Հա

Հասարակական

31/08/2017

Սրճի բուրմունքով տօնավաճառ՝ «Գոֆթեգու» զբօսայգում

Այս օրերում, սուրճի սիրահարներին կարելի է գտնել քաղաքի «Գոֆթեգու» զբօսայգու ցուցահանդէսային սրահում, որտեղ ընթանում է «Իրանի միջազգային սուրճի տօնավաճառ»-ը. տօնավաճառ, որի օդը լցւած է եփած սուրճի անուշ ու թարմ բուրմունքով:

«alikonline.ir», Սիւնէ Ֆարմանեան - Մեր առօրեայ կենցաղն ու կեանքն անհնար է պատկերացնել առանց սուրճի: Աշխատավայրում, թէ տանը, մէկ երկու գաւաթն անհրաժեշտ է էներգիայով եւ թարմութեամբ պարուրւելու եւ վերալիցքաւորւելու համար:

Այս օրերում, սուրճի սիրահարներին կարելի է գտնել քաղաքի «Գոֆթեգու» զբօսայգու ցուցահանդէսային սրահում, որտեղ ընթանում է «Իրանի միջազգային սուրճի տօնավաճառ»-ը. տօնավաճառ, որի օդը լցւած է եփած սուրճի անուշ ու թարմ բուրմունքով: Սուրճի սիրահարները, այն համարում են տարւայ գլխաւոր իրադարձութիւններից մէկը, որին մասնակցում են սուրճի արդիւնաբերութեան առաջատար արտադրողները եւ մատակարարները:

Տօնավաճառի շրջանակներում կազմակերպւում է դասընթացներ սրճարանների ասպարէզում աշխատողների համար, նաեւ անցկացւում է «Լաթէ արւեստ»-ի մրցոյթներ, «workshop», եւ այլ հետաքրքիր միջոցառումներ:

Այստեղ մասնակցում են ոլորտի առաջատար ընկերութիւնները, որոնց միանում են նաեւ փոքր եւ միջին բիզնեսի ներկայացուցիչներ, ում արտադրանքն արդէն որոշակի տեղ է գրաւում երկրի շուկայում:

Այս առիթով, զրոյց ունեցանք տօնավաճառի կազմակերպիչ յանձնախմբի անդամ Արին Խաչատրեանի հետ: Նա զբաղւում է սուրճի ներմուծմամբ եւ վաճառքով: Արինը Իրանի «Ջազւէ» սուրճի մրցոյթի յաղթողն է:

Արինը մեր այն հարցին, թէ որ՞ն է տօնավաճառի կազմակերպման նպատակը պատասխանեց. «Տօնավաճառը բացառիկ հնարաւորութիւն է ընձեռում հանգամանօրէն ցուցադրել Իրանում արտադրւող, եւ ներմուծւող սուրճերի ողջ տեսականին, այստեղ կարելի է առաւել լիարժէք ուսումնասիրել ու ստանալ անհրաժեշտ տեղեկատւութիւն Իրանում եւ ողջ տարածաշրջանում գործող ապրանքանիշերի մասին: Տօնավաճառում ցուցադրւում է Իրանի սուրճի արդիւնաբերութեան տնտեսական ներուժը: Այն նպատակ ունի հասարակութեան աւելի լայն խաւերին ծանօթացնել սուրճի հետ»:

Արինի գնահատմամբ. «Տօնավաճառը կազմակերպւած է բարձր մակարտակով, որտեղ կարելի է ստանալ տեղեկատւութիւններ ու կանխատեսումներ շուկայի զարգացման մասին, գտնել շահաւէտ գործընկերներ»:

Դէ ինչ, սուրճի սիրահարներ այնստեղ ձեզ սպասւում է սրճի բուրմունքով իւրայատուկ անակնկալ: Տօնավաճառը շարկունակւելու է մինչեւ սեպտեմբերի 1-ը:

