Հա

Հասարակական

Երկուշաբթի, 15 Մայիսի 2017 09:00

Հետազօտութիւն. Գիրք ընթերցողներն աւելի բարի են, քան հեռուստացոյց դիտողները

Նրանք, ովքեր գեղարւեստական գրականութիւն են ընթերցում, դրական վարքագիծ են ցուցաբերել, իսկ նրանք, ովքեր սիրավէպ ու դրամաներ են ընթերցում, առաւել հակւած են կարեկցանքի:

«alikonline.ir» - Գիրք ընթերցող մարդիկ աւելի «ընկերական, հասկացող եւ գթասիրտ» են, քան նրանք, ովքեր հեռուստացոյց են դիտում: 

Գրում է «tert.am»-ը վկայակոչելով՝ «The Independent»-ը: Այս մասին վկայում են Մեծ Բրիտանիայի Քինգսթոնի համալսարանի հետազօտողների իրականացրած ուսումնասիրութեան արդիւնքները: 

Հետազօտութեան ղեկավար Ռոուզ Թերնէրը հարցում է անցկացրել 123 կամաւորի շրջանում, թէ ժամանցի որ տարբերակն են նախընտրում՝ գրքերը, խաղերը, թէ հեռուստացոյց դիտելը: Այնուհետեւ փորձարկւել են նրան միջանձնային յատկանիշները: 

Արդիւնքում պարզւել է, որ նրանք, ովքեր գեղարւեստական գրականութիւն են ընթերցում, դրական վարքագիծ են ցուցաբերել, իսկ նրանք, ովքեր սիրավէպ ու դրամաներ են ընթերցում, առաւել հակւած են կարեկցանքի: 

Կատակերգական գրականութիւն նախընտրողներն առաւել ընկերական եւ շփւող են:  

Իսկ նրանք, ովքեր նախընտրում են հեռուստացոյց դիտել, այդքան էլ ընկերական կամ կարեկցող վարքագիծ չեն դրսեւորել: 

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։