Հա

Հասարակական

Երկուշաբթի, 10 Ապրիլի 2017 09:40

Հայաստանը գրաւել է Հարւարդի ուսանողին, կամ Քարդաշեան քոյրերի ազդեցութիւնը

Հարւարդի ուսանող, չինացի Մայքլ Հէն արդէն մի տարուց աւելի է՝ «YouTube»-ում եւ ֆէյսբուքեան իր էջում տարբեր տեսահոլովակներ է տեղադրում Հայաստանի մասին։ Նա նոյնիսկ Հայաստանի առանձին քաղաքներին նւիրւած շարք ունի։ Ինքն իր մասին Մաքըլը գրում է՝ «Armenia Enthusiast and occasional TV Actor!»։ 

«alikonline.ir» - Չինացի Մաքըլ Հէի տեսահոլովակները Հայաստանի մասին բազմամիլիոնաւոր դիտումներ են հաւաքում սոցիալական կայքերում, իսկ ինտերնետի հայ օգտատէրերը ամբողջ աշխարհով մէկ ակտիւ արձագանգում են։ 

Հարւարդի ուսանող, չինացի Մայքլ Հէն արդէն մի տարուց աւելի է՝ «YouTube»-ում եւ ֆէյսբուքեան իր էջում տարբեր տեսահոլովակներ է տեղադրում Հայաստանի մասին։ Նա նոյնիսկ Հայաստանի առանձին քաղաքներին նւիրւած շարք ունի։ Ինքն իր մասին Մաքըլը գրում է՝ «Armenia Enthusiast and occasional TV Actor!»։ 

Մայքըլի գրառումները համացանցում մեծ պահանջարկ ունեն, յատկապէս հայ օգտատէրերի շրջանում, եւ դա պատահական չէ՝ գունեղ ռեպորտաժները ուղեկցւում են հետաքրքիր տեղեկութիւններով եւ հեղիկանի մեկնաբանութիւններով։ Պէտք է խոստովանել, որ ոչ բոլոր հայերը գիտեն իրենց հայրենիքն այնպէս, ինչպէս այն ուսումնասիրել է չինացի երիտասարդը։ 

Մայքըլը պատմել է, որ Հայաստանի մասին իմացել է իր հայ ընկերոջից՝ դեռ առաջին կուրսում։ «Հիմա ես աւարկատան կուրսում եմ սովորում, Հարւարդի համալսարանում տնտեսագիտութիւն եմ ուսումնասիրում։ Հայաստանի մասին իմացայ ընկերոջիցս։ Այն բանից յետոյ, որբ Քարդաշեան քոյրերը եկան Հայաստան, ես յայտնաբերեցի, որ համալսարանում ստաժաւորման ծրագիր է գործում, որի միջոցով կարելի է երկու ամիս աշխատել Հայաստանում»,- ասել է Մայքըլը։ Սերդար Քորուջուն` Արցախում Հայաստանն ու Արցախը` թուրք լրագրողի աչքերով յետոյ, չինացու խօսքով, նա մեծ քանակութեամբ յօդւածներ կարդաց, բազմաթիւ նկարներ նայեց եւ որոշեց մեկնել հինաւուրց երկիր։ 

«Բոլոր հայերը, որոնց ես հանդիպում էի, շատ բարի ու սիրալիր էին։ Նրանց շնորհիւ Հայաստանում գտնւելը ինձ համար շատ յարմարաւէտ էր ու հաճելի»,- նշում է Հարւարդի ուսանողը։ Հետաքրքիր է, որ նրա Հայաստան ճանապարհորդութեան մասին պատմութեամբ սոցցանցում կիսւել է ամերիկեան հեռուստաաստղ Քլոէ Քարդաշեանը, ֆէյսբուքեան իր էջում գրելով՝ «Իմ սիրելի երկրպագու Մայքլը կիսւեց ինձ հետ Հայաստանով իր հիանալի ճանապարհորդութեան պատմութեամբ»։ Հարւարդի ուսանողը ոչ միայն տուրիստական հոլովակներ է նկարահանում ու պատմում Հայաստանի տեսարժան վայրերի մասին, այլ նաեւ ակտիւօրէն տեղեկութիւններ է տարածում 1915 թւականի Հայոց Ցեղասպանութեան մասին։ «Մինչ Հայաստան գալս ես ոչինչ չէի լսել Օսմանեան կայսրութիւնում Հայոց Ցեղասպանութեան մասին։ Ես չափազանց զարմացած էի, որ այդքան մարդկանց դաժան սպանութիւնների մասին քիչ մարդ գիտի, յատկապէս, եթէ համեմատենք, թէ քանիսն են տեղեակ Հոլոքոստի մասին»,- ասում է Մայքլը։ Նա յատուկ ուշադրութիւն է դարձնում մարդկութեան դէմ ոճրագործութիւններին։ 

Դրանց թւում է Նանկինի կոտորածը․ երբ ճապոնական զինւորները հարիւր հազարաւոր չինացի են սպանել Նանկին քաղաքում։ Մայքըլը կարծում է, որ պէտք է յիշել այդպիսի իրադարձութիւնների մասին եւ «մեր պարտականութիւնն է՝ որպէս աշխարհի քաղաքացի, քննարկել այնպիսի իրադարձութիւններն, ինչպիսին են Հայոց Ցեղասպանութիւնն ու Նանկինի կոտորածը»։

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։