Հա

Հասարակական

14/09/2014 - 09:50

ՌԱԴԻՕ ԲԱՌ - Վերջապէս շոգն էլ շնչահեղձ եղաւ

Ամառային արձակուրդներն էլ կարծես շոգից շնչահեղձ ՝ վերջին շունչն են փչում:
Չնայած երեխաների աչքին ժամանակն այս երեք-չորս ամիսների ընթացքում շատ աւելի արագ է ընթանում, բայցեւայնպէս՝ մէկ է նրանք նաեւ հրապուրւած են Համահայկականով կամ էլ նոյնիսկ դպրոցական տարեշրջանի ամենաքաղցր առաջին շաբաթով:

ՀԱՏԻՍ


Ամառային արձակուրդներն էլ կարծես շոգից շնչահեղձ ՝ վերջին շունչն են փչում:
Չնայած երեխաների աչքին ժամանակն այս երեք-չորս ամիսների ընթացքում շատ աւելի արագ է ընթանում, բայցեւայնպէս՝ մէկ է նրանք նաեւ հրապուրւած են Համահայկականով կամ էլ նոյնիսկ դպրոցական տարեշրջանի ամենաքաղցր առաջին շաբաթով:
Այսպիսով՝ արագընթաց եղանակով ժամանակների վերջին շաբաթւայ սկզբում նոյն եղանակով մտածել ես սկսում բոլոր այն թեմաների ու երեւոյթների շուրջ, որոնց մասին խօսել կամ հետեւել ես թիկունքում թողած տարւայ ընթացքում, սակայն, յաճախ առանց որեւէ դրական արդիւնքի:
Միայն թւարկելու կարգով հնարաւոր կը լինի վերյիշել, որ, օրինակ, Սասուն քաղաքամասում դեռ չի կառուցւել ու կարծես ոչ մի հեռանկար էլ չկայ մայթակամուրջ կառուցելու համար: Չէ՞ որ ինչ հոգ, եթէ դպրոցական աշակերտներ կան երթեւեկող ամենաբանուկ եւ արագընթաց ճանապարհներից մէկի սրտում:
Կամ միութիւնների ինչ հոգն է, երբ քթի տակ թւով 15-ից 20-ի հասնող այսպէս ասած՝ պայթած դէմքերով, թմրանիւթի ու «տերեւի» վաճառքով տարւած հայ երիտասարդներ կան թաւալւող, եւ սա այն դէպքում, երբ միութիւնները պատանիների համար չունենալով հաճոյական ծրագրեր, նրանց դուրս հրելով միութեան տարածքից՝ դէպի պայթած դէմքերով այդ հարթակ են մղում:
Ինչեւէ, լրագրողի գործի մասին միայն մեղաւորներ փնտրելու տպաւորութիւն չթողնելու համար յաւելենք նաեւ, որ իւրաքանչիւր խնդիր մեր երկրում կարծես միայն հնարաւոր կը լինի լուծւած տեսնել, երբ համապատասխան ոլորտի ընտրութիւնների շրջանն է հասնում: Այսպիսով՝ մի փոքրիկ ժամանակացոյց կազմելով պարզ կը դառնայ, թէ յանուն համայնքի բարեկեցութեան, երբ է կարելի արդիւնաւէտ լրագրագրոհ նախաձեռնել: Սա, ի միջիայլոց:
Բուն նիւթից շատ հեռու չընկնելու համար՝ վերջակէտից առաջ լաւ կը լինի նշել, որ այս կապակցութեամբ մշակւում է մի նախագիծ, որով խնդիրը գործին առնչւող պատասխանատուների օրակարգում տեսնելու փորձ է արւելու:
Ինչեւէ, ամառն իր շոգ ու թմրեցնող շնչով տեղը զիջել է սկսում ամենաբոհեմական եղանակին, որից այնքան ակնկալիքներ կան սիւնակիս ծուլացած ընթացքն իր սպասւած հունի մէջ մտցնելու: Հէնց այսպիսի դրական լիցքերով էլ սկսում ենք մեր այսպէս ասած՝ նոր եթերաշրջանը, այն յոյսով, որ հարցերն ու խնդիրները անվերջանալի լինեն ու թեմաների առատութիւնը ապահովւած:
Իսկ Համահայկական խաղերի մասին այսքանը, որ խաղերին մասնակցած աւելի քան ութ հարիւր մասնակիցներից եթէ ասենք գոնէ կէսը լրջօրէն հետեւում են պատկան մարզաոճին, ապա ձեռի հետ կը ստանանք շուրջ 400 մարզիկ, որոնց միջից շուրջ 20-25-ը Իրանի ազգային հաւաքականում հանդէս գալու փորձ են ունեցել: Եւ եթէ սա որեւէ համայնքի համար լաւագոյն ցուցանիշ չհամարւի, ապա գոնէ ամենալաւերից է: Արդիւնք, որին հասնելու համար ինքը՝ Համահայկական խաղերը լաւագոյն թռիչքուղին է եղել իւրաքանչիւրի ինքնահաստատման դժւարին ճանապարհին: Պարզապէս պէտք է իրերը գնահատել իրենց իսկական դերուդիրքով: Եւ ինչ կայ դրա մէջ, եթէ բարձրաձայնենք, որ եղած բոլոր թերի-անթերի աշխատանքների կողքին պէտք է արժանին մատուցւի կազմակերպիչներին ու օժանդակող մարմիններին, չէ՞ որ պետական մասշտաբների այսօրինակ գործն արւում է առանց համապատասխան բիւջէների առկայութեան այն էլ սիրողական հարթակում:

