Հա

Հասարակական

06/07/2014 - 09:50

ՌԱԴԻՕ ԲԱՌ

Նախորդ համարներով ներկայացւած նկարագրութիւններով փորձ արւեց՝ ներկայացնելու Թեհրանի հայանիստ շրջաններից Սասուն քաղաքամասում հետզհետէ աճող ու բարգաւաճող թմրաբիզնեսի ու դրանով զբաղւող դէմքերի անդիմագիծ հետքերը:

Ներկայացւած յօդւածների արձագանգների մասին չկայ որեւէ մեխանիզմ՝ ճշտելու, թէ դրանք որքանով են յայտնւել ուշադրութեան կենտրոնում:

ՀԱՏԻՍ

Նախորդ համարներով ներկայացւած նկարագրութիւններով փորձ արւեց՝ ներկայացնելու Թեհրանի հայանիստ շրջաններից Սասուն քաղաքամասում հետզհետէ աճող ու բարգաւաճող թմրաբիզնեսի ու դրանով զբաղւող դէմքերի անդիմագիծ հետքերը:

Ներկայացւած յօդւածների արձագանգների մասին չկայ որեւէ մեխանիզմ՝ ճշտելու, թէ դրանք որքանով են յայտնւել ուշադրութեան կենտրոնում:

Սակայն, կատարւած մանր-մունր հետազօտութիւնները խօսում են այն մասին, որ թեման կարող է յուզել քաղաքամասի իւրաքանչիւր բնակչի, անկախ նրա հայ թէ այլազգի լինելուց:

Այսպիսով՝ հնարաւոր է նաեւ ուսումնասիրութիւնների թիրախն ընդարձակելով՝ յայտնւել նաեւ պարսկալեզու լսարանի ուշադրութեան կենտրոնում:

Փաստ, որը կարող է բարձրացնելով պատասխանատւութեան պահը՝ առաւել ազդեցիկ դարձնել նաեւ շօշափածը՝ հէնց պատասխանատուների զգօնութիւնը արթնացնելու առումներով:

Ինչեւէ, մինչեւ նման հարթութեան անցնելը՝ կարելի է շարունակել մեր կտրւածքով ազգային միութիւնների ծաւալած գործունէութիւնն ու ունեցած-չունեցած ծրագրերը քննարկման առարկայ դարձնելով:

Նշենք նաեւ, որ նախորդ ռադիօն աւարտւեց այնտեղ, ուր խօսքը հասնել էր պատրաստւում թմրանիւթերի պատրաստման «որջերին», որոնց մասին առնւազն քաղաքամասի բնակչութեան մօտ կայ համոզում, որ դրանք հէնց տեղակայւած են միութիւն, եկեղեցի եւ նոյնիսկ դէպի դպրոցներ ուղեկցող փողոցներում:

Իսկ բնակչութեան մօտ կարծիքներ գոյանում են միայն տեսածի եւ ինչ-որ տեղ նաեւ շրջանառւող լուրերի հիմքի վրայ:

Ծանրանալով միութիւնների կարողութիւնների վրայ՝ հարկ կը լինի նշել, որ քանի որ հարցն իր կարեւորութեամբ կարող է ունենալ ազգային խնդիր դառնալու հիմքեր՝ պէտք կը լինի խնդիրը տեղափոխել նաեւ համապատասխան մարմիններ, որտեղ սպասւող քննարկումները կրելու են պաշտօնական երանգ եւ բնական կը լինի նաեւ կարգապահական ուժերին պատասխանատւութեան կանչելու ակնկալիքները:

Հասարակական այն արատները, որոնք արդէն իրենց վրայ կրում են սովորական երեւոյթի կնիք, գնալով նաեւ նորմ դառնալու հիմքեր են ստանում, կոպիտ ասած՝ իրենց եկամտաբերութեան եւ հարստացման համար կարճ ճանապարհամիջոց համարւելու առումով:

Երեւոյթն իր կարեւորութեամբ ենթադրում է նաեւ առանց այդ էլ արտագաղթի խնդրի առջեւ կանգնած համայնքիս բջիջների ոչնչացման վտանգ:

Երեւոյթ, որը պէտք է տեղափոխել առանցքային (չասելու համար ռազմավարութեան) նշանակութեամբ համայնքային խնդիրների օրակարգ:

Իսկ մենք կը հանդիպենք օրակարգից դուրս՝ մեր նշած միութիւններից ակնկալւող ծրագրերի մասին զրոյցը շարունակելով:

Յարակից լուրեր

  • Միջոցառում տարեցների համար «Ֆադաք» զբօսայգում
    Միջոցառում տարեցների համար «Ֆադաք» զբօսայգում

    Երկուշաբթի, 8 յուլիսի 2019 թ.-ին, Սասուն (Նարմաք) քաղաքամասի «Ֆադաք» զբոսայգում, Զարքեշ քաղաքամասի առողջապահութեան կենտրոնի (خانه سلامت زرکش) համագործակցութեամբ, տեղի ունեցաւ ծրագիր տարեցների համար: Սոյն ծրագրին մաս էր կազմում նաեւ «Ա. Աւետիսեան» ազգային բուժարանը:

  • 8 տարւայ դադարից յետոյ վերագործարկւել է Թեհրան-Վան գնացքը
    8 տարւայ դադարից յետոյ վերագործարկւել է Թեհրան-Վան գնացքը

    Վանում 2011 թ. տեղի ունեցած երկրաշարժից յետոյ ուղեւորափոխադրումները դադարեցրած Թեհրան-Վան գնացքը կրկին դուրս է եկել ռելսերի վրայ: Վերագործարկումից յետոյ ուղեւորափոխադրող գնացքը Թեհրանից 79 ուղեւոր է տեղափոխել Վան:

  • Գիշայի կամրջի ապամոնթաժման աշխատանքները կը սկսւեն շաբաթւայ վերջում
    Գիշայի կամրջի ապամոնթաժման աշխատանքները կը սկսւեն շաբաթւայ վերջում

    Մայարքաղաքի «Գիշա» թաղամասին կամրջի ապամոնթաժման աշխատանքները կը սկսւեն այս շաբաթւայ վերջում: Այն կը տեւի 45-60 օր: Այս մասին յայտարարել է Թեհրանի քաղաքապետի տեխնիկական եւ զարգացման հարցերով տեղակալ Սաֆա Սաբուրին:

  • «Armenia airways». Նոր չւերթ` Երեւան-Թեհրան-Երեւան
    «Armenia airways». Նոր չւերթ` Երեւան-Թեհրան-Երեւան

    «Armenia airways»-ի ֆէյսբուքեան էջից տեղեկանում ենք, որ յունիսի 15-ից աւիաընկերութիւնը սկսում է իր կանոնաւոր թռիչքները Երեւան-Թեհրան-Երեւան ուղղութեամբ:

  • «Armenia airways»-ը մեկնարկում է դէպի Թեհրան թռիչքներով
    «Armenia airways»-ը մեկնարկում է դէպի Թեհրան թռիչքներով

    Հայկական «Armenia airways» աւիաընկերութիւնն առաջիկայ շաբաթներին երկինք կը բարձրանայ: Ընկերութիւնն սկսելու է իրականացնել Երեւան-Թեհրան-Երեւան կանոնաւոր չւերթներ: Այս մասին տեղեկանում ենք աւիաընկերութեան ֆէյսբուքեան էջից: Ճիշտ է՝ առայժմ տոմսերի վաճառք չկայ, եւ «Զւարթնոց» օդանաւակայանի կայքում էլ չւացուցակը դեռ չի երեւում:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։