Հա

Հասարակական

05/04/2018 - 10:40

Ալեքսիս Օհանեանը խոստովանել է՝ իրականում ինչու էր Հայաստան այցելել

Ամերիկահայ միլիոնատէր Ալեքսիս Օհանեանը պատմական հայրենիք է եկել մի քիչ հանգստանալու։ 

Ամերիկահայ յայտնի գործարար Ալեքսիս Օհանեանը «The New Yourk Times» թերթին տւած հարցազրոյցում խոստովանել է, թէ իրականում ինչն է իրեն ստիպել 2010 թւականին պատմական հայրենիք այցելել։

«alikonline.ir» - Ամերիկահայ միլիոնատէր Ալեքսիս Օհանեանը պատմական հայրենիք է եկել մի քիչ հանգստանալու։ Գրում է «Sputnik» Արմենիան:

Ամերիկահայ յայտնի գործարար Ալեքսիս Օհանեանը «The New Yourk Times» թերթին տւած հարցազրոյցում խոստովանել է, թէ իրականում ինչն է իրեն ստիպել 2010 թւականին պատմական հայրենիք այցելել։

«Հայաստան այցելելու ամենակարեւոր պատճառը տեխնոլոգիաներից հանգստանալու ցանկութիւնն էր։ Մի քանի ամիս ապրեցի պատմական հայրենիքումս, աղքատութեան դէմ պայքարող «Kiva Microfunds» ամերիկեան հասարակական կազմակերպութեան համար որպէս կամաւոր էի աշխատում»,- ասել է Օհանեանը։

Նրա խօսքով` իրեն յաջողւել է զգալ իր արմատները։ Հայաստանում նա մի շարք գործարարների հետ է ծանօթացել, որոնք գինի, կտորեղէն եւ այլ ապրանքներ են արտադրում։ «Reddit» ցանցի սեփականատերը միաւորել է ջանքերը Հայաստանում մի քանի համախոհների հետ ու «TEDx Yerevan» սեմինար է կազմակերպել, որի ընթացքում մարդիկ ներկայացրել են իրենց գաղափարներն աշխարհն աւելի լաւը դարձնելու մասին։

Մինչեւ այդ ուղեւորութիւնը Օհանեանը չէր պատկերցնում` ինչ է Հայաստանը, խոհանոցից բացի դրա մասին ոչինչ չգիտէր։ Աւելին` նոյնիսկ նրա հայրը երբեք հայրենիքում չէր եղել։

«Ես Հայաստան այցելած բազմաթիւ հայ ընկերներ ունեմ, բոլորն ասում էին, որ ուղեւորութիւնը փոխել է նրանց կեանքը։ Երբ առաջին անգամ տեսայ Արարատը, լուսանկարեցի այն ու նկարը հօրս ուղարկեցի։ Հասկանում եմ` այդպիսի լուսանկարը շաբլոն է, բայց այդ տեսարանն իսկապէս ոգեշնչող է»,- յիշում է Ալեքսիսը։

Մեծ գումար վաստակելուց առաջ «Reddit» աշխարհի խոշորագոյն կայքերից մէկի համահիմնադիրը աշխատել է որպէս աման լւացող, պիցցա պատրաստող, մատուցող։ Նա երազել է փաստաբան դառնալ ու օգնել գաղթականներին քաղաքացիութիւն ստանալու հարցում։ Աւելի ուշ նա հասկացել է, որ դա չէ իր ճանապարհը։

Ալեքսիսը Քրիսի եւ Անկէի միակ երեխան է, որը ԱՄՆ է տեղափոխւել Գերմանիայից, ծնւել է ապրիլի 24-ին` Հայոց Ցեղասպանութեան զոհերի յիշատակի օրը։ «Forbes» Ամսագիրը Ալեքսիս Օհանեանին անւանել է «համացանցի քաղաքապետ» եւ երկու տարի շարունակ նրա անունը ներառել է «30-ը փոքր է 30-ից» ցուցակում` որպէս բարձր տեխնոլոգիաների ինդուստրիայի ականաւոր ներկայացուցիչ։

2013 թւականին նա հրատարակել է «Առանց նրանց թոյլտւութեան» («Without Their Permission») գիրքը, այն ուղղւած է երիտասարդ գործարարներին, որոնք հաւատում են, որ համացանցը որպէս ժամանցի, եկամտի ու աջակցման աղբիւր ապագայ ունի։

Յարակից լուրեր

  • «Հրապարակ». «ՀԱՊԿ-ում ձախողումները փորձում են բարդել Շաւարշ Քոչարեանի վրայ»
    «Հրապարակ». «ՀԱՊԿ-ում ձախողումները փորձում են բարդել Շաւարշ Քոչարեանի վրայ»

    «Հրապարակ»-ը գրում է. «Իշխանութիւններին հեշտ ժամանակներ չեն սպասւում. բացի նախընտրական թոհուբուհից, դեկտեմբերի 9-ի նախօրեակին՝ դեկտեմբերի 6-ին, ԵԱՏՄ երկրների ղեկավարների համաժողովն է, որտեղ քննարկւելու-որոշւելու է ՀԱՊԿ գլխաւոր քարտուղարի հարցը։

  • Իրաքի նախագահն Իրան է ժամանել
    Իրաքի նախագահն Իրան է ժամանել

    Պաշտօնական այցով, այսօր՝ նոյեմբերի 17-ին Իրան է ժամանել Իրաքի Հանրապետութեան նախագահ Բարհամ Սալեհը:

  • Խաղաղութեան գինը
    Խաղաղութեան գինը

    Խաղաղասիրութիւնը քաղաքակրթութեան նւաճումներից է: Հայ ժողովուրդը, անմասն չլինելով քաղաքակրթական նւաճումներից, մեծագոյն հաւատ եւ փափագ ունի խաղաղութեան հաստատման ու պահպանման հարցում: Մենք խաղաղասէր ժողովուրդ ենք, հազարամեակներ շարունակ մասնակցելով պատերազմների շատ քիչ են դէպքերը, երբ մենք ենք այն սկսել: Ընդ որում՝ խաղաղասէր ենք եղել ոչ միայն թոյլ եղած ժամանակ, այլեւ՝ ուժեղ պետականութեան հանգրւաններում:

  • ՀՀ ԱԳՆ. «Իրանը Հայաստանի կարեւոր գործընկերն է»
    ՀՀ ԱԳՆ. «Իրանը Հայաստանի կարեւոր գործընկերն է»

    Մենք յստակ որոշել ենք մեր դիրքորոշումը, այսինքն` սա մեզ համար չափազանց զգայուն հարց է, քանի որ Իրանը Հայաստանի կարեւոր գործընկերն է, որի հետ մենք ունենք լաւ կարգաւորւած երկկողմ օրակարգ, եւ այն չափազանց կարեւոր է տարածաշրջանի ներկայիս իրողութիւնների համատեքստում:

  • Իրանեան պատժամիջոցների քաղաքականութեան հարցերով ամերիկեան փորձագէտներն այցելել են Հայաստան
    Իրանեան պատժամիջոցների քաղաքականութեան հարցերով ամերիկեան փորձագէտներն այցելել են Հայաստան

    ԱՄՆ պետքարտուղարութեան եւ գանձապետարանի միջգերատեսչական փորձագիտական խումբը նոյեմբերի 15-16-ին Երեւանում էր՝ հայաստանեան կառավարութեան ու բիզնեսի գործընկերների հետ քննութեան առնելու Իրանի դէմ ուղղւած պատժամիջոցների քաղաքականութիւնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։