Հա

Հասարակական

12/08/2018 - 13:00

Ի՞նչ անել երբ էշդ գողացել են

Զոյա Թադէոսեանը (արժէ՞ ներկայացնել) Դաշնակցութեանը 24 ժամ է տւել, որ ներողութիւն խնդրի այս օրերին իր հասցէին հնչեցւած «վիրաւորանքների» համար, այլապէս, սպառնացել է` մտքի դրածն անել:

Հիմա ես մի քիչ կասկածում եմ, որ որեւէ մէկը Զոյա Թադէոսեանից յանկարծ ներողութիւն խնդրի, որովհետեւ, եթէ մէկը կայ, որ պէտք է ներողութիւն խնդրի հայ ժողովրդից (ինչը եւ արեց) ու արցախեան հերոսամարտի զոհերից, դա Զոյա Թադէոսեանն է, որ իր աբսուրդ յայտարարութիւններով մաքուր օդում իսկական ամպրոպ պայթեցրեց: 

Սփիւռքաֆէյսբուքահայ ընկերոջս պատմածն է: Ասում է` գիւղի հարուստներից մէկի էշը մի օր գողանում են: Սա, տեսնելով, որ էշը չկայ, յայտարարում է` կամ վաղը առաւօտեան էշս կը բերէք, կամ էլ մտքիս դրածը կանեմ: Այս սպառնալիքը լսելով` գողը գիշերով էշը բերում, բաց է թողնում հարուստի տան մօտ: Առաւօտեան ողջ գիւղն իմանում է, որ էշը գտնւել է: Գիւղապետը գնում է էշատէր հարուստի տուն ու հարցնում` հետաքրքիր է, այդ ի՞նչ էիր մտքիդ դրել, որ գողը վերադարձրեց էշը, ի՞նչ էիր անելու նրան:

- Ի՞նչ պէտք է անէի, գիւղապետ, գնալու էի անասնաշուկայ եւ մի նոր էշ էի առնելու: Հօ առանց էշի չէի՞ մնայ:

Զոյա Թադէոսեանը (արժէ՞ ներկայացնել) Դաշնակցութեանը 24 ժամ է տւել, որ ներողութիւն խնդրի այս օրերին իր հասցէին հնչեցւած «վիրաւորանքների» համար, այլապէս, սպառնացել է` մտքի դրածն անել:

Հիմա ես մի քիչ կասկածում եմ, որ որեւէ մէկը Զոյա Թադէոսեանից յանկարծ ներողութիւն խնդրի, որովհետեւ, եթէ մէկը կայ, որ պէտք է ներողութիւն խնդրի հայ ժողովրդից (ինչը եւ արեց) ու արցախեան հերոսամարտի զոհերից, դա Զոյա Թադէոսեանն է, որ իր աբսուրդ յայտարարութիւններով մաքուր օդում իսկական ամպրոպ պայթեցրեց: Ո՞վ էր նրան խնդրել, ո՞վ էր նրա լեզւից քաշում, որ վեր կենայ ու յայտարարի, թէ ազատագրւած տարածքները մերը չեն, եւ դրանք պէտք է վերադարձնել, որովհետեւ դա է խաղաղութիւն հաստատելու միակ ճանապարհը, որովհետեւ այդպէս է ուզում միջազգային հանրութիւնն` ի դեմս ՄԽ եռանախագահների: Զոյա Թադէոսեանին միանգամից ասեմ, որ նման բան չկայ, միջազգային հանրութիւնը եւ խնդրով զբաղւող ՄԽ-ն համահաւաք, վերջնական եւ պաշտօնական կարծիք չունի Լեռնային Ղարաբաղի, իսկ մենք ասենք` Արցախի Հանրապետութեան ոչ վերջնական կարգավիճակի, ոչ էլ ստեղծւած ստատուս քւոյի միանշանակ ադրբեջանահաճոյ փոփոխութեան մասին:

