Հա

Հասարակական

Երկուշաբթի, 10 Ապրիլի 2017 15:00

Անգինէ Մարգարեան. «Նրանք կը յաղթահարեն մեր ճիշտ դաստիարակութեամբ»

Մարմնամտային խանգարումներով անձանց խնդիրների ընթացքը մեղմելու լաւագոյն տարբերակն՝ նրանցից իւրաքանչիւրին մասնագիտական եւ անհատական ճիշտ մօտեցում ցուցաբերելն է: Այդ իսկ նպատակով էլ շուրջ 19 տարի առաջ հիմնւեց «Ակունք» կենտրոնը: 

Արդէն 19 տարի է, ինչ «Ակունք»-ը աշխատում է որպէս մարմնամտային խանգարումներ ունեցող անձանց կենտրոն: Սկզբում կենտրոնն իր աշխարանքը սկսել է 6 ընտանիքի նախաձեռնութեամբ:

«alikonline.ir» - Համայնքում այսօրւայ դրութեամբ կան 32 անձինք, որոնք ունեն մարմնամտային խանգարումներ: Հնարաւոր է, որ համայնքում ապրում են նման խնդիր ունեցող աւելի շատ անձինք, որոնց կարգավիճակը տարբեր պատճառներով պարզ չէ: Թէեւ «Դաուն»-ի համախտանիշ ունեցող երեխաների նկատմամբ դրականօրէն փոխւում է հասարակութեան վերաբերմունքը, այդուհանդերձ դեռ պահպանւում են խնդիրները այդ երեխաների զարգացման, հասարակութիւնում ներգրաււելու եւ կրթութիւն ստանալու կապակցութեամբ: 

Մարմնամտային խանգարումներով անձանց խնդիրների ընթացքը մեղմելու լաւագոյն տարբերակն՝ նրանցից իւրաքանչիւրին մասնագիտական եւ անհատական ճիշտ մօտեցում ցուցաբերելն է: Այդ իսկ նպատակով էլ շուրջ 19 տարի առաջ հիմնւեց «Ակունք» կենտրոնը: 

Արդէն 19 տարի է, ինչ «Ակունք»-ը աշխատում է որպէս մարմնամտային խանգարումներ ունեցող անձանց կենտրոն: Սկզբում կենտրոնն իր աշխատանքը սկսել է 6 ընտանիքի նախաձեռնութեամբ: Դասընթացներն անցկացւել են տներում: 

Երեք տարի անց, Թ. Հ. Թ. առաջնորդ Տ. Սեպուհ արք. Սարգսեանի առաջարկով եւ ժամանակի Թեմական խորհրդի վաւերացմամբ, ներկայ շէնքը տրամադրւել է կենտրոնին: Աշխատանքը սկսւել է 6 աշակերտով իսկ այժմ կենտրոնին անդամակցում են 32 աշակերտներ: 

«Ակունք» կենտրոնը զբաղւում է տարբեր աշխատանքներով, արդէն 8 տարի է ինչ համագործակցում է հայկական դպրոցների հետ: «Ակունք»-ը օժանդակում է նաեւ դպրոցներում սովորող այն աշակերտներին, որոնք ունեն նմանատիպ խնդիրներ: Ձեզ ենք ներկայացնում մեր զրոյց՝ մարմնամտային խանգարումներ ունեցող անձանց օժանդակող «Ակունք» կենտրոնի տնօրէն Անգինէ Մարգարեանի հետ։

 

-Ի՞նչ ծառայութիւններ է մատուցում կենտրոնը:

-Կենտրոնը լայնածաւալ աշխատանքներ է տանում: Աշակերտները ուսանում են ըստ բացառիկ ուսումնադաստիարակչական կենտրոնի ծրագրի: Մեզ մօտ են ժամանում նաեւ ուսումնադաստիարակչական կենտրոնի ուսուցիչները, որոնք «Ակունք»-ի դաստիարակների համար յատուկ կրթական չափորոշիչների կիրառման դասընթացներ են կազմակերպում, նաեւ ուսուցիչների վերապատրասման կուրսեր են անցկացւում: Կենտրոնը զբաղւում է երեք հիմնական գլուխներով «Լոկոպեդիա», «աշխատանքային թերապիա» (کار درمانی), «ֆիզոթերապիա»:

