Հա

Հասարակական

Կիրակի, 29 Յունիսի 2014 10:20

ՌԱԴԻՕ ԲԱՌ

Նախորդ երկու-երեք համարներով շօշափւած թեման մնալու է Սասուն քաղաքամասում բնակւող ընտանիքների օրակարգում անկախ այն բանից, թէ մամուլն զբաղւելու է դրանով թէ՝ ոչ: Խօսքը գնում է քաղաքամասի հայաբնակ եւ ո՛չ միայն փողոցներում անհանգստութեան առիթ դարձած թմրամոլների ու թմրաառեւտուրի մասին...

ՀԱՏԻՍ

 

Նախորդ երկու-երեք համարներով շօշափւած թեման մնալու է Սասուն քաղաքամասում բնակւող ընտանիքների օրակարգում անկախ այն բանից, թէ մամուլն զբաղւելու է դրանով թէ՝ ոչ: Խօսքը գնում է քաղաքամասի հայաբնակ եւ ո՛չ միայն փողոցներում անհանգստութեան առիթ դարձած թմրամոլների ու թմրաառեւտուրի մասին...
Իր կեանքը Սասուն քաղաքամասում ապրած մի տարեց պապիկ պատմում է վերջին 10 տարիների ընթացքում քաղաքամասում յայտնւած թմրավաճառների քանակական աճի մասին: Նրան ընդհատում է իրեն ընկերակցող տատիկը. «Երբեք այսքան անհանգիստ չեմ եղել»:
Այս մասին արած մեր պատմութիւններն անկախ այն բանից, թէ արդեօք արժանանալո՞ւ են համապատասխան հասցէատիրոջ ուշադրութեանը թէ ոչ, շարունակւելու են այնքան ժամանակ, մինչեւ առաջանայ այն համոզումը, որ իրօք խօսելն աւելորդ է...
Նախորդ համարով արւած զրոյցն ընդհատւեց միութիւնների պատկերացրած դերի եւ քաղաքամասի երեխաներին տւած-չտւած առիթների մասին խօսքով, եւ այն, թէ ինչ են մտածում ամառային արձակուրդների անցած պատանիների ու երիտասարդների ծնողները՝ միութիւնների մասին. «Երեխայիդ հանգիստ մտքով ուղեկցում ես միութիւն, իսկ չկայ որեւէ երաշխիք այն բանի համար, որ երեխադ իրեն հանգիստ մթնոլորտում զգայ կամ ասենք այնտեղի «քեռին» կամ վարիչը նրան «մի-երկու լաւ խօսք ասելուց յետոյ»՝ միութեան տարածքից դուրս չհրաւիրի: Եւ սա այն դէպքում, երբ դրսում՝ փողոցների մէջտեղում հանգիստ մտքով թմրանիւթ են վաճառում կամ նոյնիսկ օգտագործում: Արի ու տես, մարդիկ մտածում են պէտք է անպայմանօրէն պրոֆեսիոնալ մարզիկներ դաստիարակել, եւ հսկայածաւալ այդ տարածքները միայն յատկացնում այդ ուղղութիւններին: Հարց է ծագում՝ ո՞վ է միութեան իսկական տէրը, եթէ ո՛չ ինքը՝ երեխան»:
Չկայ յստակօրէն մշակած ծրագիր՝ առողջ մտքով սերունդ ունենալու գծով, քանի որ չկայ շիտակ պատկերացում՝ նրանց վտանգող երեւոյթների ու արատների մասին: Այս կապակցութեամբ թոյլ տւէք խօսել առաջին դէմքի անունից: Անձամբ ազգային իշխանութիւնից չգիտեմ որեւէ պատասխանատու անձի, ով ձեռնարկներին մասնակցելուց զատ՝ այլ նպատակներով (ասենք ճանաչողական) այցելած լինի քաղաքամաս... մի խօսքով...
Իսկ այն մասին, որ թմրաբիզնեսային բանդաները կարող է եւ տուրք չտան իրենցից նւազ եւ չկազմակերպւած ուժերին, կասկածներ լինել չեն կարող: Սակայն, երբ նկատելի է դառնում, որ, ընդհանրապէս, գոյութիւն չունի նրանց վնասազերծման գծով տարւող որեւէ աշխատանք, բնական կը լինի, եթէ մտածենք, որ վիճակը սրանից աւելի լաւ լինել չէր կարող նրանց համար:
Շատ երկար ճանապարհ պէտք չէր կտրելու, որպէսզի հնարաւոր լինէր յայտնաբերելու, թէ ինչ կարգի թմրանիւթեր են շրջանառւում քաղաքամասում: Աւանդականներից բացի՝ բացւել է նաեւ նոր ճակատ, որն զբաղւում է այսպէս ասած արհեստական կամ քիմիական լաբորատորիաներում պատրաստւող թմրանիւթերով: Եւ որքան էլ սարսափելի ու անհաւատալի թւայ՝ դրանք տեղակայւած են հէնց քաղաքամասիս սրտում: Այնպէս որ՝ մատակարարողները նկատելով քաղաքամասային առումներով ձեռքբերւած հեղինակութիւնը՝ շարժւում են համապատասխան ուղղւածութիւններով: Բանդաների մասին մեր արած պատմութեան մասին կը զբաղւենք յաջորդիւ:
Լաւ մնացէք, իսկ միութիւններին էլ այսքանը, որ մտահոգւելու ոչինչ չկայ, չէ՞ որ ում է հետաքրքրելու մեր այսօրինակ զրոյցները որ...

