Վեհափառ Հայրապետը իր խօսքին մէջ ըսաւ. «Աստւած իր յայտնութեան ու մանաւանդ իր Միածին Որդւոյն Մարդեղութեան ճամբով մեզի հետ եղաւ, եւ մեզի ցոյց տւաւ փրկութեան ճամբան: Արդեօք մենք Աստուծոյ հե՞տ ենք մեր կեանքի որակով, մեր ծառայութեամբ, մեր եկեղեցւոյ, ազգին ու հայրենիքին մեր ամուր կապւածութեամբ. հաւատարի՞մ ենք քրիստոնէական արժէքներուն ու աւանդութիւններուն»: Ապա Վեհափառ Հայրապետը անդրադարձաւ կարիքաւորներու օգտակար դառնալու, եկեղեցւոյ, դպրոցի, գաղութին ու Հայրենիքի աշխատանքներուն մասնակից դառնալու, անոնց ծրագիրներուն օգտակար դառնալու անհրաժեշտութեան:
Ս. եւ անմահ պատարագէն անմիջապէս ետք տեղի ունեցաւ աջահամբոյր: Ապա Վեհափառ Հայրապետը կարճ այցելութիւն մը տւաւ եկեղեցւոյ կից գտնւող ազգային Օհաննէսեան վարժարան, ուր տեղի կունենար յիշեալ վարժարանի աշակերտներուն կողմէ պատրաստւած Նոր տարւայ տօնակատարութիւնը:
Յայտնենք, որ Վեհափառ Հայրապետը Շարժայի Ս. Գրիգոր Լուսաւորիչ եկեղեցւոյ օծումը, ինչպէս նաեւ ազգային Օհաննէսեան վարժարանի բացումը կատարած էր 1998 թւականին:
Նոյն երեկոյեան ազգային բարերար տէր եւ տիկին Հրայր Եւ Մագի Սողոմոնեաններ ճաշկերոյթով պատւեցին Վեհափառ Հայրապետը, որուն ներկայ գտնւեցան Արաբական Միացեալ Էմիրութեանց եւ Կատարի թեմի ազգային իշխանութեան անդամներն ու բարերարներ: Ճաշկերոյթին ներկայ էր նաեւ Արաբական Միացեալ Էմիրութեանց Հայաստանի Հանրապետութեան դեսպան՝ Գեղամ Ղարիբջանեանը:
Ճաշկերոյթի ընթացքին Վեհափառ Հայրապետը իր գնահատանքը յայտնեց կաթողիկոսական փոխանորդ Հայր Սուրբին գլխաւորութեամբ կազմակերպչական աշխուժ ընթացքին մէջ գտնւող թեմին: Ընդառաջելով ներկաներուն փափագին, Վեհափառ Հայրապետը նաեւ բացատրութիւններ տւաւ Թուրքիոյ Սահմանադրական դատարանին ու ապա Եւրոպայի Մարդկային իրաւանց դատարանի մօտ բացած Սիսի պատմական կաթողիկոսարանի վերադարձը պահանջող Մեծի Տանն Կիլիկիոյ կաթողիկոսութեան դատին մասին, նկատելով զայն ազգային պահանջատիրութեան ծիրէն ներս իրաւական առաջին քայլը:
Վեհափառ Հայրապետին Արաբական Միացեալ Էմիրութեանց երկօրեայ կեցութեան ընթացքին կաթողիկոսական փոխանորդ Հայր Սուրբը նաեւ Վեհափառ Հայրապետին զեկուցեց Կատարի հայ գաղութին առնչւած կազմակերպչական աշխատանքներու մասին: Վեհափառ Հայրապետը մայրավանք վերադարձաւ շաբաթ, 24 դեկտեմբերի 2016-ին»:

Յարակից Հրապարակումներ

  • Արամ Վեհափառը շնորհաւորել է Հանրապետութեան նախագահին
    Արամ Վեհափառը շնորհաւորել է Հանրապետութեան նախագահին