Զոյա Թադէոսեանն իր «քաղաքական կարիերայի» ընթացքում երբեք աչքի չի ընկել որպէս արցախեան հիմնախնդրի գիտակ: Ժամանակին նա հրաշալի խօսում էր իրենց թաղամասի աղբահանութեան խնդիրներից: Այնպէս որ, նրա այդ անակնկալ ասուլիսը յստակ կազմակերպւած սադրանք էր, ճիշտ այն սադրանքի կրկնութիւնը, որը տեղի ունեցաւ Լեւոն Տէր-Պետրոսեանի եւ Սերժ Սարգսեանի վերջնական հաշտեցման օրը, երբ Սերժ Սարգսեանը տեսակցութեան էր գնացել առաջին նախագահին` վերջինիս տանը: Գաղտնիք չեմ ասում, չէ՞:

Խօսելով այդ հանդիպման մասին` Լեւոն Տէր-Պետրոսեանը խոստովանեց, որ Սերժ Սարգսեանին խորհուրդ է տւել հրաժարւել տարածքներից, քանի որ դա են պահանջում եռանախագահները: Ըստ էութեան` տարբերութիւն չկայ Լեւոն Տէր-Պետրոսեանի եւ Զոյա Թադէոսեանի երկչոտ, պարտւողական յայտարարութիւնների միջեւ: Միակ տարբերութիւնը ժամանակի մէջ է: Զոյա Թադէոսեանը ազատագրւած տարածքների վերադարձի մասին խօսեց այն օրերին, երբ Մարտի 1-ի գործի բացայայտման շրջանակներում կալանաւորւեց ՀՀ երկրորդ նախագահ Ռոբերտ Քոչարեանը, իսկ Դաշնակցութիւնը հանդէս եկաւ յայտարարութեամբ, որ գործող իշխանութեան այդ քայլը մտահոգիչ է և քաղաքական հետապնդման տպաւորութիւն է թողնում:

Տէր-Պետրոսեանի ակումբը չէր կարող անարձագանք թողնել ՀՅԴ յայտարարութիւնը, որովհետեւ արդէն սկսել էր ըմբոշխնել մարտի 1-ի խայտառակութիւնը Ռոբերտ Քոչարեանի «շալակը տալու» եւ նրա հաշւին ռեաբիլիտացւելու պատեհութիւնը: Կը յաջողւի՞ Լեւոն Տէր-Պետրոսեանին, այսպէս ասենք, չոր դուրս գալ ջրից: Քոչարեանը չի ընդունում մեղադրանքը, գործը դատարանում է, ամէն ինչ կարող է պատահել: Եւ Տէր-Պետրոսեանը որոշում է այս իրարանցման մեջ Զոյա Թադէոսեանի բերանով նոր իրարանցում առաջացնել եւ հասարակութեան ուշադրութիւնը շեղել մարտի 1-ի հետ կապւած գործողութիւններից:

Հայաստանի Հանրապետութեան առաջին նախագահի պատւին արժանացած Լեւոն Տէր-Պետրոսեանը մէկ անգամ արդէն փորձել է կասեցնել Դաշնակցութեան գործունէութիւնը եւ այդ ճանապարհով յանձնել ազատագրւած տարածքները` Շուշին էլ վրադիր: Դա նրան չյաջողւեց: 1996 թւականին ժողովուրդը, ոչ առանց Դաշնակցութեան, նրան մերժեց, իսկ ոչ լրիւ 2 տարի անց նա հրաժարական տւեց: Անցաւ 10 տարի: Այդ ընթացքում ահագին բաներ կատարւեցին: Արցախեան ճակատում, իրավիճակներ ստեղծւեցին, իրավիճակներ փոխւեցին, ՀՀ իշխանութիւնները, որ Տէր-Պետրոսեանից թալանւած, ջարդւած, բզիկ-բզիկ եղած երկիր ու հասարակութիւն էին ժառանգութիւն ստացել, կարողացան տնտեսութիւն հիմնել, սով յաղթահարել, աշխատատեղ ստեղծել, բանակ հզօրացնել, ընդհուպ` ներգաղթ արձանագրել` չզիջելով արցախեան ոչ մի թիզ հող ու առու: Տէր-Պետրոսեանի ռեւանշիստ հետեւորդներին չյաջողւեց 1999 թւականի հոկտեմբերի 27-ին կոտրել ՀՀ իշխանութիւնների կամքը, իսկ 2008 թւականին նրանք նորից ասպարէզ իջան, այս անգամ արդէն Տէր-Պետրոսեանի բացայայտ առաջնորդութեամբ: Նրա` իշխանութիւնը զաւթելու հերթական փորձը, սակայն, կրկին դատապարտւած էր անյաջողութեան, որովհետեւ Հայաստանի Հանրապետութիւնն այլեւս 90-ականների երկիրը չէր: Դա միանգամայն նոր պետութիւն էր: Իսկապէս ափսոս այն 10 կեանքերը, որոնք զոհաբերւեցին նախկին ՀՀՇ-ական արկածախնդիրների «ծրագիրն» իրագործելու համար: Այժմ այս պատմութիւնը պէտք է բացայայտւի, եւ մեր նոր իշխանութիւնները բարոյական իրաւունք չունեն խեղաթիւրելու այն եւ յանգեցնելու Լեւոն Տէր-Պետրոսեանի յայտարարութիւնների համատեքստին:

