Հա

Հասարակական

Չորեքշաբթի, 08 Նոյեմբերի 2017 09:25

Գիտնականները պարզել են, թէ ինչով է քնատութիւնը վտանգաւոր շրջապատողների համար

Քնի պակասն ազդում է այն բանի վրայ, թէ ինչպէս ենք մենք նայում աշխարհին: Այս եզրակացութեանն են յանգել Լոս Անջելէսի Կալիֆորնիական համալսարանի գիտնականները: 

«alikonline.ir» - Քնի պակասն ազդում է այն բանի վրայ, թէ ինչպէս ենք մենք նայում աշխարհին: Այս եզրակացութեանն են յանգել Լոս Անջելէսի Կալիֆորնիական համալսարանի գիտնականները: Նրանց հետազօտութեան արդիւնքները հրապարակւած են «Nature Communications» հանդէսում, տեղեկացնում է «Արմէնպրես»-ը:

Գիտնականները վերլուծութեան են ենթարկել էպիլեպսիայով հիւանդ 12 մարդկանց ուղեղները. հիւանդները պէտք է հնարաւորինս արագ ըստ կատեգորիաների բաշխէին տարբեր պատկերներ: Որքան աւելի քնկոտ էին նրանք, այնքան աւելի դժւար էր նրանց համար դա անել: Նրանց ուղեղում ներընտելացւած էլեկտրոդները ցոյց են տւել, որ դրա բջիջների աշխատանքի արագութիւնը նւազել է իրենց իսկ հիւանդների արձագանգման արագութեան հետ մէկտեղ:

«Մենք կլանւած հետեւում էինք, թէ ինչպէս է քնատութիւնը դանադաղեցնում ուղեղի ակտիւութիւնը: Սովորական իրավիճակում արագ գործող ներոններն արձագանգում էին դանդաղ, աւելի պակաս արդիւնաւէտութեամբ էին աշխատում եւ այլ բանի անցնում աւելի երկար ժամանակ, քան սովորաբար»,- նշել է դոկտոր Իւվալ Նիրը, որը գլխաւորել է հետազօտութիւնները:

Նաեւ գիտնականները պարզել են, որ ուղեղի այն գօտիներում, որոնցում վատ էին աշխատում բջիջները, դանդաղել են նաեւ ուղեղային ալիքները. այսինքն՝ դրա մասերը բառացիօրէն «քնել են», թէեւ մարդն իրականում արթուն է եղել: Դա կարող է առաջացնել յիշողութեան ժամանակաւոր խանգարումներ եւ տեսողութեան խնդիրներ: Այսպէս, աւտոմոբիլի առջեւ նստած քնատ մարդը կարող է չնկատել առջեւից գնացող հետիոտնին: Քնատութիւնը մեր ուղեղի վրայ այնպիսի ազդեցութիւն է գործում, որը համեմատելի է չափազանց մեծ քանակութեամբ ալկոհոլի գործածման արդիւնքի հետ, ասում է հետազօտութեան հեղինակներից մէկը՝ նեարդավիրաբուժութեան պրոֆեսոր դոկտոր Իցհակ Ֆրիդը, հաղորդել է «ՌԻԱ Նովոստի»-ն:

Յարակից Հրապարակումներ

  • Վեց գործօն, որոնք բարձրացնում են զարկերակային ճնշումը
    Վեց գործօն, որոնք բարձրացնում են զարկերակային ճնշումը

    Սրտի ամերիկեան ասոցիացիայի գիտնականները յայտնել են 6 պատճառ, որոնք ազդում են զարկերակային ճնշման բարձրացման վրայ:

  • Վտանգաւո՞ր է արդեօք մաստակ կուլ տալը
    Վտանգաւո՞ր է արդեօք մաստակ կուլ տալը

    Բոլորս, հաւանաբար, լսել ենք պատմութիւններ այն մասին, թէ որքան վտանգաւոր է մաստակ կուլ տալը: Բայց իրականում դա արդեօք այդքան վտանգաւո՞ր է: Ամերիկացի գիտնականները մանրամասն ներկայացրել են, թէ օրգանիզմում ինչ է յատկապէս տեղի ունենում, երբ մարդն, այնուամենայնիւ, մաստակ է կուլ տալիս: 

  • Գիտնականները նշել են վաղաժամ մահւան անսպասելի պատճառը
    Գիտնականները նշել են վաղաժամ մահւան անսպասելի պատճառը

    Անգլիայի Սուրէյի համալսարանի գիտնականները պարզել են, որ այն մարդկանց մօտ, որոնք նախընտրում են ուշ պառկել քնելու եւ ուշ արթնանալ (այսպէս կոչւած «բուեր»), աւելի մեծ է վաղաժամ մահւան վտանգը շուտ արթնացող «արտոյտների» համեմատութեամբ:

  • Հատապտուղներն ինչո՞ւ եւ ինչպէ՞ս են պաշտպանում քաղցկեղից
    Հատապտուղներն ինչո՞ւ եւ ինչպէ՞ս են պաշտպանում քաղցկեղից

    Հատապտուղները վաղուց ի վեր դասւում են աշխարհում ամենաօգտակար մթերքների շարքին, քանի որ հարուստ են հակաօքսիդանտներով եւ պոլիֆենոլներով, որոնք օգտակար են մարսողական համակարգին եւ օգնում են նիհարելուն: «University of Eastern Finland»-ի գիտնականներն այժմ յայտնաբերել են հատապտուղների հակաքաղցկեղային յատկութիւնները: 

  • Գիտնականներ. «Աշխատանքի իւրաքանչիւր աւելորդ ժամը առողջութիւնը լրջօրէն վնասում է»
    Գիտնականներ. «Աշխատանքի իւրաքանչիւր աւելորդ ժամը առողջութիւնը լրջօրէն վնասում է»

    Արտաժամեայ աշխատանքը առողջութիւնը լրջօրէն վնասում է, աւելին՝ այն բացասաբար է անդրադառնում աշխատանքի որակի վրայ: Այս մասին նշւած է մի շարք նոր հետազօտութիւններում, որոնք հրապարակւել են վերջին ամիսների ընթացքում: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։