Հա

Հասարակական

18/10/2018 - 10:00

Չինաստանը Հայաստանին նւիրաբերեց շտապ բուժօգնութեան 200 աւտոմեքենայ

Չինաստանի Ժողովրդական Հանրապետութիւնը Հայաստանի Հանրապետութեանը նւիրաբերեց շտապ բուժօգնութեան 200 աւտոմեքենայ. յանձնման հանդիսաւոր արարողութիւնը տեղի ունեցաւ Երեւանում, ներկայ էին ՀՀ վարչապետի պաշտօնակատար Նիկոլ Փաշինեանը, Հայաստանում Չինաստանի արտակարգ եւ լիազօր դեսպան Թիէն Ըրլոնգը, ՀՀ առողջապահութեան նախարարի պաշտօնակատար Արսէն Թորոսեանը եւ այլք:

«alikonline.ir» - Չինաստանի Ժողովրդական Հանրապետութիւնը Հայաստանի Հանրապետութեանը նւիրաբերեց շտապ բուժօգնութեան 200 աւտոմեքենայ. յանձնման հանդիսաւոր արարողութիւնը տեղի ունեցաւ Երեւանում, ներկայ էին ՀՀ վարչապետի պաշտօնակատար Նիկոլ Փաշինեանը, Հայաստանում Չինաստանի արտակարգ եւ լիազօր դեսպան Թիէն Ըրլոնգը, ՀՀ առողջապահութեան նախարարի պաշտօնակատար Արսէն Թորոսեանը եւ այլք:

«Այս առիթով յղում եմ իմ ջերմագին շնորհաւորանքները: Առողջապահութեան ոլորտում համագործակցութիւնը հայ-չինական համագործակցութեան կարեւոր մասն է եւ չինական կողմը կարեւորում է Հայաստանի առողջապահութեան զարգացումը: 2011 թւականից Հայաստանին նւիրաբերւած շտապօգնութեան 88 աւտոմեքենանները կարեւոր դերակատարութիւն ունեցան առողջապահութեան զարգացման եւ շտապ բուժօգնութեան ծառայութիւնը բարելաւելու գործում: Այս ծրագրով այժմ նոր սերնդի շտապ բուժօգնութեան 200 աւտոմեքենաներ ենք նւիրաբերում: Այն խոշորագոյններից մէկն է Չինաստանի միջազգային բարեգործական նմանօրինակ ծրագրերի մէջ»,- «Արմէնպրես»-ի հաղորդմամբ ասաց դեսպանը:

Հայաստանում Չինաստանի արտակարգ եւ լիազօր դեսպանը շնորհակալութիւնը յայտնեց Չինաստանի միջազգային համագործակցութեան զարգացման հիմնադրամին, Հայաստանի առողջապահութեան նախարարութեանը, ինչպէս նաեւ չինական կողմից ծրագրի իրականացման բոլոր պատասխանատուներին:

Դեսպանը տեղեկացրեց, որ նպատակ ունենալով արագ ապահովել հայկական շահառու կազմակերպութիւնների աշխատակիցների կողմից շտապ բուժօգնութեան մեքենաների եւ դրանցում տեղակայւած սարքաւորումների հետ ծանօթացումը, չինական կողմի նախաձեռնութեամբ արտադրող ընկերութիւնը ուղարկել է մասնագէտների: Արդիւնքում, մօտ 350 բժիշկ, բուժքոյր եւ վարորդ անցել է մասնագիտական վերապատրաստում: Դեսպանը համոզմունք յայտնեց, որ հայ մասնագէտներն առաւելագոյն ջանքեր կը գործադրեն ազգաբնակչութեան շտապ բուժօգնութեան կազմակերպման, մարզերում շտապ բուժօգնութեան հասանելիութեան ապահովման եւ կանչերի առաւել մեծ քանակի սպասարկման գործընթացում այս մեքենաների արդիւնաւէտ օգտագործման համար:

«Չնայած այն հանգամանքին, որ մեր երկու երկրները հեռու են գտնւում իրարից, մեր ժողովուրդների բարեկամութիւնը դարերի պատմութիւն ունի: Չինաստանի աջակցութիւնը Հայաստանին իրականացւում է անշահախնդիր: Համոզւած եմ, որ Չինաստանն ու Հայաստանը կը շարունակեն համագործակցութիւնը տարբեր ոլորտներում եւ հայ-չինական կապերը կը լինեն շարունակական ու ամուր»,- ասաց դեսպանը:

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

  • Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»
    Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»

    ՀՀ վարչապետ Ն. Փաշինեանը՝ Արցախում տեղի ունեցած ՀՀ եւ ԱՀ անվտանգութեան խորհուրդների համատեղ նիստում, իսկ ՀՀ ԱԽ քարտուղար Ա. Գրիգորեանը՝ Հանրային հեռուստատեսութեան եթերում, պետական ամենաբարձր մակարդակով յայտարարեցին, որ հայկական կողմը մեծապէս կարեւորում է ժողովուրդներին խաղաղութեան նախապատրաստելը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։