Հա

Հասարակական

12/08/2017

Բելգիայում կը պատրաստւի աշխարհի ամենամեծ ձւածեղը՝ չնայած Եւրոպայում տարածւած «հաւկիթային սկանդալի»

Բելգիայի Մալմեդի քաղաքում կանցկացւի ամենամեայ ձւածեղի փառատօնը, որի ժամանակ աւանդութեան համաձայն՝ 10 հազար ձու կօգտագործւի յատուկ ուտեստը պատրաստելու համար: 

«alikonline.ir» - Բելգիայի Մալմեդի քաղաքում կանցկացւի ամենամեայ ձւածեղի փառատօնը, որի ժամանակ աւանդութեան համաձայն՝ 10 հազար ձու կօգտագործւի յատուկ ուտեստը պատրաստելու համար: Տեղեկացնում է «tert.am»-ը:

Ինչպէս գրում է «Agence France Presse»-ը, Գերմանիայի հետ սահմանային քաղաքում մտադիր են կեանքի կոչել ամենամեայ փառատօնը՝ չնայած Եւրոպայում տարածւած սկանդալի: Ինչպէս աւելի վաղ յայտնի էր դարձել, եւրոպական թռչնաբուծական ֆաբրիկաներից արտահանւած ֆիպրոնիլով վարակւած հաւկիթները յայտնաբերւել են ԵՄ 15 երկրում, ինչպէս նաև՝ Շւէյցարիայում եւ Հոնկոնգում:

Ձւային սկանդալի կենտրոնում են յայտնւել հէնց Բելգիան եւ Հոլանդիան, որտեղից արտահանւած միլիոնաւոր հաւկիթներ հանւել են վաճառքից սուպերմարկետներում: Այնուամենայնիւ, փառատօնի նախագահ Բենեդիկտ Մեթիի խօսքով՝ իրենց համար դժւար չի լինի բաւարար քանակութեամբ հաւկիթ գտնելը, որպէսզի պատրաստեն աշխարհի ամենամեծ ձւածեղը:

Այս փառատօնը բելգիական քաղաքում անցկացւում աւելի քան 20 տարի: Կազմակերպչի հաղորդմամբ՝ իրենք ապահովում են 8000 հաւկիթի մատակարարումը 40 կմ. հեռաւորութեամբ գտւող ֆաբրիկայից, իսկ մնացածը տրամադրում են փառատօնի հովանաւոր սուպերմարկետները:

Անցեալ տարի ռեկորդային 7000 այցելու է ներկայ գտնւել ձւածեղի պատրաստման աւանդական արարողութեանը, որն անցկացւում է օգոստոսի 15-ին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։