Մենք դառնանք Զոյա Թադէոսեանի յայտարարութիւններին եւ Դաշնակցութեան հասցէին հնչեցրած սպառնալիքներին: Կարծում եմ` կը համաձայնէք, որ ոչինչ պատահաբար տեղի չի ունենում: Չէր կարող, Զոյան առաւօտեան արթնանալ, գնալ ասուլիսի, որպէսզի նման խայտառակ յայտարարութիւն անէր: Բայց նոյնիսկ եթէ ընդունենք, որ ամէն ինչ հէնց այդպէս էլ եղել է, ապա այդ ասուլիսին հետեւած հակահարւածը միանգամայն օրինաչափ էր և տեղին: Պահ եղաւ, որ անակնկալի եկած Զոյան ներողութեան պէս մի բան խնդրեց հանրութիւնից` նշելով, թէ լրագրողների հարցերն են իրեն շփոթեցրել,մինչդեռ ինքը ցանկացել է միայն փոխանցել, թէ ինչպէս են տեսնում արցախեան խնդրի լուծումը միջազգային հանրութիւնն ու համանախագահները: Զոյա Թադէոսեանը, սակայն, չի ընկալում, որ այդկերպ միջազգային հանրութեանն ու եռանախագահներին բաներ է վերագրում, որ նրանք երբեք չեն ասել: Պէտք է հասկանալ, որ Ադրբեջանին տարածքներ վերադարձնելու միջոցով հարցը կարգաւորելը ոչ աւել, ոչ պակաս կարող է լինել ընդամէնը մի ամերիկացու, ռուսաստանցու կամ Ֆրանսիացու հեռաւոր տեսլական, բայց ոչ հայութեան կարծիք: Հետեւաբար ի՞նչ ես անում դու, տիկին Զոյա, եւ, առհասարակ, ինչո՞ւ ես խօսում մի հարցի մասին, որից տարրական բաներ չես հասկանում:

Հիմա էլ Դաշնակցութեանն է սպառնում` եթէ 24 ժամում ներողութիւն չխնդրէք, մտքիս դրածը կանեմ: Արա: Շատ-շատ գնաս Լեւոն պապիի մօտ արտասւելու` էս ինչ բերիր իմ գլուխը: Բայց նաեւ գիտցիր` դու ոչ առաջինն ես, ոչ էլ վերջինը, որին Տէր-Պետրոսեանը օգտագործում է որպէս քաղաքական խայծ, որպէս խօսափող` իր դեգեներացւած գաղափարները բարձրաձայնելու համար: Շուրջդ նայիր, Զոյա, քանի-քանի քեզ նման քաղաքական գործիչ է Տէր-Պետրոսեանի պատճառով յայտնւել «պոլիտմուսոր» մակագրութեամբ կոնտէյներներում: Տէր-Պետրոսեանին դեռ քանի՞ մատաղացու է պէտք:

