Հա

Հասարակական

03/06/2018 - 09:40

Մեծ է ցանկութիւնս գալ ու սեփական աչքերով տեսնել նոր Հայաստանը. Ազնաւուրի ուղերձը Փաշինեանին

Հայաստանի ազգային հերոս, աշխարհահռչակ շանսոնիէ Շառլ Ազնաւուրը շնորհաւորական ուղերձ է յղել վարչապետ Նիկոլ Փաշինեանին` ծննդեան կապակցութեամբ: Ինչպէս «Արմէնպրես»-ին տեղեկացրին ՀՀ վարչապետի պաշտօնական կայքից, շնորհաւորական ուղերձում ասւում է.

 

«alikonline.ir» - Հայաստանի ազգային հերոս, աշխարհահռչակ շանսոնիէ Շառլ Ազնաւուրը շնորհաւորական ուղերձ է յղել վարչապետ Նիկոլ Փաշինեանին` ծննդեան կապակցութեամբ: Ինչպէս «Արմէնպրես»-ին տեղեկացրին ՀՀ վարչապետի պաշտօնական կայքից, շնորհաւորական ուղերձում ասւում է.

«Թանկագին պարոն Վարչապետ,

Ձեր ծննդեան տարեդարձի առիթով յղում եմ Ձեզ լաւագոյն բարեմաղթանքներս, ինչպէս նաեւ անկեղծ շնորհաւորանքներս՝ վարչապետի պաշտօնում ընտրւելու կապակցութեամբ։

Վստահ եմ, որ Դուք յաջողութեամբ կիրականացնէք Ձեր առաքելութիւնը՝ ի պաշտպանութիւն առաջին հերթին մեր ժողովրդի շահերի։

Ինչպէս գիտէք, ես խոր յուզմունքով էի հետեւում Հայաստանում ծաւալւող իրադարձութիւններին եւ մեծ հպարտութիւն եմ ապրում իմ ժողովրդի ու նրա դրսեւորած վարքագծի համար։

1988 թ. երկրաշարժի եւ Հայաստանի Հանրապետութեան անկախացման ժամանակահատւածից ի վեր՝ ես ամէն ինչ արել եմ իմ հայրենիքին օգնելու համար։ Չնայած առճակատմանն ու բոլոր մակարդակներում հանդիպած դժւարութիւններին, բարեբախտաբար երկրի վիճակը բարելաււել է։ Այսօր նոր յոյսի շունչ կայ Հայաստանում՝ շնորհիւ Ձեր ու Ձեզ աջակցած հայ ժողովրդի ջանքերի։

Սրտանց ցանկանում եմ, որ Հայաստանի երիտասարդութիւնը կարողանայ երբեւէ օգտւել նոյն այն հնարաւորութիւններից, որոնցից ինքս եմ օգտւել ժամանակին, կարողանայ դրսեւորել իր ողջ ներուժը եւ իր երազանքներն իրականութիւն դարձնել Հայաստանում։

Հէնց այս մղումով է, որ ես ներգրաււել եմ մշակութային կենտրոն ստեղծելու մի ծրագրի մէջ, որը, յուսով եմ, մեր ազգի հետագայ առաջընթացի մէջ զգալի դերակատարում կունենայ։ Ես կը խնդրեմ Ազնաւուր հիմնադրամի մեր թիմին՝ Ձեզ ներկայացնել այդ ծրագիրը։

Մեծ է ցանկութիւնս, հէնց որ առողջութիւնը թոյլ տայ, գալ ու սեփական աչքերով տեսնել նոր Հայաստանն ու հանդիպել այն կենսունակ ուժերին, որոնք ձեւաւորելու են մեր ազգի գալիքը։

Ընդունէք, խնդրեմ, պարոն Վարչապետ, խորին յարգանացս հաւաստիքը»։

Յարակից լուրեր

  • «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»
    «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»

    «Փաստ» թերթը գրում է. «Վերջին շրջանում բաւական շատ է խօսւում այն մասին, որ Նիկոլ Փաշինեանի տեսքով քաղաքական ասպարէզ է վերադարձել ՀՀ առաջին նախագահ Լեւոն Տէր-Պետրոսեանը: Այդ խօսակցութիւններն աւելի ակտիւացան, երբ պաշտօններ ստացան ակնյայտ «լեւոնական» գործիչներ (Տիգրան Յակոբեան, Վլադիմիր Կարապետեան եւ այլն):

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Իսլ. յեղափոխութեան յաղթանակի 40-ամեակի կապակացութեամբ. ՀՀ նախագահն ու վարչապետը շնորհաւորել են Հանրապետութեան նախագահին
    Իսլ. յեղափոխութեան յաղթանակի 40-ամեակի կապակացութեամբ. ՀՀ նախագահն ու վարչապետը շնորհաւորել են Հանրապետութեան նախագահին

    Իսլ. յեղափոխութեան յաղթանակի 40-ամեակի կապակցութեամբ, ՀՀ նախագահ Արմէն Սարգսեանը եւ վարչապետ Նիկոլ Փաշինեանը շնորհաւորական ուղերձներ են յղել Հանրապետութեան նախագահ դոկտ. Հասան Ռոհանիին:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։