Հա

Հասարակական

15/11/2017

«Հայերի դանիացի մայրը». Դանիայում լոյս է տեսել միսիոներուհի Քարէն Եփփէի մասին պատմող գիրքը

Դանիայում վերջերս լոյս է տեսել դանիացի միսիոներուհի Քարէն Եփփէի մասին գիրքը: 

«alikonline.ir» - Դանիայում վերջերս լոյս է տեսել դանիացի միսիոներուհի Քարէն Եփփէի մասին գիրքը: Տեղեկացնում է «tert.am»-ը:

Ինչպէս փոխանցում է «Հորիզոն» շաբաթաթերթն, Օսմանեան կայսրութիւնում Հայոց Ցեղասպանութեան ժամանակ իր կատարած աշխատանքով յայտնի միսիոներուհուն «Ոսկէ ծիրան» միջազգային կինոփառատօնի ժամանակ ներկայացրել են որպէս «Հայերի դանիացի մայր»:

Միսիոներուհին հայերի մասին դասախօսութիւն էր լսել 26 տարեկանում եւ որոշել ուսուցչուհի դառնալ հայ որբերի համար:

Եփփէն ժամանում է Ուրֆա, որտեղ միանում է գերմանացի հոգեւորական Եոհաննէս Լեփսիուսի վերահսկողութեան ներքոյ գործող դպրոց-որբանոցի անձնակազմին:

Ցեղասպանութիւնից յետոյ նա տեղափոխւել Սիրիա, որտեղ հայ այրի կանանց համար աշխատանք է գտել՝ որբանոցներ, դպրոցներ, բուժհաստատութիւններ եւ արհեստանոցներ հիմնելով:

Որպէս արեւելքում կանանց ու երեխաների պաշտապանութեան Հալէպի կոմիտէի տնօրէն՝ փորձել է փրկել այդ տարածքում ապաստան գտած մօտ 2000 հայ կանանց ու երեխաների:

Քարէն Եփփէն հնարաւոր ամէն բան արել է, որպէսզի լաւ յարաբերութիւններ հաստատւեն բեդւինների ու հայ գիւղացիների միջեւ, որի շնորհիւ Ռաքքայի շրջանում նրան յաջողւել է ստեղծել 6 հայկական գաղթօջախ:

Այսօր Քարէն Եփփէի անունով է կոչւում Հալէպի առաջին հայկական բարձրագոյն դպրոցը, որը բացւել է 1946 թւականին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։