Յարակից լուրեր

  • Հ. Մ. Մ. «Նայիրի» միութեան «Ծիածան» մանկա-պատանեկան արւեստանոցի 2018 թւականի ցուցահանդէսը
    Հ. Մ. Մ. «Նայիրի» միութեան «Ծիածան» մանկա-պատանեկան արւեստանոցի 2018 թւականի ցուցահանդէսը

    Թւականիս յունիսի 26-ին տեղի ունեցաւ Հ. Մ. Մ.«Նայիրի» միութեան «Ծիածան» մանկա-պատանեկան արւեստանոցի տարեկան ցուցահանդէսը «Արամ Մանուկեան» սրահում:

    Ցուցահանդէսը բաղկացած էր արւեստանոցի սաների մէկ տարւայ աշխատանքներից, սրահի պատերը զարդարւած էին փոքրիկների ձեռքի աշխատանքներով եւ նկարչութիւններով:

  • Սուրճը կարող է օգնել դիաբետի բուժմանը
    Սուրճը կարող է օգնել դիաբետի բուժմանը

    Ցիւրիխի տեխնիկական բարձրագոյն դպրոցի հետազօտողները ստեղծել են տեխնոլոգիա, որը հեռանկարում կարող է փոխարինել ինսուլինի կանոնաւոր ներարկումները շաքարային դիաբետով հիւանդների համար։ Ենթամաշկային իմպլանտատն ակտիւանում է, երբ օրգանիզմի մէջ է յայտնւում կոֆէին, որը պարունակւում է օրինակ սուրճի կամ թէյի մէջ:

  • Ամերիկացի գիտնականները ստեղծել են սուրճի օգտագործման կատարեալ ալգորիթմ
    Ամերիկացի գիտնականները ստեղծել են սուրճի օգտագործման կատարեալ ալգորիթմ

    Ամերիկեան քնի բժշկութեան ակադեմիայի հետազօտողները մաթեմատիկական ալգորիթմ են ստեղծել, որը թոյլ է տալիս իւրաքանչիւր մարդու համար կազմել սուրճի օգտագործման անվտանգ ռեժիմ եւ ըմպելիքի շնորհիւ առոյգութեան ցուցանիշը գրեթէ 65 տոկոսով մեծացնել:

  • Սուրճը բարելաւում է թիմային աշխատանքը
    Սուրճը բարելաւում է թիմային աշխատանքը

    Կոֆէինի օգտագործումը մեծացնում է կոլեկտիւում մարդկանց ուշադրութիւնն ու աշխատունակութիւնը: Մասնագէտների յօդւածը հրապարակւել է «Journal of Psychopharmacology» ամսագրում: Յօդւածում ներկայացւած է Օհայո նահանգի համալսարանի եւ Դէյւիսի Քալիֆորնիական համալսարանի ամերիկացի գիտնականների հետազօտութիւնը: Կոֆէինով սուրճը խմբի անդամներին աւելի ուշադիր է դարձնում, նրանք բարձր են գնահատել ընդհանուր խմբի եւ սեփական արդիւնաւէտութիւնը: 

  • Փերիոյ գաւառից հին լուսանկարների եւ իրերի ցուցահանդէս՝ Շահինշահրում
    Փերիոյ գաւառից հին լուսանկարների եւ իրերի ցուցահանդէս՝ Շահինշահրում

    Փերիոյ Կրթ. միութեան Շահինշահրի մասնաճիւղի վարչութեան նախաձեռնութեամբ, 2018 թւականի մայիսի 24-ից 26-ը, Շահինշահրի «Սրբոց Վարդանանց» դպրոցի սրահում կազմակերպւեց Փերիոյ գաւառի հին լուսանկարների եւ իրերի ցուցահանդէս՝ ՀՀ անկախութեան 100-ամեակի առթիւ, ուր ցուցադրւել էին շուրջ 300 լուսանկարներ գիւղերից եւ առօրեայ կեանքից, ինչպէս նաեւ այդ շրջանին պատկանող կենցաղային  իրեր, մանրակերտներ, հին գրութիւններ ու նամակներ։ Իրերի եւ լուսանկարների հաւաքագրման գործում միութեանն օժանդակել էր ժողովուրդը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։