Հա

Հասարակական

Հինգշաբթի, 06 Ապրիլի 2017 12:00

Թալիշ. Արցախի «Հիւսիսային դարպասները» վերականգնւում են

Արցախի Թալիշ գիւղը, որը ամենաշատն է տուժել 2016-ի ապրիլի 2-ին Ադրբեջանի ծաւալած ագրեսիայից, կը վերականգնւի ու կը բնակեցւի։ 

Գիւղի վերականգնման գլխաւոր ծրագիրը հաստատւել է ու աստիճանաբար իրացւում է։ Գիւղի մուտքի մօտ հիւրերին դիմաւորում է աղբիւրը՝ հայկական գիւղերի հնամենի խորհրդանիշը։ 

«alikonline.ir» - Արցախի Թալիշ գիւղը, որը ամենաշատն է տուժել 2016-ի ապրիլի 2-ին Ադրբեջանի ծաւալած ագրեսիայից, կը վերականգնւի ու կը բնակեցւի։ Տեղեկացնում է «news.am»-ը:

Գիւղի վերականգնման գլխաւոր ծրագիրը հաստատւել է ու աստիճանաբար իրացւում է։ Գիւղի մուտքի մօտ հիւրերին դիմաւորում է աղբիւրը՝ հայկական գիւղերի հնամենի խորհրդանիշը։ Այդ աղբիւրը վերջերս է կառուցւել եւ ծրագրւում է, որ ապագայում կը դառնայ վայր, որտեղ երեկոյեան կը հաւաքւեն գիւղացիները։ Գլխաւոր ճանապարհից մի փոքր հեռւում գտնւում է գիւղապետարանը։ Հարեւանութեամբ ակտիւօրէն կառուցւում է հանդիսաւոր արարողութիւնների սրահը։

Թալիշ գիւղում Արցախի Հանրապետութեան կառավարութեան լիազօր ներկայացուցիչ Լեւոն Ապրեսեանի խօսքով՝ գլխաւոր ծրագրի համապատասխան ծրագրւում է ժամանակակից բնակարանների կառուցումը մօտ 120 ընտանիքների համար՝ ապաստանների առկայութեամբ։ Ըստ պահանջարկի աճի՝ բնակարանների քանակը կը մեծանան։ Տների կառուցումը նախատեսւում է սկսել մօտ ապագայում։

«Թալիշի բնակչութիւնը ստիպւած է եղել շատ բաների միջով անցնել, գոյք կորցնել։ Նրանք պէտք է պետութեան հոգատարութիւնը զգան»,- նշել է Ապրեսեանը։

Գիւղի տներում էլեկտրականութիւն կայ, ճանապարհի շինարարութիւն է ընթանում։ Լուծւում է տների ջրամատակարարման հարցը։

«Մարդիկ չեն լքել տները։ Ճիշտ է, մեծամասամբ կանայք ու երեխաները մշտապէս գիւղում չեն ապրում, սակայն պարբերաբար գալիս են, հետեւում տնամերձ հողամասերին»,- ասել է Լեւոն Ապրեսեանը։ Նախկինում գիւղացիները զբաղւում էին անասնաբուծութեամբ, պահում էին ոչխարներ ու խոշոր եղջերաւոր անասուններ, ցորեն էին աճեցնում։

Սակայն այստեղ, ինչպէս սահմանամերձ գիւղերի մեծ մասում, հողի մշակման խնդիր է ծագում՝ հակառակորդի պարբերաբար գնդակոծութիւնների պատճառով։ «Ստացւում է, որ մօտաւորապէս մօտ 1.5 հազար հա. ոռոգելի հողատարածքից գիւղացիները կարող են օգտագործել մէկ երրորդը»,- նշել է Ապրեսեանը։

Մինչ ապրիլեան իրադարձութիւնները գիւղում մօտ 140 ընտանիք էր բնակւում։

«Թալիշը մեր «հիւսիսային դարպասն» է, եւ մենք պատրաստւում ենք լիարժէքօրէն վերականգնել այն։ Մտադիր ենք աւելի շատ բնակիչների ներգրաւել։ Ծրագրերում կայ նաեւ ֆաբրիկայի կառուցում, գիւղատնտեսական տարբեր ոլորտների զարգացում»,- նշել է Արցախի Հանրապետութեան կառավարութեան ներկայացուցիչը։

Յարակից Հրապարակումներ

  • ՀՅԴ Հայ Դատի գրասենեակի ջանքերով 10 օրւայ ընթացքում` 38 հանդիպում
    ՀՅԴ Հայ Դատի գրասենեակի ջանքերով 10 օրւայ ընթացքում` 38 հանդիպում

