Հա

Հասարակական

18/06/2018 - 09:50

Անջելինա Ջոլին այցելել է Հիւսիսային Իրաքում սիրիացի փախստականների ճամբար

ՄԱԿ-ի՝ փախստականների հարցերով զբաղւող գործակալութեան յատուկ դեսպան եւ հոլիվուդեան դերասանուհի Անջելինա Ջոլին կիրակի այցելել է Հիւսիսային Իրաքում գտնւող սիրիացի փախստականների ճամբար՝ քաղաքացիական պատերազմի հետեւանքով տեղահանւածների աջակցութեան ուղղութեամբ ուշադրութիւն գրաւելու նպատակով:

«alikonline.ir» - ՄԱԿ-ի՝ փախստականների հարցերով զբաղւող գործակալութեան յատուկ դեսպան եւ հոլիվուդեան դերասանուհի Անջելինա Ջոլին կիրակի այցելել է Հիւսիսային Իրաքում գտնւող սիրիացի փախստականների ճամբար՝ քաղաքացիական պատերազմի հետեւանքով տեղահանւածների աջակցութեան ուղղութեամբ ուշադրութիւն գրաւելու նպատակով: Ըատ «tert.am»-ի՝ յայտնում է «Reuters» գործակալութիւնը:

Ջոլին շրջել է Դոմիզ ճամբարում, որտեղ բնակւում է 33.000 սիրիացի փախստական: Ինչպէս յայտնել են ՄԱԿ-ում, նա ճամբար է ժամանել առաւօտեան եւ հանդիպել է այնտեղ գտնւող ընտանիքների հետ:

Ճամբար իր այցի կապակցութեամբ ուղերձում Ջոլին նշել է, որ վեց տարւայ ընթացքում երրորդ անգամ է այցելում Դոմիզ ճամբար: Նա շեշտել է, որ ճամբարի բնակիչների մեծ մասը կանայք են եւ երեխաներ:

Դերասանուհին ուշադրութիւն է հրաւիրել փախստականների կեանքի վատթար պայմանների վրայ եւ նշել է, որ ողջ աշխարհում փախստականների հետ կապւած իրավիճակի միակ լուծումը հակամարտութիւնների կանխարգելումն է:

Նախօրէին նա այցելել էր ԴԱԷՇ ահաբեկչական խմբաւորման գրոհայիններից ազատագրւած Մոսուլ եւ քայլել ռմբակոծւած փողոցներով: Իր այցելութեան շրջանակներում եղել է ռազմական գործողութիւններից առաւել տուժած շրջաններում: Ջոլին եղել է նաեւ Ան-Նուրի մզկիթի աւերակներում, որտեղ ԴԱԷՇ-ի պարագլուխը 2014 թւականին «խալիֆայութիւն» հռչակելու մասին յայտարարութիւն էր արել:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։