Հա

Հասարակական

09/07/2017

Դոկտ. Կարէն Խանլարեան. «Վիճահարոյց ֆիլմերը մարտահրաւէր են նետել քրիստոնէական հաւատամքին»

Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը դրական չի վերաբերւում վիճահարոյց «Օքսիդան» եւ «Մադար ղալբէ աթոմի» ֆիլմերին, քանի որ դրանք մարտահրաւէր են նետել քրիստոնէական ուսուցմունքներին եւ հաւատամքին: 

«alikonline.ir» - Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը դրական չի վերաբերւում վիճահարոյց «Օքսիդան» եւ «Մադար ղալբէ աթոմի» ֆիլմերին, քանի որ դրանք մարտահրաւէր են նետել քրիստոնէական ուսուցմունքներին եւ հաւատամքին: Այս մասին պատգամաւորն ասել է Իսլ. խորհրդարանի «Խանէ մելլաթ» լրատւական գործակալութեան հետ զրոյցում:

«Անձամբ դիտել եմ այդ ֆիլմերը եւ դրանց կապակցութեամբ զրուցել եմ ընտրողներիս եւ այլ պատգամաւորների հետ: Մեծամասնութիւնը չեն հաւանել այս երկու ֆիլմերը, քանի որ դրանք, այնուամենայնիւ, մարտահրաւէր են նետում քրիստոնէական ուսուցմունքներին եւ հաւատամքին: Դեռ մի կողմ թողնենք այն իրողութիւնը, որ «Օքսիդան» ֆիլմում ծաղր ու ծանակի առարկայ են դառնում քահանաները»,- ասել է դոկտ. Կարէն Խանլարեանը:

Նա նշել է, որ որպէս իրանահայութեան պատգամաւոր ստիպւած է յանձն առնել այս երկու ֆիլմերի էկրանաւորման հետ կապւած հանրային-հասարակական հետեւանքները, եւ բնականաբար անհրաժեշտ է, որպէսզի հաշւի առնելով այդ հետեւանքները հանդէս գայ համապատասխան յայտարարութեամբ եւ համարժէք դիրքորոշմամբ. «Սա այն դէպքում, երբ չեմ կարծում, թէ այս ֆիլմերի հեղինակները կընդունեն հանրային կարծիքի վրայ իրենց ստեղծագործութիւնների թողած հետեւանքները: Իրենց ստեղծագործութիւններով նրանք հասարակութեանն աղաւաղւած պատկեր են ներկայացրել, իսկ նրանց արարքի հետեւանքները պէտք է սրբագրեն համապատասխան պատասխանատուները»,- նշել է պատգամաւորը:

Անդրադառնալով այս կապակցութեամբ Իսլ. խորհրդարանի մի խումբ պատգամաւորների պատրաստած բողոքի նամակին, Կարէն Խանլարեանը նշել է, թէ ինքը եւս մեծ ցանկութիւն ունէր ստորագրելու բողոքի այդ նամակը, սակայն, ըստ երեւոյթի, նախաձեռնութեան հեղինակները ձեռնահասութիւն չեն ունեցել իրեն, եւ այդ իսկ պատճառով էլ նամակում բացակայում է իր ստորագրութիւնը:

Պատասխանելով այն հարցին, թէ ինչու են խորհրդարանի մուսուլման պատգամաւորները հանդէս եկել նման նախաձեռնութեամբ, իրանահայ պատգամաւորը յիշեցրել է ֆրանսիական «Charlie Hebdo» երգիծական պարբերականի դէպքը, երբ խորհրդարանի կրօնական փոքրամասնութիւնների պատգամաւորները մուսուլման պատգամաւորների հետ միասին դատապարտեց այդ պարբերականի կողմից Մոհամմադ մրագարէի նկատմաբ անյարգալից եւ վիրաւորական վերաբերմունքը. «Բնական է, որ մուսուլման պատգամաւորներն էլ կարձագանգէին այլ կրօնի նկատմամբ անյարգալից վերաբերմունքին»,- ասել է նա՝ յաւելելով. «Չի կարելի ասել, թէ քրիստոնեաներն ունեն իրենց պատգամաւորները, ուրեմն ձեր միջամտութիւնն անհրաժեշտ չէ: Աստւածային արժէքները բոլոր հաւատացեալներին են վերաբերւում»:

Խօսելով «Մադար ղալբէ աթոմի» ֆիլմի մասին, դոկտ. Կարէն Խանլարեանը նշել է, որ այն եկեղեցու երգչախմբի անդամ քրիստոնեայ աղջկան ներկայացնում է որպէս բարոյական արժէքներից զուրկ մի անձնաւորութիւն, այն դէպքում, երբ յստակօրէն կարելի է նշել, թէ անհնար է, որ բարոյական նման կերպար ունեցող անձնաւորութիւնն անդամակցի եկեղեցու երգեցիկ խմբին. «Քրիստոնեաների համար, նման տիկնոջ հասարակական դիրքը ոչ պակաս է՝ քան քահանայի դիրքը, իսկ «Մադար ղալբէ աթոմի»-ին մարտահրաւէր է նետել հէնց այդ կերպարին»,- ասել է պատգամաւորը:

Նա նշել է, որ  «Օքսիդան» ֆիլմն անուղղակիօրէն տարածում է այն կարծիքը, որ Իրանի մուսուլման որեւէ քաղաքացի արտասահմանեան որեւէ երկրից ապաստան ստանալու համար կարող է փոխել իր կրօնը, մինչդեռ գործնականում նման բան անհնար է, իսկ դրա տարածումն էլ սխալ է:

Ինչ վերաբերւում է «Մադար ղալբէ աթոմի»-ին, որն «այլ կրօն տարածելու» պատճառով երեք տարի զրկւած է եղել էկրանի հնարաւորութիւնից, դոկտ. Կարէն Խանլարեանը նշել է, թէ ինքն այդ ֆիլմում այլ կրօնի որեւէ տարածում չի տեսել, եւ չի կարող որեւէ տեսակէտ յայտնել անցեալ երեք տարիների իրադարձութիւնների մասին. «Սակայն իմ, ընտրողներիս եւ այլ պատգամաւորների կարծիքն այն է, որ ֆիլմը մարտահրաւէր է նետել քրիստոնէական հաւատամքին»,- եզրակացրել է պատգամաւորը՝ մէկ անգամ եւս շեշտելով, որ դրական չի վերաբերւում երկու ֆիլմերի էկրանաւորմանը:

Յարակից լուրեր

  • Հայոց Ցեղասպանութեան 103-րդ տարելիցը՝ Թեհրանի հայ համայնքում
    Հայոց Ցեղասպանութեան 103-րդ տարելիցը՝ Թեհրանի հայ համայնքում

    Ապրիլի 24-ի առաւօտեան Ս. Սարգիս մայր եկեղեցում թեմակալ առաջնորդի ձեռամբ մատուցւեց եպիսկոպոսական հանդիսաւոր ս. պատարագ, ի յիշատակ աւելի քան մէկուկէս միլիոն նահատակների: Պատարագի ընթացքում քարոզեց թեմակալ առաջնորդը, ապա թափօրը մօտեցաւ եկեղեցու բակում տեղադրւած Բիւրաւոր Նահատակների յուշարձանի մօտ, ուր Սրբազան Հայրը յորդորեց հոծ բազմութեանը լուռ եւ միաժամանակ պահանջատէր ոգով տոգորւած երթ դէպի Թուրքիայի դեսպանատուն:

  • Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին
    Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին

    Իրանի Մեջլիսի հայազգի պատգամաւոր Կարէն Խանլարեանի խօսքով՝ Իրանի խորհրդարանի կողմից «Արաքս գետի վրայ ՀԷԿ-երի կառուցման վերաբերեալ» օրինագծի ընդունումը նշանակում է` մեծ կամք կայ, որ նախագիծն իրականանայ: 

  • Դոկտ. Կարէն Խանլարեան. «Թուրքիայի նպատակը Սիրիայի մասնատումն է»
    Դոկտ. Կարէն Խանլարեան. «Թուրքիայի նպատակը Սիրիայի մասնատումն է»

    Թուրքիայի ներխուժումը Սիրիա հայկական մամուլում մեկնաբանւում եւ գնահատւում է ոչ այնքան ահաբեկչութեան դէմ պայքարի համատեքստում, որքան ռուս-թուրքական մերձեցումից յետոյ Թուրքիայի ձեռքերին ազատութիւն տրւելու տեսանկիւնից: Եւ դա պատահական չէ, քանի որ հէնց ռուս-թուրքական մերձեցումից յետոյ միանգամայն նոր իրավիճակ ստեղծւեց Սիրիայում, որն իր ազդեցութիւնն է թողել նոյնիսկ ԱՄՆ գլխաւորած կոալիցիայի գործողութիւնների վրայ: Հետաքրքիր է նաեւ Արեւմուտքի լոիեալ վերաբերմունքը:

  • Համաժողով Հայաստանի Հանրապետութեան 100-ամեակի առիթով
    Համաժողով Հայաստանի Հանրապետութեան 100-ամեակի առիթով

    Հայաստանի առաջին հանրապետութեան 100-ամեակի առիթով կազմակերպւած է համաժողով 21-23 մարտ 2018 թւին Մեծի Տանն Կիլիկոյ կաթողիկոսութեան նստավայր Անթիլիասում, հովանաւորութեամբ եւ ներկայութեամբ Ն.Ս.Օ.Տ.Տ. Արամ Ա Վեհափառ Հայրապետի:

  • Կարեւոր է դատավճիռը կարճելուն ուղղւած աշխատանքները համադրաբար առաջնորդելու փաստը
    Կարեւոր է դատավճիռը կարճելուն ուղղւած աշխատանքները համադրաբար առաջնորդելու փաստը

    Հ. Մ. Մ. «Րաֆֆի» համալիրի դատական գործի վերաբերեալ թերթս, հինգշաբթի՝ մարտի 15-ին հրապարակեց Թ. Հ. Թ. Թեմական խորհրդի ատենապետի հետ զրոյցը, որով շօշափւեցին մի շարք հարցեր, կապւած տեղի ունեցած հանդիպումների մասին: Ռոբերտ Բեգլարեանը զրոյցի ընթացքում նշել էր, որ հանդիպումներն ու նամակագրութիւնները տեղի են ունեցել խորհրդարանում իրանահայ պատգամաւորների համադրութեամբ ու անմիջական ջանքերով:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։