Հա

Հասարակական

Երեքշաբթի, 05 Դեկտեմբերի 2017 10:10

Հետազօտութիւն. «Աւելորդ քաշը մեծացնում է դեմենցիայի վտանգը»

Աւելորդ քաշի պատճառով տկարամտութեան առաջացման վտանգը մեծանում է երեք անգամ: Այդպիսի եզրակացութեան է եկել «University College London»-ի գիտնականների խումբը:

«alikonline.ir» - Աւելորդ քաշի պատճառով տկարամտութեան առաջացման վտանգը մեծանում է երեք անգամ: Այդպիսի եզրակացութեան է եկել «University College London»-ի գիտնականների խումբը՝ Միկի Կիւիկակիի գլխաւորութեամբ: Տեղեկացնում է «news.am»-ը:

Գիտնականների խօսքով՝ աւելորդ քաշի առկայութեան պատճառով դէպի գլխուղեղ արեան հոսքը նւազում է. նրան չի բաւարարում թթւածինն, ինչի հետեւանքով ճանաչողական գործառոյթները վատանում են: Մասնագէտներն այդպիսի եզրայանգման գալու համար վերլուծել են աւելի քան 1,3 միլիոն մարդու տւեալները:

Հետազօտողները պարզել են, որ 50 տարեկանում բարձր Մարմնի զանգւածի ինդեքս (ՄԶԻ) ունեցող մարդիկ 70 տարեկանում աւելի յաճախ են տկարամտութիւն ունենում: Հետազօտութիւնը ցոյց է տւել, որ ՄԶԻ-ի աճը իւրաքանչիւր 5 կէտով տկարամտութեան հաւանականութիւնը մեծացնում է 16-33 տոկոսով: Ըստ գիտնականների՝ քաշը նորմայի մէջ պահելը կարող է կանխել կամ կանգնեցնել դեմենցիայի զարգացումը:

Գիտնականների կարծիքով՝ 30-40 տարեկան յաւելեալ քաշ ունեցող մարդիկ դժւար թէ մտահոգւած լինեն դեմենցիայի վտանգի մասին, սակայն այդ վտանգը միանգամայն իրական է եւ չի կարելի այն անտեսել:

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։