Հա

Հասարակական

22/04/2012

***

altՀԱՏԻՍ

Ստացւում է, որ նոյնիսկ եթէ ողջ տարւայ ընթացքում էլ աշխատած լինես Մեծ Եղեռնի ուղղութեամբ, այս մէկ-երկու շաբաթւայ ժամանակահատւածում է, որ արտայայտւելու ես այդքան գունեղ:

Նման երանգով մի իրադարձութիւն տեղի ունեցաւ ազգային «Նայիրի» տարրական դպրոցում: Ուսուցչական կազմի եւ տնօրէնութեան նախաձեռնութեամբ յայտարարւեց «Նամակ՝ պատանի թուրք ընկերոջ» շաբաթ, որով դպրոցի աշակերտները կանգնեցին երկխօսութեան առաջին փորձութեան առջեւ: Սա կարող է եւ շարունակութիւնը լինել նախօրօք մեկնարկած սոցիալական ցանցերում տեղի ունեցած երկխօսութիւն-բանավէճերի: Երեւոյթ, որի մասնակիցն ու հեղինակը ինքնաբուխ կերպով հէնց իրանահայ երիտասարդն էր, որի մեծ մասը երեւի առաջին անգամը լինելով էր, որ Եղեռնի հարցը լրջօրէն օրակարգ էր մտցնում:
Ինչեւէ, երեւոյթը խօսում է տեղի ունեցող մի հետաքրքիր փոփոխութեան մասին: Այլեւս ապրիլքսանչորսեան առիթը նոյն օղակի համար չի ընկալւում լոկ որպէս ամեակներ նշելու կամ օրացոյցի թելադրանքով դէմքի արտայայտութիւն ընդունելու առիթ, այլ պարտականութեան դրսեւորման իւրատեսակ փուլ է տեղափոխւում, որտեղ իւրաքանչիւր ակտիւիստի գիտակցութիւնն ու իմացութիւնը ե՛ւ նպատակային է, ե՛ւ հարստութիւն՝ շրջապատի վրայ ազդեցութիւն գործելու ունակութեան գծով:
Առանցքը հէնց այն գաղափարն է, որի ձեւաւորման մէջ, անկասկած, մեծ է եղել մինչ այդ կազմակերպւած աշխատանքների քարոզչամեքենաների եւ համընթաց կենտրոնների գործունէութեան դերը:
Կամքը կայ եւ դրսեւորւում է, երբ անհրաժեշտութիւնն է զգացւում, իսկ «Նայիրի» տարր. դպրոցի նախաձեռնութիւնը նոյն այդ կամքի շարունակականութիւնն ապահովող դաստիարակութեան դրսեւորումն է...

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։