Հա

Հասարակական

Չորեքշաբթի, 15 Մարտի 2017 11:20

Ստեփանակերտում նոր յուշահամալիր է կառուցւում

Ստեփանակերտի Հայկաւան թաղամասում՝ Կրկժանի հարեւանութեամբ՝ պատերազմի տարիներից յայտնի «Կոբրա» անունով բլրի վրայ, հայ ազգի գոյատեւման պայքարի զոհերի յիշատակին նոր ու ժամանակակից յուշահամալիր է կառուցւում:

«alikonline.com» - Ստեփանակերտի Հայկաւան թաղամասում՝ Կրկժանի հարեւանութեամբ՝ պատերազմի տարիներից յայտնի «Կոբրա» անունով բլրի վրայ, հայ ազգի գոյատեւման պայքարի զոհերի յիշատակին նոր ու ժամանակակից յուշահամալիր է կառուցւում:

«Արցախպրես»-ի թղթակցի հետ զրոյցում յուշահամալիրի շինարարական աշխատանքներ իրականացնող «Կոբրա» ՓԲ ընկերութեան տնօրէն Արմէն Առստամեանն ասել է, որ այն կառուցւում է ծննդով արցախցի, պատերազմի մասնակից, մոսկւայաբնակ բարերար Սիմոն Պետրոսեանի մտահղացմամբ եւ օժանդակութեամբ:

«Ստեփանակերտի գրեթէ բոլոր հատւածներից երեւացող այս համալիրում շինարարական աշխատանքներն ընթանում են 2007 թւականից: Ընդհանուր առմամբ, համալիրն՝ իր օժանդակ կառոյցներով, զբաղեցնում է մօտ 3000 քառ./մ տարածք: Ծաւալատարածական կառուցւածքով այն խաչաձեւ է, իսկ խաչի թեւերը իրենցից ներկայացնում են եռանկիւն կտրւածքով սիւնաշարեր: Հատման կենտրոնում էլ վեր է խոյանալու յուշակոթող: Ջրի հոսքի համար, կառուցւելու է կասկադ, այնտեղից հոսելու է դէպի փոքր ջրաւազաններ: Յուշակոթողը մօտ 20 մետր բարձրութիւն ունեցող զարդաքանդակներով 2 կոթողներ ունի: Նախատեսւում է դրանց արանքում կառուցել պատեանի մէջ պահւած թուր, ինչը խորհրդանշում է, որ հայ ժողովուրդը յաղթանակած թուրը դրել է պատեան, բայց պատրաստ է վտանգի պահին այն նորից հանելու: Յուշահամալիրի տարածքում նաեւ զբօսայգի է լինելու` քարէ նստարաններով, ծաղկանոցներով, շւաքարան-տաղաւարներով: Յուշահամալիրը երկու գլխաւոր մուտք ունի. առաջինը՝ Հայկաւան թաղամասից, երկրորդը` Կրկժանի կողմից:

Ուրախալին այն է, որ ամէն բան յարմարեցւած է սահմանափակ կարողութիւններով մարդկանց ազատ տեղաշարժը ապահովելուն: Համալիրի տարածքի, առաջին եւ երկրորդ յարկերում, առանձին մուտքերով կառուցւում է ռեստորանային համալիր, հարաւարեւելեան կողմից` հիւրանոց: Հիմնական աշխատանքներն աւարտւած են. արդէն սկսւել են ներքին յարդարման աշխատանքները: Ամենագլխաւորը՝ համալիրն իր ճարտարապետական կառոյցներով, եւ աշխարհագրական դիրքով որեւէ այլ կառոյցի չի կրկնում,- մանրամասնել է Ա. Առստամեանը՝ յավելելով,- յիրաւի, այս յուշահամալիրը հայ ժողովրդի յարատեւութեան եւ անցեալի յիշողութեան իւրօրինակ խորհրդանիշ է դառնալու»:

Յարակից Հրապարակումներ

Ամենաշատ ընթերցւած

Քւէարկութիւն

«Մեղրի» ԱՏԳ-ն ինչպէ՞ս կազդի Իրան-Հայաստան տնտեսական յարաբերութիւնների զարգացման վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։