Հա

Հասարակական

Կիրակի, 08 Յունւարի 2017 10:20

Հալէպահայ երկու ընտանիքներ վերադարձել են Հալէպ

Հալէպում լոյս տեսնող «Գանձասար» պարբերականի խմբագիր Զարմիկ Պօղիկեանի փոխանցմամբ, վերջին շաբաթւայ ընթացքում քաղաք են վերադարձել հալէպահայ երկու ընտանիքներ:

«azatutyun.am» - Հալէպում լոյս տեսնող «Գանձասար» պարբերականի խմբագիր Զարմիկ Պօղիկեանի փոխանցմամբ, վերջին շաբաթւայ ընթացքում քաղաք են վերադարձել հալէպահայ երկու ընտանիքներ:
Թամար Պօղոսեանի ընտանիքը Լիբանանից է վերադարձել: «Ազատութեան» հետ հեռախօսազրոյցում հալէպահայ կինը փոխանցեց, թէ քաղաքում խաղաղ է, «վիճակը շատ լաւ է»:
Պօղոսեանների ընտանիքը երկուսուկէս ամիս առաջ, երբ Հալէպը վերածւել էր Սիրիայի կառավարական զօրքերի եւ զինեալների բախումների թատերաբեմ, տեղափոխւել էր Լիբանան, որտեղից մտադիր էին մեկնել Կանադա, սակայն, լսելով, որ վիճակը Հալէպում կարգաւորւում է, որոշել են յետ վերադառնալ:
Թամար Պօղոսեանը ոգեւորութեամբ պատմեց, որ Վիլլաներ կոչւող թաղամասի իրենց տունն անվնաս վիճակում է. «Կարեւորն իմ տունիս մէջն եմ, հանգիստ եմ: Ատի ամենամեծ բանն է արդէն»:
Նա վերյիշում է երկուսուկէս ամիս առաջւայ Հալէպն ու ուրախութեամբ յաւելում՝ Հալէպը խաղաղ են գտել. «Այո, փառք Տիրոջ, շատ խաղաղ է Հալէպում հիմա։ Յուսամ՝ աս ձեւով շարունակւի»։
Հալէպից հեռանալուց առաջ Թամար Պօղոսեանն ուսուցչուհի էր աշխատում, ամուսինը ոսկերիչ է։ Կարծում է, որ կը կարողանայ վերականգնել աշխատանքը, իսկ ամուսինն արդէն սկսել է աշխատել։
Ընտանիքը մեծ յոյսեր ունի, որ աստիճանաբար հայրենի Հալէպը նախկինը կը դառնայ նաեւ իրենց՝ հալէպահայերի շնորհիւ։
«Գանձասար»-ի խմբագիր Զարմիկ Պօղիկեանը «Ազատութեան» հետ հեռախօսազրոյցում փոխանցեց նաեւ, որ տեղի իշխանութիւնները սկսել են քաղաքը վերականգնելու ծրագիր մշակել: Համայնքային կառոյցների եւ հայերի բնակարանների վերականգնման ծրագրերի քննարկմանը մասնակցում են հայկական համայնքի ներկայացուցիչները:

Յարակից Հրապարակումներ

  • Հալէպում այս պահի դրութեամբ բնակւում է մօտ 20 հազար հայ
    Հալէպում այս պահի դրութեամբ բնակւում է մօտ 20 հազար հայ

    Բերիոյ թեմի տւեալների համաձայն` Հալէպում այս պահի դրութեամբ բնակւում է մօտ 20 հազար հայ:
    Այս մասին սիրիահայերի հիմնախնդիրները համակարգող միջգերատեսչական յանձնաժողովի հերթական նիստին ասել է ՀՀ արտաքին գործերի նախարարի տեղակալ Արմէն Պապիկեանը:

  • Սիրիական բանակը Հալէպում նոր յաղթանակներ է գրանցել
    Սիրիական բանակը Հալէպում նոր յաղթանակներ է գրանցել

    Սիրիայի հրամանատարութիւնը հանդէս է եկել յայտարարութեամբ՝ հաստատելով, որ սիրիական բանակն իր վերահսկողութեան տակ է վերցրել Հալէպի հիւսիսարեւելեան ծայրամասերի 32 աւան, որոնք գտւում էին ԴԱԷՇ ահաբեկչական խմբաւորման ձեռքում:

  • 5 տարի դադարից յետոյ, առաջին ֆուտբոլային հանդիպումը՝ Հալէպում
    5 տարի դադարից յետոյ, առաջին ֆուտբոլային հանդիպումը՝ Հալէպում

    Հալէպցի ֆուտբոլասէր երկրպագուները 5 տարի դադարից յետոյ, Հալէլպում հնարաւորութիւն ունեցան դիտելու «Ալ էթեհադ» եւ «Ալ հուռիէ» թիմերի բարեկամական հանդիպումը:

  • Հալէպում հայ զինւոր է զոհւել
    Հալէպում հայ զինւոր է զոհւել

    Սիրիայի Հալէպի նահանգի գիւղերից մէկում յունւարի 22-ին զոհւել է հայ զինծառայող Ժան Քորաջեանը: Այս մասին տեղեկացնում է «Գանձասար»-ը:

  • Հալէպը պատերազմից յետոյ վերականգնւում է
    Հալէպը պատերազմից յետոյ վերականգնւում է

    Սիրիայի հայաշատ Հալէպ քաղաքն ազատագրումից յետոյ հետզհետէ վերադառնում է իր բնականոն կեանքին: Ճիշտ է, այն գրեթէ ամբողջովին աւերւած է ու վերացած իր նախկին վիճակից, կան ջրի, հոսանքի հետ կապւած դժւարութիւններ, սակայն Հալէպի վերաշինութեան ծրագրերն արդէն պատրաստ են:

Ամենաշատ ընթերցւած

Քւէարկութիւն

Ինչպէ՞ս կազդի ԼՂՀ-ի սահմանադրութեան հանրաքւէն Արցախի միջազգային ճանաչման գործընթացի վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։