    Նախագահական ընտրութիւններում տարած համոզիչ յաղթանակի եւ նախագահի պաշտօնում վերընտրւելու կապակցութեամբ Մեծի Տանն Կիլիկիոյ Ն.Ս.Օ.Տ.Տ. Արամ Ա կաթողիկոսը շնորհաւորական գիր է յղել Հանրապետութեան նախագահա դոկտ. Հասան Ռոհանիին:

  • Ն.Ս.Օ.Տ.Տ. Արամ Ա կաթողիկոսն այցելել է Քուվէյթի նորակառոյց եկեղեցի
    Ն.Ս.Օ.Տ.Տ. Արամ Ա կաթողիկոսն այցելել է Քուվէյթի նորակառոյց եկեղեցի

    Արամ Ա Վեհափառ Հայրապետը Քուվէյթ ժամանելու յաջորդ օրը՝ մայիսի 16-ին, այցելել է տեղի նորակառոյց Սուրբ Վարդանանց եկեղեցի եւ Ազգային առաջնորդարան:

  • Արամ Ա կաթողիկոսն ընդունել է Լիբանանում առաքելութիւն իրականացնող հայ խաղաղապահներին
    Արամ Ա կաթողիկոսն ընդունել է Լիբանանում առաքելութիւն իրականացնող հայ խաղաղապահներին

    «Այսօր Հայաստանն ու Արցախը բազմաթիւ մարտահրաւէրների առջեւ են, ունեն բազում կարիքներ: Հայոց բանակը կոչւած է զօրեղ ու կենսունակ պահել հայրենիքը։ Փառք Աստծոյ, որ հայութիւնն ունի հզօր բանակ: Հայկական բանակի որակն արդիական սպառազինութիւն, մասնագիտական զէնքեր ունենալով չի բնորոշւում, այլ ծառայութեան ոգով, նւիրումով, հաւատքով, վճռականութեամբ եւ պարտականութեան գիտակցութեամբ»,- ասել է Վեհափառ Հայրապետը։ 

  • Մեծի Տանն Կիլիկիոյ Արամ Ա կաթողիկոսի ուղերձը՝ Շուշիի ազատագրման տօնի առթիւ
    Մեծի Տանն Կիլիկիոյ Արամ Ա կաթողիկոսի ուղերձը՝ Շուշիի ազատագրման տօնի առթիւ

    8 Մայիս 1992 թուականը մեր ժողովուրդի հաւաքական յիշողութեան մէջ արձանագրուած պիտի մնայ որպէս նոր Սարտարապատ՝ Շուշիի ազատագրութեամբ եւ մեր հերոս տղոց խիզախութեամբ նուաճուած։

    Անցան 25 տարիներ, սակայն Արցախի անկախութեան վերահաստատման մէջ ճակատագրական դեր ունեցած Շուշիի ազատագրումը իր յաւերժախօս պատգամով միշտ պիտի մնայ կենդանի մեր ժողովուրդի կեանքին մէջ։

  • Սիրիահայութեան վերականգնման համագումար՝ Անթիլիասի մայրավանքում
    Սիրիահայութեան վերականգնման համագումար՝ Անթիլիասի մայրավանքում

    Համագումարն, առիթ էր լսելու սիրիահայութեան վերականգնման հետ կապւած Վեհափառ Հայրապետի պատկերացումները, հոգեւոր պետերի ողջոյնի ու քաջալերանքի խօսքերը, ինչպէս նաեւ՝ սիրիահայութեան վերականգնման յանձնախումբի կողմից վերջին չորս ամիսների ընթացքում կատարւած նախապատրաստական աշխատանքների մասին զեկոյցը։ համագումարի ընթացքում տեղի ունեցաւ ընդհանուր քննարկում ու արժեւորում եւ ճշտւեց առաջիկայ ամիսներին կատարւելիք աշխատանքների առաջնահերթութիւնները, ընթացքն ու հանգրւանները։

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։