Հա

Հասարակական

10/06/2018 - 14:30

Ռուբէն Վարդանեանն ասաց՝ ինչպէս է «Աւրորա»-ն օգնում Հայաստանին

«Աւրորա» մարդասիրական նախաձեռնութիւնն օգնում է ամենակարեւոր գործում․ Հայաստանն աւելի ճանաչւած է դառնում աշխարհում։

«alikonline.ir» - «Աւրորա»-ն չի դաւաճանում դեռ 2015 թւականին հաստատւած աւանդոյթներին ու սկզբունքներին։ Այս մասին լրագրողներին ասաց մրցանակաբաշխութեան համահիմնադիր Ռուբէն Վարդանեանը։

«Աւրորա» մարդասիրական նախաձեռնութիւնն օգնում է ամենակարեւոր գործում․ Հայաստանն աւելի ճանաչւած է դառնում աշխարհում։ Այս մասին լրագրողների հետ զրոյցում ասաց մրցանակաբաշխութեան համահիմնադիր Ռուբէն Վարդանեանը՝ պատասխանելով «Sputnik» Արմենիայի հարցին։

Նա աւելացրեց, որ մրցանակաբաշխութեան մասնակիցները Հայաստանի դեսպաններն են դառնում, մեր երկրի մասին են պատմում աշխարհի ամենատարբեր անկիւններում։

«Աշխարհում քչերը գիտեն՝ Հայաստանը որքան հետաքրքիր է զբօսաշրջութեան առումով։ Շատերը գիտեն մեր երկրի մասին միայն Ցեղասպանութեան թեմայով։ Երեւանը գեղեցիկ քաղաք է։ Հրաշալի է, երբ մեր երկիր այցելած մարդիկ անում են ամէն բան, որ ապագայում իրենց ծանօթներն էլ մեզ մօտ գան»,- ասաց Վարդանեանը։

«Աւրորա» մրցանակաբաշխութիւնն արդէն երրորդ տարին է անցկացւում։ Կազմակերպիչները նշում են, ու տարեցտարի աւելի շատ մարդ է միանում նախաձեռնութեանը, ինչը չի կարող չուրախացնել։

Վարդանեանն աւելացրեց, որ մրցանակաբաշխութիւնն աւելի ծաւալուն ու աւելի յայտնի է դառնում աշխարհում։

Նրա խօսքով՝ շատ կարեւոր է, որ նախագիծն աւանդական է դառնում, ու նախաձեռնողները մոլորակի տարբեր կէտերում գիտաժողովներ անցկացնելու հնարաւորութիւն են ստանում։

««Աւրորա»-ի առաջին մրցանակաբաշխութիւնից յետոյ ինձ մի մարդ մօտեցաւ ու ասաց, որ հիմա ինքն իրեն աւելի շատ է յարգում, որովհետեւ իր երկրում այսպիսի միջոցառում է անցկացւում»,- նշեց Վարդանեանն ու յաւելեց, որ այդ արձագանգն իր համար ամենակարեւորն է։

«Մենք փոքր երկիր ենք ու աշխարհում ամենահարուստը չենք։ Սակայն այն, ինչ մենք անում ենք մարդկանց համար, ինչպէս ենք մենք նրանց օգնում, ստիպում է մեզ ինքներս մեզ աւելի շատ յարգել»,- ասաց Վարդանեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։