Հա

Հասարակական

22/06/2014 - 09:50

ՌԱԴԻՕ ԲԱՌ - Արհեստավարժի ձեռագրի ճգնաժամ

Նախորդ համարով շօշափւած զրոյցը շարունակելու ցանկութիւնը թեմայի խճճւած լինելու պատճառով՝ կարող է ինքնապտոյտի մատնւել, եթէ ստիպւած լինենք իրեղէն փաստերի վկայութեանը դիմել: Իսկ այն անտեսելու դէպքում՝ գուցէ թեման իր անգունացման հաշւին մղւի չոր տեսութիւններից կամ սեփական կարծիքից ելած մօտեցումների ստւերի գիրկը:

ՀԱՏԻՍ


Նախորդ համարով շօշափւած զրոյցը շարունակելու ցանկութիւնը թեմայի խճճւած լինելու պատճառով՝ կարող է ինքնապտոյտի մատնւել, եթէ ստիպւած լինենք իրեղէն փաստերի վկայութեանը դիմել: Իսկ այն անտեսելու դէպքում՝ գուցէ թեման իր անգունացման հաշւին մղւի չոր տեսութիւններից կամ սեփական կարծիքից ելած մօտեցումների ստւերի գիրկը:
Յիշեցնենք, որ մեր նախորդ՝ հասարակութիւն-միութիւն կապերի եւ կապւածութեան մասին զրոյցը կիսատ մնաց, թողնւեց այնտեղ, որտեղից պէտք էր խօսքն ուղղել պարտականութեան եւ սիրոյ միջեւ եղած «ուղղեփակոցի գերան» հասկացութեան մասին:
Կասկածներ լինել չեն կարող, որ, փաստացիօրէն, մեր միութիւնները զբաղեցրած տարածքի հաշւին անկարող կը լինեն այցելուների հաշւին եկամտաբեր լինել կամ նոյնիսկ ինքնաբաւ աշխատելու կարողութիւնն ունենալ: Վերջին հաշւով՝ աւելի խոշոր հասարակութիւնը նոյնիսկ նմանօրինակ ձեռնարկութիւն կառավարելու համար դարձեալ կախւած է մնում պետական սուբսիդային աղբիւրներից: Իսկ սա իր հերթին որպէս խոչընդոտ՝ համար առաջինը պէտք է համարել այսօրինակ աշխատանքների իրականացման գործում:
Այնուամենայնիւ, խնդիրները երեւան գալուց առաջ ո՛չ իմաց են տալիս, ո՛չ էլ գալիս են այնժամ, երբ պատրաստ ես դիմակայելուն: Իսկ մեր զրոյցի հիմնախնդիրներն էլ ծագել են սկսում հէնց այդօրինակ իրավիճակներում յայտնւածի պայմաններից:
Եւ քանի որ խօսքը հասաւ փողոցներում տիրող փողոցայնութեան բնաւորութեան տարածման երեւոյթին, եւ այն, որ որն է լինելու դրա դէմ միութիւններից ակնկալւող դերակատարութիւնը, այստեղ էլ ի յայտ է գալու որոշումներ կայացնող օղակների ու «մտածարանների» ըմբռնման կարողութեան ֆակտորը, որով եւ չափւում են համայնքիս ներկայ մտային ու վարչական ունակութիւնները, եւ ապագայ սերունդի դրսեւորումներն ու ձեւաւորման շեմին գտնւող նրա բնաւորութիւնը՝ որպէս սինտեզային հակադրում: Մի խօսքով՝ թեման չխճճելու համար՝ միանգամից նշենք, որ ժամանակն է մի դառն իրականութեան մասին ակնարկելով՝ դիմել օրինակների օգնութեանը:
Որպէս օրինակ՝ վերցնենք Սասուն կամ ինչպէս արդէն միայն դա է նշւում Նարմաք քաղաքամասի մայթերում թմրանիւթերի ու նարկոտիկների ազդեցութեան տակ թաւալւող դեղնած էակներին: Եթէ մինչեւ 10-15 տարի առաջ դրանք այլ թաղամասերից բերւած մանրածախ վաճառողներ էին, այսօր նրանք թւով 20-ի հասնող հայ տղաներ են, եւ ոչ միայն տղաներ: Մի խօսքով՝ երեւոյթը թաղամասի հայ բնակչութեան աչքերին չկորցնելով իր ցաւալի երեսը՝ կարծես թէ դարձել է սովորական երեւոյթ: Իսկ նրանց այսպէս ասած յաճախորդները իրենց համապատասխան տեսքով ու թաղիս վրայ նետած իրենց հայեացքներով նոյնպէս մտածելու տեղիք են տալիս:
Իսկ այժմ, թէ ինչ կապ կայ նշւած այս օրինակի եւ մեր զրոյցի հիմնական թեմայի միջեւ: Այս մասին կարծում եմ նշւող բացատրութիւնն առնւազն կը համարւի ընթերցողի գիտակցութեան կարողութիւնների անտեսում:
Բաւական է իւրաքանչիւր պատահած անցորդին հարց տալ, թէ արդեօք կը ցանկանա՞ր իր երեխան իր ազատ ժամանակն անցկացնէր միութիւններում, հաւանաբար, կը ստանաք այնպիսի պատասխան, որի մասին մեր այս զրոյցը կը շարունակւի յաջորդ հանդիպման ժամանակ:
Իսկ մինչեւ զրոյցիս թեմայով ծաւալւելը նշենք, որ դժւար չէ եւ առաւել եւս ոչ էլ ծախսատար այսօրւայ պատանիներին ու երիտասարդին պահել ապահով ձեռքերում: Պարզապէս, նրանք խոշոր տոկոսով հասանելիութիւն ունեն այնպիսի գաջետային տեխնոլոգիաների, որոնց միայն հարկաւոր է անլար համացանց՝ ապահով ցանցերի լարը գծելու համար...

