Հա

Հասարակական

03/11/2013 - 09:50

ՌԱԴԻՕ ԲԱՌ - Անլուրջ հայեացք՝ սանրւածքից այն կողմ

Անլուրջ թեմաների մասին խօսքը շարունակելով, ցանկութիւն կայ խօսելու նաեւ այն մասին, թէ մենք՝ հայերս, որքան լուրջ մարդիկ ենք: Երեւի պատմութեան կրունկի տակ այնքան տաշւել-մաշւելուց յետոյ է, որ մտածում ես, պիտի որ տաշած քարի պէս՝ գետին չմնանք: Քաւ լիցի, նպատակ չունեմ պատմութեան թողած ազդեցութեան տրամաբանութիւնը քննարկման առարկայ դարձնել: Ուղղակի տրամաբանութիւնից՝ տրամադրութիւն խնդիրն է, որ պէտք է քննութեան առնել, քանի որ դրա տակ է թաքնւած նաեւ իրար նկատմամբ եղած յարգանքի ու դրա դրսեւորման գաղտնիքները եւ վերաբերմունքը:

ՀԱՏԻՍ

Անլուրջ թեմաների մասին խօսքը շարունակելով, ցանկութիւն կայ խօսելու նաեւ այն մասին, թէ մենք՝ հայերս, որքան լուրջ մարդիկ ենք: Երեւի պատմութեան կրունկի տակ այնքան տաշւել-մաշւելուց յետոյ է, որ մտածում ես, պիտի որ տաշած քարի պէս՝ գետին չմնանք: Քաւ լիցի, նպատակ չունեմ պատմութեան թողած ազդեցութեան տրամաբանութիւնը քննարկման առարկայ դարձնել: Ուղղակի տրամաբանութիւնից՝ տրամադրութիւն խնդիրն է, որ պէտք է քննութեան առնել, քանի որ դրա տակ է թաքնւած նաեւ իրար նկատմամբ եղած յարգանքի ու դրա դրսեւորման գաղտնիքները եւ վերաբերմունքը:
Պատկերացրէք, եթէ մերոնց մօտ ծանօթ-անծանօթի դէմքին նայելիս յաճախ ժպտաս, կամ ըստ սովորութեանդ նախաբարեւողը լինես, առաջին շարքերում յայտնւելու կամ նստելու տենդ չունենաս, եւ նմանօրինակ այլ իրավիճակներ, որտեղից բնազդն ու բնութիւնդ է թելադրում խուսափել, հէնց այստեղ էլ կարող են քեզ բնութագրել՝ անլուրջ տեսակին պատկանող մարդկանց շարքերով:
Կողքից էլ գնալով կարծես իրենց գոյնն ու նշանակութիւնն են կորցնել սկսում անցեալում արժէք համարւող եւ մարդկանց հաւաքականութիւնը համայնք դարձնող յատկանիշերը: Մոդեռն կեանքի բնական ընթացքն է մղում ընթացք վերցնելու աշխարհին համընթաց: Այնպէս, որ այսօրինակ մօտեցումներով հասունացող վաղւայ սերնդի գլխից գնալով չքանալ է սկսում հաւաքականութեան կարեւորութիւնը: Սա ինչքանով որ բնական է եւ որպէս այդպիսին՝ իրաւունք, նոյնքան մտահոգիչ կարող է լինել փոքրամասնութիւն համարւող համայնքների համար: Քարոզչութիւնն ու դրանից քամւող ազդեցութիւնը նոյնպէս շարժւում է շուկայական բանաձեւերով: Այնպէս որ, եթէ դրանից հարկաւոր է օգուտ քաղել, այն պէտք է առնւազն ապահովի տիեզերական թւերի հասնող տիրաժ ու քանակութիւն:
Պատճառների պակասը չի զգացւի, եթէ խօսքը փակագծեր բացելուն հասնի: Սակայն այստեղ, իրեն անլուրջների շարքերը դասող հեղինակիս մտահոգում է այն բանը, որ եթէ նախկինում խօսւում էր իրար յաջորդող սերնդների միջեւ եղած փոխըմբռնման խնդիրների շուրջ, այն գուցէ այլեւս չդիտւի որպէս խնդիր, քանի որ խնդիր դառնալու համար նրան կարող է պակասել հէնց՝ խնդիր դառնալու ցանկութիւնը:
Կացութիւնը գիտակցութիւն է ճշտում: Այնպէս որ, սխալ չի լինի ասել, որ անլուրջ շարքերում լուրջերին գնալով բանի տեղ դնող չես գտնելու: Պարզապէս իրարու նկատմամբ հետաքրքրւածութիւն չկայ: Դարձեալ փակագծեր բացելու կարիքը չկայ, իւրաքանչիւրը կարող է ունենալ սեփական փորձից յիշւող իր փակագիծը:
Այստեղ՝ ներքեւներում, աւելի հեշտ է տեսնել յատակում նստւածք տւած մտքերի ծալքերը, որոնք գնալով իրենց պատասխանները որոնելու նոր աղբիւրներ կարող են գտնել: Շատ ընդհանրացաւ մեր անլուրջ այս ցրոյցը: Այս եւ նմանօրինակ անլուրջ թեմաների ուղղւածութեամբ կը ծանրանանք գալիք շաբաթների ընթացքում:

