Հա

Հասարակական

Ուրբաթ, 07 Ապրիլի 2017 18:10

ՀՅԴ Հայաստանի ԳՄ-ի ուղերձը. «Հազարամեակներով դուք էք եղել մեր պատւարը՝ իբրեւ հայ ընտանիքի ամրութեան, ազգային արժէքների մնայուն հիմնաքար»

Դուք պատասխանատւութեամբ եւ պատւով էք կրել նոր սերունդների հայեցի կրթման առաքելութիւնը, Դուք էք պարգեւում իրենց կեանքն անմնացորդ մեր երկրի եւ ժողովրդի յարատեւութեան զոհասեղանին դնող առիւծ զաւակներ: Խոնարհւում ենք Ձեր առջեւ, հերոսների հերոս մայրեր ու քոյրեր:

Սիրելի՛ մայրեր, քույրեր,

Շնորհաւորում ենք  Մայրութեան եւ գեղեցկութեան օրւայ կապակցութեամբ:
Հազարամեակներով դուք էք եղել մեր ինքնութեան, ազգային գիտակցութեան ժառանգականութեան ապահովման, մեր լինելութեան հիմնական կրողներն ու պատւարը՝ իբրեւ հայ ընտանիքի ամրութեան, ազային արժէքների մնայուն հիմնաքար:

Դուք պատասխանատւութեամբ եւ պատւով էք կրել նոր սերունդների հայեցի կրթման առաքելութիւնը, Դուք էք պարգեւում իրենց կեանքն անմնացորդ մեր երկրի եւ ժողովրդի յարատեւութեան զոհասեղանին դնող առիւծ զաւակներ: Խոնարհւում ենք Ձեր առջեւ, հերոսների հերոս մայրեր ու քոյրեր:

Հանրային կեանքի բոլոր ոլորտներում ունենալով ինքնադրսեւորման հնարաւորութիւն՝ Դուք նպաստ էք բերում երկրի զարգացմանը, անվտանգութեան ապահովմանը՝ սահմանելով բարոյական ու համամարդկային չափանիշներ: 
Այս տօնը Սուրբ Աստւածածնի աւետման խորհուրդն ունենալով՝ բխում է մայր հասկացութեան սրբացման մեր ազգային զգացումներից ու ընկալումներից: Հասկացութիւն, որ արտայայտում է նոր սկզբի, կեանքի յարատեւութեան,  բարութեան ու ջերմութեան անսահմանութիւնը:

Դուք ձեր նւիրմամբ, խորաթափանացութեամբ ու համարձակութեամբ իմաստաւորում ու գունազարդում էք մեր կեանքը:

Մաղթում ենք սէր, ներքին ներդաշնակութիւն, կանացի երջանկութիւն: Ընտանիքում, անձնական կեանքում եւ հանրային գործունէութեան մէջ իբրեւ կին, իբրեւ մարդ, իբրեւ քաղաքացի՝ ամբողջովին իրացւած եւ գնահատւած լինելու գոհութիւն:

Հայ Յեղափոխական Դաշնակցութեան
Հայաստանի Գերագոյն Մարմին

Յարակից Հրապարակումներ

Ամենաշատ ընթերցւած

Քւէարկութիւն

Խորհրդարանը կը վստահի՞ արդեօք 12-րդ կառավարութեան կազմին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։