Էդիկ Անդրէասեան

Յարակից լուրեր

  • Դաշնակցութիւնը իր գործին խստագոյն քննադատն է
    Դաշնակցութիւնը իր գործին խստագոյն քննադատն է

    Դիմատետրի էջիս տեղադրած «ԻՆՉՈ՞Ւ ՉԻ ԳԱՐ ՅԵՂԱՓՈԽՈՒԹԻՒՆԸ» յօդուածիս առիթով երէց ընկերս Կարօ Արմէնեան կատարած է սքանչելի նկատողութիւն, որուն ճշմարտութիւնը, հարազատութիւնը եւ իմաստութիւնը թարգմանն է իւրաքանչիւր Դաշնակցականի գաղափարական բծախնդրութեան։

  • ՀՅԴ-ն հաղորդում է ներկայացրել ԱՀ դատախազութիւն
    ՀՅԴ-ն հաղորդում է ներկայացրել ԱՀ դատախազութիւն

    Ինչպէս արդէն տեղեկացրել էինք, ՀՅԴ Արցախի ԿԿ-ն մտահոգւած լինելով Հայ Ազգային կոնգրես կուսակցութեան անդամ Զոյա Թադէոսեանի յուլիսի 31-ին «Հայելի» ակումբում արւած հակասահմանադրական արտայայտութիւնների առիթով իսկոյն հրաւիրել էր խորհդակցութիւն եւ քննարկումների արդիւնքում եկել այն համոզման, որ Զ. Թադէոսեանի յայտարարութիւնները ըստ ԱՀ գործող օրէնսդրութեան՝ քրէօրէն պատժելի արարք է, քանի որ դրանով հարցականի տակ է առնւել Արցախի Հանրապետութեան տարածքային ամբողջականութիւնը:

  • Ակնարկ. Իրաւական գործընթացով արձագանգելու քայլը
    Ակնարկ. Իրաւական գործընթացով արձագանգելու քայլը

    Հայ ազգային քոնկրեսի (ՀԱՔ) անդամ Զոյա Թադեւոսեանի յայտարարութիւնը, թէ` Արցախի ազատագրուած տարածքները պէտք է վերադարձնել Ազրպէյճանին, եթէ հիմնախնդիրի լուծումը ատիկա կը պահանջէ, պէտք է ըսել, որ բոլորովին միակ ու նոր զգայացունց յայտարարութիւնը չէ: Թադեւոսեանէն առաջ եւս այդ տարածքներու կարգավիճակին մասին տարբեր ձեւակերպումներ հնչած են, նոյնիսկ անոնց հայկական պատմական պատկանելիութիւնը խնդրոյ առարկայ դարձած է:

  • Չի անցնի. ինչո՞ւ է Լեւոն Տէր-Պետրոսեանի կուսակցութիւնը կրկին խօսում «հողեր յանձնելուց»
    Չի անցնի. ինչո՞ւ է Լեւոն Տէր-Պետրոսեանի կուսակցութիւնը կրկին խօսում «հողեր յանձնելուց»

    Վերջին շրջանում ակտիւացել են նրանք, ովքեր փորձում էին միառժամանակ իրենց գոյութեան մասին չաղաղակել։ Օրինակ, ՀԱԿ-ի ներկայացուցիչները, հաւանաբար, մինչ օրս ամաչում էին առանց խոշորացոյցի չերեւացող իրենց փոքր տոկոսներից, որոնք հաւաքել էին անցեալ ընտրութիւնների ժամանակ, իսկ այժմ չգիտես ինչու որոշել են ստուգել իրենց հանրաճանաչութեան մակարդակը։ 

  • Այո՛, սխալւել եմ. Զոյա Թադէոսեանը ներողութիւն է խնդրում
    Այո՛, սխալւել եմ. Զոյա Թադէոսեանը ներողութիւն է խնդրում

    Օրերս Արցախի ազատագրւած տարածքների մասին սկանդալային յայտարարութեամբ հանդէս եկած Զոյա Թադէոսեանը «ափսոսանք» է յայտնել կատարւածի համար: Նա այդ մասին յայտարարութեամբ է հանդէս եկել: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։