Յարակից լուրեր

  • «Կրթութեան ոլորտի խնդիրների լուծումը պահանջում է ազգային վճռականութիւն». Կարէն Խանլարեան
    «Կրթութեան ոլորտի խնդիրների լուծումը պահանջում է ազգային վճռականութիւն». Կարէն Խանլարեան

    Կրթութեան նախարարութիւնը բազմաթիւ մարտահրաւէրների եւ խնդիրների դէմ-յանդիման է կանգնած, որոնց յաղթահարումը պահանջում է ազգային վճռականութիւն եւ բոլոր կառոյցների համադրւած աշխատանք:

  • Մտաւոր կապիտալ
    Մտաւոր կապիտալ

    Սակայն դա առաջին հայեացքից է այդպէս երեւում։ Իրականում, էներգետիկ պաշարների առկայութիւնը ենթադրում է դրանց արդիւնահանման, վերամշակման ու շահագործման համար անհրաժեշտ ենթակառուցւածքների ներդրում։ Արդիւնքում` բնական ռեսուրսներ յայտնաբերած երկրները, չունենալով անհրաժեշտ մտաւոր կապիտալ, ներգրաւում են արտերկրի մտաւոր կապիտալը՝ էներգետիկ ռեսուրսների շահագործման համար անհրաժեշտ ենթակառուցւածքների ձեւաւորման նպատակով։ Արտերկրեայ մտաւոր կապիտալը, որպէս կանոն, գործում է մի քանի անգամ բարձր վարձատրութեամբ, քան դա կարող էր լինել ազգային մտաւոր կապիտալի դէպքում։

  • Պատշաճ յարգանք ընկ. Վահէ Յարութիւնեանի յիշատակին
    Պատշաճ յարգանք ընկ. Վահէ Յարութիւնեանի յիշատակին

    Կիրակի, 2 սեպտեմբեր 2018-ի յետմիջօրէին, Հ.Յ.Դաշնակցութեան Կլենտէյլի (Գալիֆորնիա) «Գարամանուկեան» կեդրոնի սրահին մէջ, տեղի ունեցաւ ոգեկոչական հաւաք մը, յարգելու համար յիշատակն ու վաստակը Հ.Յ.Դ. Բիւրոյի գործավար եւ աշխատակազմի ղեկավար, նորոգ հանգուցեալ ընկ. Վահէ Յարութիւնեանի։

  • Թուրքիայի խորհրդարանում յարգել են ստամբուլահայ լեգենդար բժիշկ Յակոբ Կոթողեանի յիշատակը
    Թուրքիայի խորհրդարանում յարգել են ստամբուլահայ լեգենդար բժիշկ Յակոբ Կոթողեանի յիշատակը

    Թուրքիայի ընդդիմադիր Ժողովրդահանրապետական կուսակցութեան անդամ, խորհրդարանի հայազգի պատգամաւոր Սելինա Դողանը Մեջլիսի հերթական նիստի ժամանակ յիշատակել է ստամբուլահայ լեգենդար բժիշկ Յակոբ Կոթողեանին, որը մահացել է օրերս: 

  • Հայկական որակեալ դպրոցը՝ հայ աշակերտի անվիճարկելի իրաւունքն է
    Հայկական որակեալ դպրոցը՝ հայ աշակերտի անվիճարկելի իրաւունքն է

    Եթէ փորձենք վերյիշել մօտ անցեալը, երբ նոր էր մեկնարկել «օտար» դպրոցներում երեխայի բախտը որոնելու գործը, հիմքում երեւացողը՝ մեր աշակերտին լաւագոյնների հետ մէկ գրասեղանի վրայ կրթւելու հիմնաւորւած տրամաբանութիւնն է, սակայն այսօր, փաստօրէն, տրամաբանութիւններն էլ են գունաթափւել, ձեռքբերումներն ու արդիւնքներն էլ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։