Հա

Հասարակական

Չորեքշաբթի, 22 Նոյեմբերի 2017 08:05

Հետազօտութիւնը պարզել է, թէ ինչով են կին վարորդները տղամարդկանցից աւելի լաւ

Կանայք աւելի քիչ են հակւած աւտոմեքենայ վարելու ընթացքում շեղւել կողմնակի բաների վրայ, քան տղամարդիկ, պարզել են Օսլոյի Տրանսպորտային էկոնոմիկայի ինստիտուտի աշխատակիցները, որոնք ուսումնասիրել են աւելի քան 1,5 հազար վարորդների սովորութիւնները:

«alikonline.ir» - Կանայք աւելի քիչ են հակւած աւտոմեքենայ վարելու ընթացքում շեղւել կողմնակի բաների վրայ, քան տղամարդիկ, պարզել են Օսլոյի Տրանսպորտային էկոնոմիկայի ինստիտուտի աշխատակիցները, որոնք ուսումնասիրել են աւելի քան 1,5 հազար վարորդների սովորութիւնները: Նրանց աշխատանքների արդիւնքները հրապարակւել են «Frontiers in Psychology» ամսագրում: Գրում է «news.am»-ը:

Ուսումնասիրութեան ընթացքում հետազօտւել են երկու խումբ՝ 1,1 հազար ուսանող եւ 617 մեծահասակ վարորդ: Նրանց մեծ մասը մինչ այդ զանազան շեղող գործօնները խնդիր չի համարել:

Պարզւել է, որ շեղւելու հակումը կախւած է սեռից եւ տարիքից, ինչպէս նաեւ անհատի տեսակից: Այսպէս, մեծամասամբ այն դրսեւորւում է երիտասարդ տղամարդ վարորդների մօտ, ինչպէս նաեւ նեարդային մարդկանց, էքստրաւերտների ու, ընդհանուր առմամբ, մեքենայ յաճախ վարողների մօտ: Մեծահասակ կին վարորդները, նաեւ նրանք, որոնք կարողանում են իրենց վերահսկել, աւելի քիչ են շեղւում:

Փորձագէտները դիտարկել են զանազան շեղող գործօններ, ինչպիսիք են ռադիոկայանի փոփոխումը, հեռախօսով զրոյցը կամ ուղեւորների հետ շփումները: Համաձայն նախորդ տարւայ որոշ ուսումնասիրութիւնների՝ ճանապարհային բոլոր պատահարների 12 տոկոսի պատճառն այն է, որ վարորդը շեղւում է ինչ-որ բանով:

Հետազօտողները նշել են «յատուկ միջոցներ» ձեռնարկելու անհրաժեշտութիւնը, որպէսզի ապագայում ռիսկի խմբի վարորդները աւելի քիչ շեղւեն: Նրանց յաջողւել է պարզել, որ վարորդին շեղող գործօնների մասին պարզ տեղեկատւութիւն տալը կարող է նւազեցնել շեղւելու  հաւանականութիւնը:

ԱՀԿ 2016-ի տւեալների համաձայն՝ ամէն տարի ճանապարհային պատահարի է ենթարկւում շուրջ 50 միլիոն մարդ, աւելի քան միլիոնը մահանում է:

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։