Յարակից լուրեր

  • Միջոցառում տարեցների համար «Ֆադաք» զբօսայգում
    Միջոցառում տարեցների համար «Ֆադաք» զբօսայգում

    Երկուշաբթի, 8 յուլիսի 2019 թ.-ին, Սասուն (Նարմաք) քաղաքամասի «Ֆադաք» զբոսայգում, Զարքեշ քաղաքամասի առողջապահութեան կենտրոնի (خانه سلامت زرکش) համագործակցութեամբ, տեղի ունեցաւ ծրագիր տարեցների համար: Սոյն ծրագրին մաս էր կազմում նաեւ «Ա. Աւետիսեան» ազգային բուժարանը:

  • Մուսա լեռան գագաթին վառւել է Համահայկական խաղերի ջահը
    Մուսա լեռան գագաթին վառւել է Համահայկական խաղերի ջահը

    Մուսա լեռան ստորոտում՝ Վագըֆ գիւղի Սուրբ Աստւածածին հայկական եկեղեցում, Պոլսի Սուրբ Վարդանանց եկեղեցու հոգեւոր առաջնորդ Հայր Սուրբ Թաթուլ Անուշեանի ձեռամբ նախ պատարագ է մատուցւել` Համահայկական խաղերի յաջող մեկնարկի ու ընթացքի համար:

  • Թեհրանի Քաղաքապետը, քաղաքի 8-րդ շրջանում 20 մշակութային-մարզական կենտրոնների բացումը կատարեց
    Թեհրանի Քաղաքապետը, քաղաքի 8-րդ շրջանում 20 մշակութային-մարզական կենտրոնների բացումը կատարեց

    Շաբաթ, ապրիլի 7-ին, Թեհրանի քաղաքապետ՝ Մոհամմադ Ալի Նաջաֆին, Թեհրանի 8-րդ շրջանում, 20 քաղաքային ծրագրերի՝ մշակութային եւ մարզական կենտրոնների բացումը կատարեց:

  • Հայկական որակեալ դպրոցը՝ հայ աշակերտի անվիճարկելի իրաւունքն է
    Հայկական որակեալ դպրոցը՝ հայ աշակերտի անվիճարկելի իրաւունքն է

    Եթէ փորձենք վերյիշել մօտ անցեալը, երբ նոր էր մեկնարկել «օտար» դպրոցներում երեխայի բախտը որոնելու գործը, հիմքում երեւացողը՝ մեր աշակերտին լաւագոյնների հետ մէկ գրասեղանի վրայ կրթւելու հիմնաւորւած տրամաբանութիւնն է, սակայն այսօր, փաստօրէն, տրամաբանութիւններն էլ են գունաթափւել, ձեռքբերումներն ու արդիւնքներն էլ:

  • 2016-2017 դպրոցական տարեշրջանի առիթով.- Խօսք՝ աշակերտութեան
    2016-2017 դպրոցական տարեշրջանի առիթով.- Խօսք՝ աշակերտութեան

    Սիրելի աշակերտներ, թանկագին փոքրիկներ հայոց մանկապարտէզների,
    Վերամուտ է կրկին. ձեզանից ոմանք վերադառնում են դպրոց, իսկ ոմանք էլ նոր են գալիս ու նոր եկողներից շատերը յուզումով ու ակնկալիքով են գալիս, իսկ ոմանք էլ անմեղ լաց ու կոծով։ Սա շատ բնական երեւոյթ է. ուրախութիւնն ու լացը մարդկային կեանքի մաս են կազմում. երբեմն մարդ ուրախութիւնից լաց է լինում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։