Related items

  • ԶՐՈՅՑ - Յանուն խաղաղութեան՝ «Վաճառիր վերջին բաճկոնդ, սուր գնիր...»-, ընտանիքդ, հայրենիքդ պահել պահպանելու համար
    ԶՐՈՅՑ - Յանուն խաղաղութեան՝ «Վաճառիր վերջին բաճկոնդ, սուր գնիր...»-, ընտանիքդ, հայրենիքդ պահել պահպանելու համար

    Արցախի թեմակալ առաջնորդի՝ Պարգեւ արք. Մարտիրոսեանի հետ մեր այս զրոյցն անցաւ արդէն «Քառօրեան» յաղթահարած ժամանակահատւածում ու հակառակորդին հրադադար պարտադրելուց անմիջապէս յետոյ:
    Ստեփանակերտի մայթերի անձրեւային խոնաւ ցեխը քայլքիդ տակ սեղմելով ու լպրծուն ձայնը, որպէս էութեանդ հարազատ մաս զգալով գնում ես անցնելու տեսածդ լուսանկարների կադրից ներս՝ Պարգեւ Սրբազանին հանդիպելու:

  • ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 5 եւ վերջ)
    ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 5 եւ վերջ)

    Երբ քաղաքում նկատելիօրէն աճում է կանանց թիւը, քաղաքը գեղեցիկ դառնալու կողքին (ինչպէս կատակով ասում են Ստեփանակերտի կանայք) նաեւ կարող է յուշել սահմանում տղամարդկանց աճի մասին: Պատերազմն այդպիսի պատկերով է թելադրում իր կամքը:
    Հայրենասիրութիւնից եռացող արցախցու ոգին կարծես թէ բնաւ պէտք չունի դրօշներով ու խորհրդանիշերով խօսել փողոցներում:

  • ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 4)
    ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 4)

    Մայրաքաղաք հասնելուն պէս շտապում ենք դէպի Ստեփանակերտի զինւորական հիւանդանոց:
    Թէեւ պատրաստ ենք այն բոլորին ինչը պիտի տեսնենք մօտկից, այնուամենայնիւ, հանդիպելով հիւանդանոցի վիրաբոյժ բժիշկ Գալստեանին, նա զգուշացնում է, որ տղաներն արդէն կուշտ են այս կարգի այցերից կամ էլ կրկնւող հարցերից:

  • ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 2)
    ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 2)

    Մզկիթի մօտ ինձ ընկերակցող ժամկէտային զինծառայող երիտասարդն ուշադիր հետեւում է ինձ ու փորձում ամէն բան յարմարեցնել ուզածիս համապատասխան: Ասում է այստեղ էլ այլադաւան աստւածահաւատների աղօթատեղն է, պէտք է յարգել յատկապէս եթէ պարսիկները (Իրանը) յարգում ու պահպանում են հայկական մշակութային կոթողները:

  • ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 1)
    ՌԵՊՈՐՏԱԺ - Քառօրեայ պատերազմը եւ Արցախում քաղաքային կեանքը (Շար. 1)

    Դիրքեր մեկնելը իւրաքանչիւր անչափահաս արցախցու երազանք լինելուց բացի նաեւ հանդիսանում է «երկիրը՝ երկիր դարձած»-ի իրական մարմնաւորումը:
    Արցախի քաղաքներում, յատկապէս այս օրերին, հիմնականում երեւելի են կանայք, երեխաները, եւ տարեցների սպասող հայեացքները: Մի կին, ով զբաղւում է բանջարեղէնի վաճառքով կատակով լեզւին է տալիս «հազիւ քաղաքը գեղեցկացել է...» լայն ժպիտ է գոյանում դէմքիդ ու ինքն էլ քեզնից է փախցնում հայեացքը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։