    «Արտասահմանեան 3 այցելութիւն եմ ունեցել, որոնցից 2-ը կազմակերպւել է Հայ Դատի կառոյցների կողմից՝ 2016 թւականին Եւրոպա եւ 2017 թւականին ԱՄՆ»,- ասաց Ռուբէն Մելիքեանը՝ ներկայացնելով ԱՄՆ այցելութեան ընթացքն ու արդիւնքները: ՀՅԴ Հայ Դատի գրասենեակների ջանքերով 10 օրւայ ընթացքում 38 հանդիպում էր կազմակերպւել բուհերի ուսանողների, իրաւապաշտպանների, Սփիւռքի կառոյցների եւ լրագրողական շրջանակների հետ:

  • Ինչու են Ֆրանսիայի նախագահի պաշտօնի թեկնածուները Հայաստանին «վերադարձնում» Արցախը
    Ինչու են Ֆրանսիայի նախագահի պաշտօնի թեկնածուները Հայաստանին «վերադարձնում» Արցախը

    Բանն այն է, որ թէ՛ Լը Պէնի եւ թէ՛ Ֆիոնի այս յայտարարութիւնների նպատակը բաւականին կազմակերպւած, ազգային ընդգծւած դիմագիծ ունեցող հայկական համայնքի համակրանքը շահելն է: Թեկնածուների միջեւ մրցակցութիւնն այնքան սուր է, իսկ ընտրութիւնների արդիւնքներն` այնքան անկանխատեսելի, որ նրանցից իւրաքանչիւրը կենաց-մահու կռիւ է տալիս իւրաքանչիւր քւէի համար:

  • Ֆրանսուա Ֆիոն. «Ադրբեջանը 2016-ի ապրիլին փորձեց ուժով գրաւել ԼՂ-ն»
    Ֆրանսուա Ֆիոն. «Ադրբեջանը 2016-ի ապրիլին փորձեց ուժով գրաւել ԼՂ-ն»

    «Այսօր բոլոր ֆրանսահայ համաքաղաքացիներն անհանգիստ են, եւ ես նոյնպէս, որովհետեւ ԼՂ տարածաշրջանը վառոդով տակառ է: Չմոռանանք, որ Լեռնային Ղարաբաղի ճգնաժամը Ստալինի մեղաւորութիւնն է, ով 1921-ին կամայականօրէն անջատել է այն Հայաստանից յօգուտ Ադրբեջանի: Այժմ չկայ այլ ընտրութիւն, քան ՄԱԿ-ի միջոցով գտնել խաղաղ եւ երկարատեւ լուծում»,- ասել է Ֆիոնը:

  • Ֆրանսիա-Արցախ բարեկամութեան շրջանակ. «Արցախի միջազգային ճանաչումը Հարաւային Կովկասում խաղաղութեան գրաւականն է»
    Ֆրանսիա-Արցախ բարեկամութեան շրջանակ. «Արցախի միջազգային ճանաչումը Հարաւային Կովկասում խաղաղութեան գրաւականն է»

    «Արցախի միջազգային ճանաչումը Հարաւային Կովկասում խաղաղութեան գրաւականն է»,- կարծում է Ֆրանսիա-Արցախ բարեկամութեան շրջանակը:

  • Արթուր Մկրտչեանի յիշատակի օրը
    Արթուր Մկրտչեանի յիշատակի օրը

    «Իմ կարծիքով` Արթուր Մկրտչեանը փորձեց բարոյականութիւնը բերել քաղաքականութիւն եւ դա շատ բնական ձեւով արեց, քանի որ Արցախեան շարժումը բարոյական շարժում էր իր էութեամբ»,- Արթուր Մկրտչեանի մասին ասաց Արմէն Սարգսեանը

    «alikonline.ir»- Այսօր`ապրիլի 14-ին լրանում է Արցախի Գերագոյն խորհրդի առաջին նախագահ Արթուր Մկրտչեանի մահւան 25-րդ տարելիցը: Տեղեկացնում է «aparaj.am»-ը:

    Այդ առիթով ՀՅԴ Արցախի Կենտրոնական կոմիտէի անդամները, Արթուր Մկրտչեանի կուսակցական ընկերներն ու հարազատները ինչպէս նաեւ Արցախի քաղաքացիներ ծաղիկներ խոնարհեցին նրա յուշաքարին:

    Ի՞նչ քաղաքական մշակույթ իր հետ բերեց Արթուր Մկրտչեանը: Այս հարցով դիմեցինք Արցախի խորհրդարանի ՀՅԴ խմբակցութեան ղեկավար Արմէն Սարգսեանին: «Իմ կարծիքով` Արթուր Մկրտչեանը փորձեց բարոյականութիւնը բերել քաղաքականութիւն եւ դա շատ բնական ձեւով արեց, քանի որ Արցախեան շարժումը բարոյական շարժում էր իր էութեամբ»,- ասաց նա:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։