Յարակից լուրեր

  • «Փաստ». «Քաղաքացու օր՝ քաղաքացու հաշւին»
    «Փաստ». «Քաղաքացու օր՝ քաղաքացու հաշւին»

    «Փաստ» թերթն իր այսօրւայ համարում գրում է. «Այսօր Հայաստանում առաջին անգամ պաշտօնապէս նշւում է Քաղաքացու օրը: Տօնի շուրջ, ըստ ամենայնի, չկայ քաղաքական կամ հասարակական կոնսենսուս, ու դա բնական է, որովհետեւ ակնյայտօրէն գործ ունենք մէկ տարի առաջ տեղի ունեցած իրադարձութիւնները ֆետիշացնելու ձգտման հետ, ինչը չի կարող միանշանակ ընկալւել նոյնիսկ այն մարդկանց կողմից, որոնք ակտիւօրէն մասնակցել են յեղափոխութեանը:

  • Շտապի՛ր, կոտրիր լռութեան տանդեմը
    Շտապի՛ր, կոտրիր լռութեան տանդեմը

    Եթէ քեզ հարցնեն, թէ դու ինչի ես ձգտում հասնել կեանքում եւ դու պատասխանես «երջանկութեան», կը ներես, բայց դու շատ տափակ ես՝ մակերեսային։ Ինչո՞ւ։ Դրանում քեզ պարգեւն է հետաքրքրում այլ ոչ թէ պայքար, արդիւնքը, ոչ թէ ընթացքը։ Դու տրւած ես միայ յաղթանակի, այլ, ոչ թէ պայքարի գաղափարին։

  • Հանրապետութեան նախագահ. «Հանրային պահանջին ընդդիմանալն օրինական չէ»
    Հանրապետութեան նախագահ. «Հանրային պահանջին ընդդիմանալն օրինական չէ»

    Հանրապետութեան նախագահ դոկտ. Հասան Ռոհանին սխալ, անընդունելի եւ անօրինական է համարել հանրային պահանջին ընդդիմանալն ու դրա դէմ պայքարելը: 

  • Մեր հոգսերի 2018-ը. ի՞նչ ակնկալիքներ են հասունանում հասարակութեան մէջ
    Մեր հոգսերի 2018-ը. ի՞նչ ակնկալիքներ են հասունանում հասարակութեան մէջ

    Հայաստանի համար բաւական թէժ 2018 թ.-ը պատմութիւն դարձաւ, եւ այս պատմութիւնից դեռ երկար կը փորձեն գլուխ հանել քաղաքագէտները, վերլուծաբաններն ու փորձագէտները։ Կտրուկ շրջադարձը, որն արեց հանգիստ երկիրը, դարձաւ անցած տարւայ գլխաւոր իրադարձութիւնը։

  • Նիկոլ Փաշինեանը 800 հազար մարդու կոչեց հպարտ քաղաքացի, որ նրանց ուսերի վրայ իշխանութեան գայ ու յետոյ էրեսներին շփացնի՝ մակաբոյծներ
    Նիկոլ Փաշինեանը 800 հազար մարդու կոչեց հպարտ քաղաքացի, որ նրանց ուսերի վրայ իշխանութեան գայ ու յետոյ էրեսներին շփացնի՝ մակաբոյծներ

    Հրապարակախօս Վահան Իշխանեանն իր ֆէյսբուքեան էջում գրում է. «Աղջիկը աշխատում է խանութում, օրը 10 ժամ, ստանում է 100 հազար դրամ աշխատավարձ, այսինքն մօտ 200 դոլար: Բուռն կերպով մասնակցել է սիրոյ եւ համերաշխութեան կոչւող յեղափոխութեանը, բայց յեղափոխութիւնը նրան 0 սէր եւ 0 համերաշխութիւն է բերել։ Հազիւ լումա-լումա յետ է գցել մի փոքր գումար, որը ամբողջութեամբ 400 հազար դրամ, ծախսելու է վիրահատութեան վրայ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։