Հա

Հասարակական

Երկուշաբթի, 01 Մայիսի 2017 12:40

Անշրջելի դարձնենք «սոցիալական արդարութիւն» հասկացութիւնը. Մայիսի 1-ի առիթով

Մայիսի 1-ը պայքարի տօնն է: Պայքար՝ յանուն բարիք արարող, արգասաբեր աշխատանքով զբաղւող եւ ստեղծագործող մարդու ջերմութեան եւ բարեկեցութեան ապահովագրման: Պայքար, որը երբեք չի ենթադրում դադար կամ տեղատւութիւն: Այլ, ընդհակառակը՝ կոչւած է սահմանելու նոր հորիզոններ, նոր նպատակներ սոցիալական արդարութեան նոր տեսլականներ:

ԱՐԱՄ ՇԱՀՆԱԶԱՐԵԱՆ

 

Այսօր մայիսի 1-ն է, աշխատաւորների միջազգային օրը: Այսօր, ողջ աշխարհի աշխատաւորներն աւանդաբար նշում են իրենց տօնը եւ փառաբանում աշխատանքը, ազնիւ աշխատանքը, որը ստեղծում եւ կուտակում է կապիտալ՝ յաւելեալ արժէք, որից ենթադրաբար պէտք է հաւասարապէս օգտւեն հասարակութեան բոլոր խաւերը, իսկ առաջինը հէնց իրենք, յաւելեալ այդ արժէքի ստեղծողները՝ աշխատաւորները:

Եւ հէնց դա է պատճառը, որ մայիսի 1-ը եւ արդարութիւն հասկացողութիւնը ասոցացւել՝ նոյնացւել են, աշխատաւորների մեծ տօնը վերածելով արդարութեան, սոցիալական համերաշխութեան ու քաղաքացիական իրաւունքի համար տարւող պայքարի խորհրդանշի:

Պայքար, որը պէտք է ստեղծի ինքնադրսեւորման հաւասար պայմաններ: Պայքար, որը 21-րդ դարում այսպէս կոչւած «բացարձակ ազատ մարդկանց» հասարակութեան համար պէտք է վերաիմաստաւորի եւ ընկալելի դարձնի «սոցիալական արդարութիւն» հասկացութիւնը՝ այն դարձնելով քաղաքակիրթ մարդկութեան սոցիալ-տնտեսական զարգացման վերջնական տեսլականը՝ հնարաւորինս բացառելով խաղաղ աշխատանքի, արդար վաստակի եւ աշխատաւորի արժանապատւութեան նկատմաբ վայրի կապիտալիզմի անարդար ոտնձգութիւնը:

Եւ ամենակարեւորը. այն պէտք է պոստմոդեռնիզմ տնտեսութեան դարաշրջանում ամրապնդի եւ անշրջելի դարձնի կապիտալի եւ դրա կուտակման արդիւնքում ստեղծւած յաւելեալ արժէքի բաշխման արդարութիւնը, որը հանդիսանում է «սոցիալական արդարութիւն» հասկացութեան ողջ իմաստն ու անկիւնաքարը:

Մայիսի 1-ը պայքարի տօնն է: Պայքար՝ յանուն բարիք արարող, արգասաբեր աշխատանքով զբաղւող եւ ստեղծագործող մարդու ջերմութեան եւ բարեկեցութեան ապահովագրման: Պայքար, որը երբեք չի ենթադրում դադար կամ տեղատւութիւն: Այլ, ընդհակառակը՝ կոչւած է սահմանելու նոր հորիզոններ, նոր նպատակներ սոցիալական արդարութեան նոր տեսլականներ:

Շնորհաւոր մեր ու Ձեր՝ տօնը, պայքարի տօնը…

Յարակից Հրապարակումներ

  • Այսօր Գերմանիայում նոր խորհրդարան են ընտրում
    Այսօր Գերմանիայում նոր խորհրդարան են ընտրում

    Այսօր՝ սեպտեմբերի 24-ին Գերմանիայում կայանալու են Բունդեսթագի ընտրութիւնները:

    Վերջին բոլոր սոցհարցումները վկայում են այն մասին, թէ գործող կանցլեր Անգելլա Մերկէլի գլխաւորած «Քրիստոնեայ-դեմոկրատական միութիւն»-«Քրիստոնեայ-սոցիալիստական միութիւն» դաշինքը (ՔԴՄ/ՔՍՄ) առաջատարն է: Սակայն գլխաւոր ինտրիգը կայանում է նրանում, թէ ինչպէս կը բաշխւեն ընտրողների ձայները միւս կուսակցութիւնների միջեւ, ինչն էլ կարող է ճակատագրական նշանակութիւն ունենալ ապագայ կառավարութեան ձեւաւորման գործընթացի համար:

  • Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը
    Սեւրի պայմանագիր, Վուդրօ Վիլսոնի դատավճիռ. Հայկական Հարցի լուծման հնարաւոր տարբերակը

    Երէկ` օգոստոսի 15-ին, Թեհրանի Հայ Դատի յանձնախմբի նախաձեռնութեամբ տեղի ունեցաւ Սեւրի պայմանագիրը եւ Վիլսոնեան իրաւարար վճիռի խորագրով դասախօսութիւն: Օրւայ  դասախօսներն էին Իրանի իսլամական խորհրդարանում հիւսիսային իրանահայութեան պատգամաւոր դոկտ. Կարէն Խանլարեանը եւ Հայ Դատի յանձնախմբի նախկին նախագահ Արամ Շահնազարեանը:

  • Թերեզա Մէյի ճակատագրական սխալը
    Թերեզա Մէյի ճակատագրական սխալը

    Յունիսի 7-ին Մեծ Բրիտանիայում կայացած արտահերթ խորհրդարանական ընտրութիւնները միանշանակօրէն ծանր պարտութիւն էին իշխող՝ «Պահպանողական» կուսակցութեան, եւ նրա առաջնորդ, գործող վարչապետ Թերեզա Մէյի համար: 

  • Համախմբւելու եւ ամբոխային տրամաբանութեանը տուրք չտալու պահը
    Համախմբւելու եւ ամբոխային տրամաբանութեանը տուրք չտալու պահը

    Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

  • Երրորդ հեռուստաբանավէճին սպասելիս
    Երրորդ հեռուստաբանավէճին սպասելիս

    Չսպասելով երրորդ հեռուստաբանավէճին Ռոհանին անցել է գործի, յստակօրէն թիրախաւորելով սոցիալ-տնտեսական եւ քաղաքական այն խնդիրները, որոնք հասարակութեան կողմից կարող են ընկալւել որպէս իր մրցակիցների, իսկ աւելի որոշակի՝ հիմնական ախոյեանի՝ Էբրահիմ Ռէյիսիի այսպէս կոչւած «աքիլեսեան գարշապար»-ը: Նրա նշանակէտում յայտնւել են հէնց այդ թոյլ կէտերը:

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։