Հա

Հասարակական

05/03/2018

Հետազօտութիւն. «Աշխատավարձի բարձրացումից մարդիկ սկսում են աւելի հազւադէպ հիւանդանալ»

Աշխատավարձի նոյնիսկ նւազագույն բարձրացման արդիւնքում մարդիկ սկսում են զգալիօրէն աւելի հազւադէպ հիւանդանալ, քան նրանք, ում աշխատավարձը չի բարձրանում։ Նման հետաքրքիր եզրակացութեան են յանգել Կալիֆորնիայի համալսարանի գիտնականները, որոնք փորձել են պարզել, թէ ինչպէս է աշխատավարձի չափն ազդում աշխատողների առողջութեան վրայ։ 

«alikonline.ir» - Աշխատավարձի նոյնիսկ նւազագույն բարձրացման արդիւնքում մարդիկ սկսում են զգալիօրէն աւելի հազւադէպ հիւանդանալ, քան նրանք, ում աշխատավարձը չի բարձրանում։ Նման հետաքրքիր եզրակացութեան են յանգել Կալիֆորնիայի համալսարանի գիտնականները, որոնք փորձել են պարզել, թէ ինչպէս է աշխատավարձի չափն ազդում աշխատողների առողջութեան վրայ։ Այս մասին գրում է «news.am»-ը:

Հետազօտութեան շրջանակում, որի արդիւնքները հրապարակւել են «BE Journal of Economic Analysis & Policy» ամսագրում, պրոֆեսոր Փօլ Լէյը ու նրա գործընկերները ուսումնասիրել են 25-64 տարեկան 19 հազար մարդու տւեալներ, որոնք հաւաքւել էին 1997-2013 թթ․ ժամանակահատւածում։

Հետազօտութեան արդիւնքները ցոյց են տւել, որ աշխատավարձի նւազագոյն բարձրացումը՝ թէկուզ ժամում մէկ դոլարով, յանգեցրել է հիւանդութեան պատճառով աշխատանքից բացակայութիւնների նւազման 32 տոկոսով։ Հետագայ վերլուծութիւնը ցոյց է տւել, որ աշխատավարձի նման բարձրացումից յետոյ աշխատողները սկսել են իրենց առողջութիւնը գնահատել որպէս «գերազանց» ու «փայլուն»։

Գիտնականները նաեւ յայտնաբերել են, որ աշխատավարձի նւազագոյն բարձրացումը ոչ մի կերպ չի ազդել ընտանիքի անդամների՝ օրինակ երեխաների հիւանդութեան պատճառով աշխատանքից բացակայելու յաճախութեան վրայ։

«Մեր հետազօտութիւնը ցոյց է տալիս աշխատավարձի նոյնիսկ նւազագոյն բարձրացման դրական ազդեցութիւնը, քանի որ այդ դէպքում աշխատողները սկսում են աւելի հազւադէպ բացակայել հիւանդութեան պատճառով ու ընդհանուր առմամբ իրենց աւելի լաւ են զգում»,- եզրակացրել է պրոֆեսոր Լէյը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։