Հա

Հասարակական

29/01/2018 - 08:30

Մարդիկ աւելի երկար կապրեն, բայց աւելի հիւանդ կը լինեն

Մինչեւ 2035 թ․ տղամարդկանց կեանքի միջին տեւողութիւնը 3․6 տարով կաւելանայ, իսկ կանանցը՝ 2․9 տարով։ Սակայն այդ աւելացած տարիները նրանք ստիպւած կը լինեն վատնել բազմաթիւ հիւանդութիւնների բուժման վրայ, հաւաստիացնում են Նիւքասլի համալսարանի գիտնականները։

«alikonline.ir» - Մինչեւ 2035 թ․ տղամարդկանց կեանքի միջին տեւողութիւնը 3․6 տարով կաւելանայ, իսկ կանանցը՝ 2․9 տարով։ Սակայն այդ աւելացած տարիները նրանք ստիպւած կը լինեն վատնել բազմաթիւ հիւանդութիւնների բուժման վրայ, հաւաստիացնում են Նիւքասլի համալսարանի գիտնականները։ Գրում է «news.am»-ը:

Գիտնականները վերլուծել են ծերացման մասին երեք հետազօտութիւն, որոնց միջոցով ստեղծել են կանխատեսման մոդելներ եւ գնահատել կեանքի ապագայ տեւողութիւնը ու հիւանդացութեան մակարդակը։

 Հիմնական շեշտադրումն արւել է «տարիքային» զանազան հիւանդութիւնների վրայ՝ քաղցկեղ, դիաբետ, արթրիտ, թուլամտութիւն, նաեւ լսողութեան խանգարում։ Էքստրապոլյացիայի արդիւնքները ցոյց են տւել, որ 2015-2035 թթ․ առնւազն չորս հիւանդութեամբ տառապող տարեց մարդկանց թիւը կը կրկնապատկւի, ընդ որում իւրաքանչիւր երրորդը հոգեկան առողջութեան հետ կապւած խնդիրներ կունենայ՝ այդ թւում թուլատմութիւն ու դեպրեսիա։

Գիտնականները հաշւարկել են, որ քաղցկեղի դէպքերը տարեցների շրջանում կը յաճախանան 179․4 տոկոսով, իսկ դիաբետի դէպքերը՝ 118․1 տոկոսով։ Հետազօտողների կարծիքով, դա կապակցւած է ճարպակալման ցուցանիշների աճի ու ֆիզիկական ակտիւութեան մակարդակի նւազեցման հետ, ինչը զգալիօրէն վնասում է մարդկանց առողջութեանը։ Ակնկալւում է, որ առաջիկայ 20 տարիներին 85 տարեկան ու աւելի տարեց  մարդկանց թիւը կաճի, ու հետեւաբար կաճի նաեւ առողջապահական ոլորտի վրայ ծանրաբեռնւածութիւնը։

Բացի դրանից հետազօտողները ենթադրում են, որ «երիտասարդ ծերունիները»՝ 65-74 տարեկանները,  նոյնպէս ամենայն հաւանականութեամբ երկու կամ երեք հիւանդութիւն կունենան , ինչը շատ աւելին է, քան անցած տարիների ցուցանիշները։ Սա էլ է կապակցւած ճարպակալման տարածման ու ֆիզիկական ակտիւութեան բացակայութեան հետ, որը դարերով կենսական անհրաժեշտութիւն է համարւել մինչեւ խորը ծերութիւն։ Ֆիզիկական ակտիւութեան բացակայութիւնն ու աւելորդ քաշը բազմաթիւ հիւանդութիւնների ամենալուրջ նախապայմաններն են, պարզաբանում են գիտնականները։ 

«Միանգամից մի քանի հիւանդութիւն ունենալը բարձրացնում է հոսպիտալացման հաւանականութիւնը, նաեւ աւելացնում հիւանդութիւնների կրկնութիւնների հաւանականութիւնը, ու այդ գործօններն էլ իրենց հերթին նպաստելու են առողջապահական համակարգերի ծանրաբեռնւածութեանն ու ճգնաժամերին»,- ամփոփել է պրոֆեսոր Քերոլ Ջագգերը, հետազօտութեան առաջատար հեղինակը։

Յարակից լուրեր

  • Հետազօտութիւն. «Սմարթֆոններն ազդում են երեխայի հոգեկան առողջութեան վրայ»
    Հետազօտութիւն. «Սմարթֆոններն ազդում են երեխայի հոգեկան առողջութեան վրայ»

    Տասնութ տարեկանից փոքր երեխաներն ու դեռահասները, որոնք օրւայ ընթացքում սմարթֆոնների, այլ գաջեթների կամ հեռուստացոյցի էկրանի առաջ մէկ ժամից աւելի ժամանակ են անցկացնում, կարող են հոգեկան խնդիրներ ձեռք բերել:

  • Ի՞նչ կը պատահի, եթէ երբեք միս չուտենք
    Ի՞նչ կը պատահի, եթէ երբեք միս չուտենք

    Վերջին հետազօտութեան ընթացքում մասնագէտները եկել են այն եզրակացութեան, որ կենդանական ճարպից հրաժարւելը կարող է բերել մարդու իմունային համակարգի աշխատանքի լուրջ խախտումների:

  • 10 սովորութիւն, որոնք կօգնեն նիհարել եւ պահպանել քաշը
    10 սովորութիւն, որոնք կօգնեն նիհարել եւ պահպանել քաշը

    Յաջողութեամբ նիհարելու եւ քաշը պահպանելու համար անհրաժեշտ է սովորութիւնները փոխել աւելի առողջներով, ասւած է «Journal of Obesity»-ում հրապարակւած «Bond University»-ի (Աւստրալիա) գիտնականների նոր հետազօտութիւնում։ 

  • Հետազօտութիւն. «Քնի պակասը բացասաբար է ազդում սրտի վրայ»
    Հետազօտութիւն. «Քնի պակասը բացասաբար է ազդում սրտի վրայ»

    Քնի պակասը կամ գերյագեցւածութիւնը մեծացնում է սրտամկանի ինֆարկտի եւ ինսուլտի հաւանականութըւնը: Այս մասին յայտարարում են ԱՄՆ Հիւանդութիւնների վերահսկման եւ կանխարգելման կենտրոնների Սրտանօթային հիւանդութիւնների կանխարգելման դեպարտամենտի մասնագէտները: 

  • Օրական 2 գաւաթ սուրճը կարող է ձեզ քնից զրկել տարիներ յետոյ
    Օրական 2 գաւաթ սուրճը կարող է ձեզ քնից զրկել տարիներ յետոյ

    Սուրճի օգտագործումը կարող է մարդու քնի որակի վրայ բացասական ազդեցութիւն ունենալ՝ ուղեղի վրայ ներգործելու պատճառով: Տարիներ շարունակ ամէն օր սուրճ խմելու հետեւանքով կարող է քնի ցմահ վատթարացում առաջանալ՝ այն պատճառով, որ սուրճը սեղմում է մարդու ուղեղի այն հատւածը, որը պատասխանատու է քնի համար, պնդում են հարաւկորէական համալսարանի գիտնականները:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։