Հա

Հասարակական

08/10/2017

Հետազօտութիւն. «Գիշերային հերթափոխով աշխատանքը ճարպակալման է յանգեցնում»

Գիշերային հերթափոխով աշխատանքն, իրօք, ճարպակալման է յանգեցնում, վկայում է գիշերներն աշխատող մարդկանց առողջութեան մասշտաբային հետազօտութիւնների անալիզը։

«alikonline.ir» - Գիշերային հերթափոխով աշխատանքն, իրօք, ճարպակալման է յանգեցնում, վկայում է գիշերներն աշխատող մարդկանց առողջութեան մասշտաբային հետազօտութիւնների անալիզը։ Գրում է «news.am»-ը

«Ընդհանուր առմամբ մօտ 700 մլն. մարդ մեր մոլորակի վրայ այսօր աշխատում է կամ գիշերը կամ հերթափոխով։ Մենք ցոյց ենք տւել, որ ճարպակալման բարձր մակարդակը նման մարդկանց շրջանում առաջին հերթին պայմանաւորւած է նրանց աշխատանքի բնոյթով։ Իսկ ճարպակալումն իր հերթին բարձրացնում է կրծքի քաղցկեղի եւ սրտի հիւանդութիւնների ռիսկը»,- «Obesity Reviews» ամսագրում գրում է Հոնկոնգի համալսարանի մասնագէտ Լապ Ահ Ցէն։

Գիշերային աշխատանքի հետ կապւած կենսաբանական ռիթմերի խանգարումները կարող են բերել նիւթափոխանակութեան խնդիրների եւ անառողջ սննդակարգին վարժւելուն, ինչը պէտք է որ զգալիօրէն մեծացնի ճարպակալման զարգացման վտանգը։ Վերջին տարիներին բժիշկները եւ կենսաբանները տասնեակ հետազօտութիւններ են անցկացրել, որոնցից շատերը հակասական արդիւնքներ են գրանցել։

Ցէն եւ նրա գործընկերները պարզել են, որ իրականում գիշերային աշխատանքն ու ճարպակալումը փոխկապակցւած են։ Նրանք վերլուծել են այս թեմային նւիրւած մօտ 30 գիշերային աշխատանքի մասին եզրակացութիւնները։

Ընդհանուր առմամբ այդ հետազօտութիւններին մասնակցել էին մի քանի հարիւր հազար մարդ, ինչը թոյլ է տւել չին բժիշկներին միանշանակ եւ վիճակագրական առումով հաւաստի եզրակացութիւններ անել։

Պարզւում է, որ երեկոյան կամ գիշերային ժամերին մշտական կամ հերթափոխով աշխատանքն իրոք կապ ունի ճարպակալման հետ։ Միջինում նման մարդկանց մօտ 23-35 տոկոսով աւելի մեծ է գիրանալու հաւանականութիւնը, քան նրանց հասակակիցների, որոնք ցերեկն են աշխատում կամ առհասարակ չեն աշխատում։ Այս միտումը յատկապէս նկատելի է գործարանների աշխատակիցների մօտ, դրա պատճառները, սակայն, գիտնականները դեռ չգիտեն։

Այն, թէ որքան երկար է մարդ գիշերն աշխատում, եւ այն, թէ որքան յաճախ է նա դա արել նախկինում, ուղղակիօրէն ազդում է ճարպակալման ռիսկերի վրայ։ Դա նշանակում է, որ հէնց գիշերային ժամերին աշխատելն է նպաստում ճարպակալմանը, այլ ոչ թէ ուղեկցող գործօնները, ինչպիսիք են վնասակար սովորութիւնները, անառողջ սնունդը կամ աղքատութիւնը։

Յարակից լուրեր

  • Սննդակարգի փոքր խախտումները օգնում են նիհարելուն
    Սննդակարգի փոքր խախտումները օգնում են նիհարելուն

    Նոյնիսկ ամենախիստ սննդակարգերը յաճախ կորցնում են իրենց արդիւնաւէտութիւնը, քանի որ օրգանիզմը սովորում է այն իրողութեանը, որ քիչ կալորիաներ է ստանում ու սկսում է էներգիա «պաշարել» ու աւեի քիչ կալորիա այրել։ Ընդ որում մարդը, բնականաբար, դադարում է նիհարել։

  • Մարդիկ սկսել են յիմարանալ
    Մարդիկ սկսել են յիմարանալ

    Նորւեգիայի Տնտեսական հետազօտութիւնների «Ragnar Frisch» կենտրոնի մասնագէտները վերջին մի քանի տասնամեակների ընթացքում մարդու ինտելեկտի մակարդակի անկում են նկատել: Գիտնականները գիտական աշխատանքներն իրականացրել են զինւորական ծառայութեան անցած նորւեգացիների ինտելեկտի (IQ թեստ) մակարդակի թեստերի հիման վրայ:

  • Ինչո՞ւ է վերջին տասնամեակում աճել քաղցկեղով հիւանդացութիւնը
    Ինչո՞ւ է վերջին տասնամեակում աճել քաղցկեղով հիւանդացութիւնը

    Ամբողջ աշխարհում տարեկան արձանագրւող քաղցկեղի դէպքերի քանակը վերջին տասնամեակում գրեթէ մէկ երրորդով աճել է, պարզել են գիտնականները։ Ու պատճառը միայն մարդկանց վնասակար սովորութիւնները ու նրանց կենսակերպը չեն։ Հիւանդացութեան աճի պատճառներից մէկն էլ մարդկանց կեանքի տեւողութեան աւելացումն է, մէկ այլ «դրական» պատճառ է ախտորոշման մեթոդների բարելաւումը։

  • Ֆրանսիայում մէկ տարում ծխելը թողել է 1 մլն. մարդ
    Ֆրանսիայում մէկ տարում ծխելը թողել է 1 մլն. մարդ

    Վերջին տասնամեակում ծխողների թւի ռեկորդային անկում է գրանցւել Ֆրանսիայում: 2016-2017 թւականների համեմատութեամբ նրանց թիւը պակասել է մէկ միլիոնով:

  • Հետազօտութիւն. «Վիտամիններն ու յաւելումները օգուտ չեն տալիս առողջութեանը»
    Հետազօտութիւն. «Վիտամիններն ու յաւելումները օգուտ չեն տալիս առողջութեանը»

    Ամենայաճախ գործածւող վիտամիններն ու յաւելումներն օգուտ չեն տալիս առողջութեանը, հաւաստիացնում են Տորոնտոյի համալսարանի գիտնականները։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։