Կենտրոնում յատուկ ուշադրութիւն է դարձւում «արհեստանոց»-ի աշխատանքներին, որտեղ աշակերտները ըստ իրենց կարողութիւնների եւ տւեալների զբաղւում են արհեստանոցի տարբեր աշխատանքներով: Պարապում ենք նաեւ պար, երաժշտութիւն, երգ, թատրոն: Կազմակերպւում է հաճոյական զանազան ծրագրեր:

 

-Կենտրոնն ինչպէ՞ս է նպաստում ընտանիքներին յաղթահարելու խնդիրները եւ թօթափելու իրավիճակի պատճառով ստեղծւած հոգեբանական բարդոյթները:

-Բնականաբար նման զաւակ ունեցողները ունենում են տարբեր դժւարութիւններ: Հիմնականում միայն անհատը չէ, որ դժւարութեան մէջ է: Անգամ, կասէի, ընտանիքը աւելի ծանր հոգեվիճակում է: Ընտանիքները յաճախ ունենում են դեպրեսիաներ, որի համար էլ կենտրոնը առաջարկում է հարկ եղած թերապիաները եւ օգնութիւն է ցուցաբերում հնրաւորութիւնների սահմաններում:

 

-Ունէք արդեօ՞ք վիճակագրական տւեալներ, որը կը ներկայացնի համայնքում ապրող այն անձանց թւի մասին ովքեր տներում են եւ ունենալով խնդիրներ չեն անդամակցում կենտրոնին:

-Չունենք յստակ վիճագրական պատկեր: Սակայն պէտք է ընդգծեմ, որ կենտրոնը միայն ընդունում է այն աշակերտներին, որոնց հնարաւոր է օգնութիւն ցուցաբերել: Կան նաեւ ընտանիքներ, որոնք հրաժարւում են «Ակունք»-ից եւ դիմում են պարսկական կենտրոններ: Ոմանք էլ չեն ցանկանում իրենց զաւակներին հանրային կեանքի մասնակից դարձնել, եւ նրանց չեն ուղղորդում «Ակունք»: Այդ ամէնից յետոյ պէտք է ասեմ, որ վերջին ժամանակներում այս հարցով նկատելի է որոշակի դրական տեղաշարժ: Համայնքի կողմից բարի վերաբերմունքի դրսեւորում է նկատւում: Ծնողներն էլ, գիտակցում են որ վանող մօտեցում չկայ յատկապէս նոր սերնդի կողմից:

 

-Ըստ Ձեզ՝ ծնողները ինչպէ՞ս պէտք է վարւեն այս պարագայում:

-Ես 17 տարի է ինչ «Ակունք»-ում եմ: Սիրահարւած եմ աշխատանքիս, 20 անգամ էլ ծնւեմ նորից կընտրեմ այս մասնագիտութիւնը: Սակայն, պէտք է ասեմ, որ սա շատ դժւար հարց է: Անգամ ես չեմ կարող պատասխանել այս հարցին: Այդուհանդերձ պէտք է նշեմ, որ համայնքն է ինչ ճշտում է ծնողի վերաբերմունքը: Ծնողներին պէտք չեն խղճահարութեան զգացումներ: Մենք պէտք է ճիշտ դաստիարակւենք, որպէսզի չխանգարենք այս ընտանիքներին: Երեւի այս բոլորն էլ կօգնի ծնողներին դժւարութիւնները յաղթահարելու ուղղութեամբ:

 

-Ի՞նչ դժւարութիւնների դիմաց էք կանգնած:

-Մեր ամենակարեւոր դժւարութիւնը նիւթականի խնդիրն է: Չնայած կենտրոնի մասնաւոր լինելու հանգամանքին՝ որոշ ծառայութիւններ կատարւում են Թեմական խորհրդի միջոցով: Բարեբախտաբար տարածքի համար գումար չենք վճարում: Դա մեզ է տրամադրել Թեմական խորհուրդը: Յաճախ շինարարական աշխատանքներում մեզ օժանդակում է շինարարական յանձնախումբը: Սակայն, «Ակունք»-ի բոլոր ծախսերը ինքնաբաւ են: Մեր կազմակերպութիւնը գրանցւած չէ եւ չի սուբսիդաւորւում կառավարութեան կողմից: Ծախսերը շատ բարձր են: Հիմնականում մեզ համայնքն է օգնում:

