Հա

Հասարակական

03/04/2018 - 09:10

Հետազօտութիւն. «Նստակեաց կենսակերպը առողջութիւնը սկսում է խաթարել ընդամենը 2 շաբաթում»

Առողջական խնդիրներ են յայտնւում ընդամենը 2 շաբաթ նստակեաց կենսակերպ վարելուց յետոյ, նախազգուշացնում են Լիւերպուլի համալսարանի հետազօտողները: Նրանց խօսքով՝ այս բացասական հետեւանքները, բարեբախտաբար, շրջելի են:

«alikonline.ir» - Առողջական խնդիրներ են յայտնւում ընդամենը 2 շաբաթ նստակեաց կենսակերպ վարելուց յետոյ, նախազգուշացնում են Լիւերպուլի համալսարանի հետազօտողները: Նրանց խօսքով՝ այս բացասական հետեւանքները, բարեբախտաբար, շրջելի են: Գրում է «news.am»-ը:

Հետազօտութեան շրջանակում 45 մարդ (միջինը 36 տարեկան), որոնք կանոնաւորապէս չեն զբաղւել ֆիզիկական ակտիւութեան որեւէ տեսակով, օրինակ՝ վազքով, սակայն իւրաքանչիւրը օրական անցել է նւազագոյնը 10 հազար քայլ, 2 շաբաթ նստակեաց կենսակերպ են վարել:

Կամաւորները աշխատանքի էին գնում մեքենայով կամ հասարակական տրանսպորտով, աստիճանների փոխարէն՝ օգտւում էին վերելակից կամ շարժասանդուղքից, իսկ կիրակի օրերն անցկացնում էին տանը հեռուստացոյցի կամ համակարգչի առջեւ: Մասնակիցները յատուկ սարքեր են կրել, որոնք հետեւել են նրանց ակտիւութեանը: Նրանց խնդրել են նաեւ հետեւել իրենց սովորական սննդակարգին եւ վարել սնւելու օրագիր:

Երկու շաբաթ յետոյ գիտնականները գնահատել են կամաւորների առողջական վիճակը եւ յայտնաբերել, որ մասնակիցների գօտկատեղի շրջագիծը եւ օրգանիզմում ճարպի քանակութիւնը մեծացել են, մկանային զանգւածը՝ փոքրացել եւ նւազել է սրտաշնչառական դիմացկունութիւնը: Դրանից բացի, մասնակիցների մօտ նկատւել է ինսուլինի նկատմամբ զգայունութեան նւազում: Այս ամէնը առաւել նկատելի է եղել 2-րդ տիպի դիաբետով տառապող մօտ ազգական ունեցող մարդկանց մօտ:

Այնուհետեւ մասնակիցներին խնդրել են կրկին ակտիւանալ: Առաւել ակտիւ կենսակերպի 2 շաբաթից յետոյ նշւած խնդիրներն անհետացել են:

Փորձագէտները խորհուրդ են տալիս առօրեայ կեանքում հնարւորինս ակտիւ լինել եւ գնումներ կատարել իսկական խանութներում, որտեղ պէտք է այցելել, այլ ոչ թէ համացանցում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։