Զրոյցը՝ ՍԻՒՆԷ ՖԱՐՄԱՆԵԱՆԻ

Յարակից Հրապարակումներ

  • «Ակունք» կենտրոնի աշխատակազմն՝ ազգային առաջնորդարանում
    «Ակունք» կենտրոնի աշխատակազմն՝ ազգային առաջնորդարանում

    2016-ի դեկտեմբերի 27-ի առաւօտեան, թեմիս առաջնորդ Տ. Սեպուհ արք. Սարգսեանն, առաջնորդարանի իր գրասենեակում, ընդունեց «Ակունք» մարմնա-մտային խանգարումներով երեխաների կենտրոնի աշխատակազմի ներկայացուցիչներին:

  • Մեկնարկել է «Ակունք» կենտրոնի Ամանորի ցուցահանդէս-վաճառքը
    Մեկնարկել է «Ակունք» կենտրոնի Ամանորի ցուցահանդէս-վաճառքը

    Երէկ՝ դեկտեմբերի 7-ի երեկոյեան, Մարմնա-մտային խանգարումներով հայ երեխաներին ու պատանիներին օժանդակող «Ակունք» կենտրոնի կենտրոնատեղիում եւ Հայ կանանց եկեղեցասէր միութեան սրահում բացումը կատարւեց Ամանորի առիթով կազմակերպւած ցուցահանդէս-վաճառքի, ձեռամբ՝ Թ. Հ. թեմի առաջնորդ Տ. Սեպուհ արք. Սարգսեանի:

  • Այցելութիւն «Ակունք» կենտրոն եւ «Վաչէ Յովսէփեան» համալիրում ժամանակաւոր ապաստան գտած սիրիահայերին
    Այցելութիւն «Ակունք» կենտրոն եւ «Վաչէ Յովսէփեան» համալիրում ժամանակաւոր ապաստան գտած սիրիահայերին

    Դպրոցներին եւ կրթական հաստատութիւններին տւած իր տարեկան այցելութիւնների շարանում Տ. Սեպուհ արք. Սարգսեանը ընկերակցութեամբ առաջնորդական փոխանորդ Տ. Մակար եպս. Աշգարեանի եւ Քրիստոնէական դաստիարակութեան բաժանմունքի վերակացու Շաքէ Եղիայեանի, այցելեց Ս. Աստւածածնի երբեմնի մայր եկեղեցու շրջափակում գործող «Ակունք» կենտրոն:

  • Այցելութիւն՝ Սրբազան Հօր
    Այցելութիւն՝ Սրբազան Հօր

    Երեքշաբթի, հոկտեմբերի 25-ի առաւօտեան, թեմիս առաջնորդ՝ Տ. Սեպուհ արք. Սարգսեանին այցելեցին Ոստիկանութեան հանգստի կոչւած գլխաւոր ասպետ եւ ներկայ Աստւածաբանութեան դասախօս՝ պրն. Ջալալւանդը եւ Աշուրայի կամփէյնի աւագ քարտուղար՝ Սէյէդ Ղասեմ Միրնաբին:

  • Զեկոյց՝ «Արտակ Մանուկեան» թանգարանից
    Զեկոյց՝ «Արտակ Մանուկեան» թանգարանից

    «Արտակ Մանուկեան» թանգարանը 2016 թւականի մշակոյթի շաբաթւայ առիթով ունեցել է հետեւեալ աշխատանքները եւ այցելուները՝
    - Հոկտեմբերի 4-ին «Խաղաղութեան մշակոյթի դեսպանների թանգարան»-ի տնօրինութեան հրաւէրով, «Արտակ Մանուկեան» թանգարանի պաշտօնեաները մասնակցեցին վերը նշւած թանգարանի տիկնիկների բաժնի բացման արարողութեանը, եւ «Արտակ Մանուկեան» թանգարանի անունից նւիրեցին 3 տիկնիկներ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։